JOHAN 11:38 - SHEEYU BAIBEL (BSI)

³⁸ Südonou Jisu hai le daisho puloukhaia khühhi tave; khüh sünasü chuhlea hinou raokhaitoue, alia süna pei hisü chuhlinou shikhai toue.

JOHAN 11:38 Iomraidhean Croise

SHURAI 23:19

Süthaisü Kanaan dei hi Mamre (süolouzü Hebron) vei teinghi palo buyu Makpelah hi dei süna vei chuh qulu hi Abraham nou puh chapfü Sarah ye sü poa vuhre.

ISAIAH 22:16

“Ne lah neye thaowe tea tsüchowe? Alia kuyu chulea hinou ne lah nevei khüh vouthou khaitouyu nevei zü daie bue?

EZEKIEL 21:6

“Thai-a bailaiyu mainare, nevei lüthou sü peyu bü dopfüa lükhaio. Mai hrülaiye panou zhingao loure donou levea nou lükhaio.

EZEKIEL 9:4

“Jerusalem nuhdu veishi hisü tasühao takhaio, ae nuhdu hai hinou vah ashi ae ngaorayu vah soukhai touyu levea dopfü buyu maitao pu vasü larücha daopeie.”

MATHIU 27:60

alia puhnou chuhrao hinou vouthouloua soukhai touyu lah puhvei khüh ashu nahi sünahai pothou khaire; süthaisü puhnou khüh mühi chuh aduli phaokou khaiwu-a tare.

MATHIU 27:66

Südonou puletao nou taho sünasü soutaosou chuhphao vanou paoshee soukhaire ea khore maiye sühi soutaosoua khaire.

MARK 15:46

Alia Josef nou jüyusah ali hrüloua pfüphao nasü deiphihi pokouloure ea sahba sünanou pozüwu-a chuhrao hinou vouthouloua soukhai touyu khüh nahi Jisu pfüphao sü pothou khaire. Süthaisü puhnou chuh aduli khüh mühi phaodakou khaire.

MARK 8:12

Ana Jisu nou ssü liphou touloua paoe, “Daidonou maikha hainanou shee phousa? Chechenou Enou neletao hi paowe, maikha haina hisü sheelia peilai moe!”

LUK NOU RÜYU KO AVEIBVÜ 24:2

Alia chuh nasü khüh hinou phaolai tawuyu sü puletao nou ngaoloure,

JOHAN 11:33

Jisu nou Meri ea puhye koa taveyu Jihudimai taonou krayu ngaolouyu kisü puh lehai daisho loure;

JOHAN 20:1

Rathozhou shohna teimaibu kinou Magdalini Meri nou khüh hi tahoe ea chuh nasü khühmü hinou phao laiyu sü ngaoloure.