JOHAN 11:35 - SHEEYU BAIBEL (BSI)

³⁵ Jisu sü krare.

JOHAN 11:35 Iomraidhean Croise

SHURAI 43:30

Süthaisü Josef hai puh thaihou ngaoloua le daiwure, südonou thashoa buh süna thaowua puhnou puhvei zübu kihi talouloua sühinou krare.

JOB VEI LARÜBVÜ 30:25

Vea-a laimai donou E-a kramowu? Toure hamai donou E-a dopfüa veapei mowu?

LOUTAO 119:136

Maikhe mainou nevei chikha khesü sümoyu donou reidzü küyu büa anghidzü sü kükoua bure.

ISAIAH 53:3

Puhye sü mainou ngaora-a pomoyu mai ali baie, veasho-a laiyu mai ali baie, ae sounou sou-a laiyu mai ali büa baie. Mai linoua puhye sü zhu chamoe, ae Etao nou puhye sü ngaora-a tsükhou peimoe.

ISAIAH 63:9

Puletao nou veahoyu hinou khailupa peiyu hai rakivamaiye seive khailupa peimoe, ana Mapao puh vuzünou tave khailupa peie. Puhvei leshi zhuvea sünou puletaoye khailupa peie. Latayu teithe teile teitei hi puhnou puletaoye sü süthaisa-a tapeie.

JEREMIAH 13:17

Hakinou neletao nou keipei molouzü, neletao vei khaophu vanou kheikhei soua Enou kralai; Enou kradu kra-a anghidzü koulai, daiolouzü Mapao vei maitao sü hukhamai sou-a nüpoa tare.

JEREMIAH 14:17

Enou leveayu nasü maikhe mai hi paopeio tea Mapao nou ahi haibüa paoe: “Hea khei sümoa anghi sü panou nghidzü koupeio, Eye panou krayu sü chaoso, daiolouzü avei maitaoye sü shisho-a zhiloure, ae puletao vei zhimü sü dusho loure.

JEREMIAH 9:1

Oh apei hai dzübvü ali-e tulouzü, ae anghithou hai dzüla toulouzü, Enou Amaitaoye southayu vanou hea-khei sümoa kra-a bua bailai.

DOPFÜYU 1:16

“Hai vanou Esü krawe, nghidzü nou anghithou sü phouloure. Eye sousava peire mai lia hare; mailinoua avei tsüle soudu peiloure mai hare. Ngaoba maitao nou ajünou veiloure; avei maitao hai hazei tare.

LUK NOU RÜYU KO AVEIBVÜ 19:11

Maikhe maitao nou chipao sütao keia buyu hinou, Jisu nou puletao hi nada ali paoputa khaire, daiolouzü puhsü Jerusalem hi ngheikoure, alia Ramai Vedei sü thasho-a velou laire tea puletao nou choe.

LUK NOU RÜYU KO AVEIBVÜ 19:41

Alia puhnou nuhdu süna ngheikihi takouloua sünaye ngaolouyu kisü, süna donou puhsü kraloua,

JOHAN 11:33

Jisu nou Meri ea puhye koa taveyu Jihudimai taonou krayu ngaolouyu kisü puh lehai daisho loure;

JOHAN 11:34

alia puhnou puletao hi noue, “Neletao nou puhye kahi povuwure?” Puletao nou puh hi chila peie, “Mapao, tave zhukhaio.”

EBRIAMAI 4:15

Daiolouzü Eletao vei Napao Peichanawo Ehnou lelou hoyuki Ehye leshi peilou hoyuna moe, ana Eletao büa hatali hinou athao daokhai-a puhwo mah soukhai moe.