JOHAN 10:30 - SHEEYU BAIBEL (BSI)

³⁰ E alia Puosü alibaie.”

JOHAN 10:30 Iomraidhean Croise

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 28:19

Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio;

JOHAN 10:29

Puletaoye Ahi peiwuyu Apuonou hrülai jünou duhie, alia maita linoua puletaoye Apuo bah hinou shaolou hoe.

JOHAN 10:36

Sütoulouzü Enou, ‘Ewo Ramai Nahpoutue,’ tea paoyu vanou, Puonou soushee pei-a deiphao hi seivekhai touyu puh hi neletao nou, ‘Newo Ramaiye paoshiwe’ tea paowu?

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

JOHAN 14:9

Jisu nou puh hi paoe, “Pha haisoso Enou neletaoye koa bukhaia, ne Eye sümo hiwu Philip? Eye ngaolouyu puhnou Puoye ngaoloure; sütou louzü, nenou kakua, ‘Puoye sü Eh hi ngaokhaio’ tea paowe?

JOHAN 16:15

Apuo hi buyu teiteisü Aveie; südonou puhnou Avei nasü poloua sünasü neletao hi paongao peilai tea Enou paowe.

JOHAN 17:10

Avei teitei hai nevei baie, alia nevei taosü Aveie; alia puletao vanou Eye soudusho peire.

JOHAN 5:17

Ana Jisu nou puletao hi chila peie, “Apuonou chu koutea vah souwe, alia E-a vah soua bue.”

JOHAN 5:23

sükua puletao nou Puoye tsükhouyu kua Nahpoutuye-a mai hrülainou tsükhoulai. Nahpoutuye tsükhou moyu mai talinou puhye seiveyu Puo sünaye tsükhoumoe.

JOHAN 8:58

Jisu nou puletao hi paoe, “Cheche vuzünou Enou neletao hi paowe, Abraham ye namo jünou Esü bue.”

PAODAKHAIYU CHIKHA 6:4

“Oh Israel maitaore, haihai sülo! Eletao Ramai Mapao likhei Mapao sübaie.

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

TITA 2:13

sübüa Eletao nou dushoyu Eletao Ramai ea khailu-apeio Jisu Khrista nou khouko-ava hinou velaiyu süolouzü Eletao nou rei-a buyu rako avei Teithe süna sü kho-a bulai.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

1 JOHAN 5:7

Zhopaoh mai asü bue;