JOHAN 11:25 - SHEEYU BAIBEL (BSI)

²⁵ Jisu nou puh hi paoe, “Ehai hrishuyu ea ahri nasüe; Eye loucheyu mai talinou puh hai thaiyuma hrilai;

JOHAN 11:25 Iomraidhean Croise

LOUTAO 36:9

Daiolouzü ne hi hriloure dzüla sü bue, ae nevei ava hisünou Etao hai vayu ngaoloua nou bue.

ISAIAH 26:19

Thaitayu nevei maikhesü hrishupu loulai, deiphao hinou züzhi-a buyu maitao, kushulo alia savayu lou sü soukhaio. Daiolouzü vidzü nou kou dei theyu hi shopeiyu büa Mapao nou raichoki nou thaitayu maikhe sü soukaishu peilai.

ISAIAH 38:16

Oh Mapao, E neye donou hrilai, neye donou likhei hria bailai; Eye souvei peio, Eye panou hrilo.

LUK NOU RÜYU KO AVEIBVÜ 23:43

Jisu nou puh hi paoe, “Chekhaoa, Enou nehi paowe, zhouh teithe hinou nenou Eye koa Paradise hinou ve bulai.”

JOHAN 1:4

Puh hisü ahri bue, alia ahri nasü maikhemai vei ava nasüe.

JOHAN 14:19

Phajü thaisü, deiphao mainou Eye ngaopukhai laimoe, ana neletao louzü Eye ngaolai; daiolouzü Enou hriyu donou, neletao-a hrilai.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 5:21

Daiolouzü Puonou athai maiye sou hrishu loua puletaoye ahri peiyu kua, Nahpoutua puhnou züpayu maitao hisü ahri peie.

JOHAN 5:26

Daiolouzü Puo puhlah hi ahri buyu kua, Puhnou Nahpoutuye-a lah puh hi ahri buloure aetou peiwure;

JOHAN 6:35

Jisu nou puletao hi paoe, “E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe.

JOHAN 6:44

Eye seive peiyu Apuonou puhye Ahi savepei molouzü, maita linoua Ahi velou hoe; alia Enou puhye akhai teitheki panou hrishu loulai.

SEI-ATAMAI VAHTAO 3:15

Neletao nou Ahripao naye sü southeare, ana Ramai nou puhye sü athai hinou souhrishu loure. Eletao sü sünavei zhopaoh maitaoe.

ROMMAI 4:17

Haisü sheeyu larübvü nou paoyu kue, “Enou neye tahrüh taoli vei Puo soupeire.” Südonou thaimaiye souhri peiyu ea halia hayu hinou panou puh chikha vanou ve bulouyu Abraham nou louche-a buyu Ramai puh nghojü hi sü apaopeiyu nahai veishoe.

ROMMAI 8:2

Daiolouzü Khrista Jisu hinou ahri Rakovei razhai nanou Eye sü mah ea athaivei razhaina hinou do soupeire.

1 KORINTHMAI 15:18

Süthaisü Khrista hinou zhitayu puletao-a ha-kare.

1 KORINTHMAI 15:29

Chuo thaimai sühsoua dzükhao dayu puletao sü kabü khailai? Thaimai hai hrishu khailaimoe toulouzü, daidonou puletao sühsoua maikhe mainou dzükhao dawe?

2 KORINTHMAI 4:14

Ehnou süwe süolouzü Mapao Jisu ye souhrishu peiyu Ramai puhnou Jisu ye koa Eletaoye-a souhrishu peilai ea Ehye neleye koa puh nghojühi save peilai.

PHILIPPIMAI 1:23

Südonou Ehai tsü ahai kole hinou ro saova-a buloure. Azüpanawo louzü hrü haina hai thaowu-a Khristaye koa ho buyu sünasüe, daiolouzü sünasü veikou shohie.

PHILIPPIMAI 3:10

Enou züpayu teitei sütaowo louzü Khristaye süyu, puh hrishuyuvei khouko sülouyu, puhvei veahoyu koa zha ngaozhoyu ea puhvei athai hinou koa puh büyu süsüe,

1 THESSALONIMAI 4:14

Daiolouzü Eletao nou Jisu hai thailoua hrida shuloure tea louche, alia südonou Jisu ye louche-a zhitayu khemaitaoye sü puhye koa Ramai nou podalou khailai.

PONGAOPEIYU 1:18

Esü hria buyu nasüe; Esü thaire, alia zhukhaio Esü teisanou hriwe, alia athai ea thaimai deiphao pei hi khore khoukosü ahi bue.

PONGAOPEIYU 20:5

(Kukhe thaimaitaosü po theli nasü chemo koutesü hrishumoe.) Haina hai hrishuyu raikha nasüe.

PONGAOPEIYU 21:4

Puhnou puletao nghithou hinou nghidzü teiteisü southe peilai. Sühisü athaisü bupu khailaimoe, alia dopfüyu moa krayu, moa souyu sü bupu khailai moe, daiolouzü na araitao sü talata khaire.”

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.