JOHAN 11:52 - SHEEYU BAIBEL (BSI)

⁵² alia tahrüh süna likhei donou bailaimoe, ana vakounou raroua buyu Ramainah taoye alikhei soua pove dzüre donoue.

JOHAN 11:52 Iomraidhean Croise

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

LOUTAO 22:15

Avei raoqulu hai naihü büa thetare, ae avei mali hai akhou hinou taotei touloure. Nenou Eye panou thaire donou naiphao hi khaipeiwure.

LOUTAO 22:27

Tyahrü hrülai nou Mapao ye sü licholai. Deiphao kainghou veishi hinou hrüyu mai hrülai sü puh hi dakhai velai; tyahrü veishi nou puhye sü tholai.

LOUTAO 72:19

Puhvei zhih aveih nasü teisa nou paosholo! Puhvei khouko ava nasü teideiphao veishi hi panou phoutao-a bulo! Amen! Amen!

ISAIAH 49:18

Ne pei pfüla loua zhuhaove khaio, nevei maitao sü tave jüloua ki hi veloure! E hai hriyu Ramai chekhaoyu thaipfüa nenou nevei maitao donou khaophu soulai, nghire naotumai ali nou zhusana tutoupfüa khaophu souyu büa ne-a khaophu soulai.

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 55:5

Chuo neletao nou sümoyu tyahrütaoye neletao hi kupoa velai, ae neletaoye sümoyu tyahrütao nou neletao hi tupoa velai. Daiolouzü sheeyu Israel maivei Ramai Mapao, Enou neletaoye sü souduso peiwure.”

ISAIAH 56:8

Hukhamai soua vakou nüpoa tayu Israel maitaoye pove jüpeiyu Ramai Mapao nou paoe, pove jüpei khaitouyu maitao likhei baimoa mai kukhe maia save jüpu peilai.

ISAIAH 60:4

Neletao nghithou hrüpa zhukhaio, neletao vei maitao hai ki hi dakhai vere donou vejüa bure! Neletao vei nahpoutu khesü kadouyu hinou velai, ae neletao vei nahnaotumai khesü daopfü poa ve peilai.

EZEKIEL 34:12

zhaokho mai ali nou puhvei zhaotu rarou-a buyu khesü save jüloua kiko peiyu bütoua Enou souloulai. Puletao nou teimai teizhi buh hinou ae kaozhou ashi buh hinou raroupoa tayu khesü Enou pove jüloulai.

HOSEA 1:10

Ana Israel maitao hai teithe li zai hi vünai bülai, süzhou mai linoua puletao ye duloulai moe, mokhaia puletao hrüh chosha louho soulai; “Neletao hai Amai moe” tea paoyu thaosü, “Hriyu Ramai nah khemai” tea Enou puletao ye paolai.

LUK NOU RÜYU KO AVEIBVÜ 15:8

“Moa hakinou naotumai alinou puhvei shapo kirou buyu hinou ali hawulouzü puhnou meibvü taoloua ea ki vaishee-a süna ngaoloumo koutesü soutaosoua phoulai mowu?

LUK NOU RÜYU KO AVEIBVÜ 2:32

puhsü tahrüh kukhemai taohi nevei tsüdo pongao peire donou ava, alia nemai Israel maitao hi khouko-ava pove peiloure nasüe.”

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 10:16

Alia zhaokhome haihi loumoyu Azhaotu kukhe-a bue. Enou puletaoye-a savelai, alia puletao nou Apaisü keilai, sükua puletao sü zhaokhowo alikhei hinou khome ali soubailai.

JOHAN 12:32

Alia Eye deiphi hinou polashuyuki, Enou mai hrülaiye Ahi paivelai.”

SEI-ATAMAI VAHTAO 18:10

daiolouzü Enou neye koa laiwe. Maitalinoua neye soushi louhoe, daiolouzü nuhdu haina hi Amai alaosou bue.”

ROMMAI 3:29

Molouzü Ramai hai Jihudimai Ramai baiwu? Puh hai tahrüh kukhemai vei Ramai-a mowu? Ovai, puh hai tahrüh kukhemai Ramaia-e.

ROMMAI 4:17

Haisü sheeyu larübvü nou paoyu kue, “Enou neye tahrüh taoli vei Puo soupeire.” Südonou thaimaiye souhri peiyu ea halia hayu hinou panou puh chikha vanou ve bulouyu Abraham nou louche-a buyu Ramai puh nghojü hi sü apaopeiyu nahai veishoe.

EPHESAMAI 1:5

Puhvei leshi hinou Eletaoye Jisu Khrista vanou puh nahmaitao soupei loure donou Ramai nou le lachere—haisü puhvei khrayu ea soure vah nabaie.

EPHESAMAI 3:11

Haisü Ramai nou puhvei teisavei aroh thaifüa souloue, alia süsü Eletao Mapao Khrista Jisu vanou souloure.

JEMS 1:1

Ramai ea Mapao Jisu Khrista vei kilai Jems hinou deiphao buh liki hinou raroupoa buyu Ramai vei mai khü kiahaitao hisü khurüyu chidoh seiwe.

1 PITAR 1:1

Jisu Khrista vei Sei-atamai Pitar nou Pontas, Galatia, Kappadokia, Asia ea Bithunia hinou shetumai soua raroua hrüa buyu Ramai nou dolouyu maitaohi rüwe.

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 JOHAN 3:2

Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.