JOHAN 10:3 - SHEEYU BAIBEL (BSI)

³ Puh hisü bomü khowonou kikhu houpeie; zhaotu taonou puh paisü chouwe, alia puhnou lah puhvei zhaotu taoye sü puletao zhih ali linou kua süthaisa papeie.

JOHAN 10:3 Iomraidhean Croise

LOUTAO 80:1

Oh Israel maivei Zhaokhopu, Etao vei pai kei peio; zhaotu me ali büa Etaoye süthai peipu, Etao chi nou peio. Shouh pfüyu cherabim khaona phaova nou vebuh soua buyupu,

TAPALOUYU 33:17

Mapao nou Moses hi paoe, “Nenou paoyu bütoua Enou soupeilai, daiolouzü Enou neye süwe alia Enou neye jüpae.”

TSÜCHITAO 27:23

Nenou soulou süyu koute soutaosoua nevei kikhaorü sü zhutou tilo,

SOLOMON VEI LOU 8:13

Oh Aleshipai, ne paisü Eye panou keio; Avei samaitao-a ne paisü keinüa kho-a bure.

ISAIAH 40:11

Puhnou puhvei maitaoye sü zhaotu khoyu mainou zhaotuye kiko peiyu büa kiko peilai, ae zhaotu sü puh bah nou pove jüpeilai, alia zhaotu ke khesü zhutou poa sa-a tapeilai.

ISAIAH 42:16

“Nghicha-a buyu avei maitaoye sü puletao nou sümoyu ludu hinou Enou süthaisa-a tapeilai, puletao nghoujü hinou zhitei-a buyu nasü Enou ava hi soudapa peilai, thou-tao soua buyu dei khesü Enou souchi peilai. Haitao hai Enou soupeilai, ae Enou neletaoye sü thaokhaiwu laimoe.

JOHAN 10:14

E hai zhaokho aveiwo süe. Apuonou Eye süyu ea Enou Apuoye süyu kua, Enou Azhaotu taoye süwe ea puletao-a Eye süwe. Alia Enou Ahrirai hai zhaotutao donou peie.

JOHAN 10:16

Alia zhaokhome haihi loumoyu Azhaotu kukhe-a bue. Enou puletaoye-a savelai, alia puletao nou Apaisü keilai, sükua puletao sü zhaokhowo alikhei hinou khome ali soubailai.

JOHAN 10:4

Puhnou lah puhvei taoye sü vakouhi sapayu kisü, puhnou puletao nghojünou tae, alia zhaotu taonou puhthai fütae, daiolouzü puletao nou puh pai shiwe.

JOHAN 10:9

E hai kikhue; maita linou Ahinou talou louzü, puhsü khailu loulai, alia puhnou tapa talouloua poudai aveibuh ngaoloulai.

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:45

Rachi paolamaitao larübvü hinou, ‘Alia puletao hrülaiye Ramai nou doupei loulai,’ tea rüwure. Puo hinou choulouyu ea doulouyu mai talinou Ahi vewe.

ROMMAI 8:30

Alia sübüa Ramai nou docheyu maitaoye sü puhnou kua kuloue; alia puhnou kulouyu maitaoye sü lah puhye koa souzüpeie; alia puhnou puhvei khouko ava nasü puletaoye koa zha ngaozhoe.

1 KORINTHMAI 16:9

daiolouzü buh haihisü ngaobamai alao bukhaia, Eye donou vah du-sho soulou vei phasü houpei khaitoua bue.

PHILIPPIMAI 4:3

Alia Eye koa cheche-a kou pfüzhoyuna ne-a naotumai haitaoye soukha peikhaio tea Enou khowe; daiolouzü puletao nou Ko Aveina paodou loure donou E, Klement ea Ramai vei ahrimai larübvühi zhih rüthou khaitouyu kukhe Eye koa vah soumaitao hrülaiye koa te-a vah soue.

KOLOSSEMAI 4:3

Alia Ramai nou Eletao hi Khrista vei kheitsüna vanou puh chipao paodou loure teile kaozhou avei peiloure donou Ehye donou-a veachi paopeio. Daiolouzü süna donou Esü chu hukhahi buwe.

2 TIMOTHI 2:19

Sütoukhaia Ramai nou soushupa khaitouyu kifü sünawo louzü soukho louhoe; alia süpei hisü sükua paoshee soukhaitoue: “Mapaowo nou puhmai soua buyu taoye sü süwe” ea “Mapao vei zhih ku-a buyu maitalinou ashi soua buyu hinou tarei talou vuzülai.”

1 PITAR 1:12

Ramai nou rachi paolamai haitao hisü puletao vei vah hai lah puletao zhiloure donou moe ana neletao donou baie tea pongao peie, süolouzü chu neletao nou rakinou seikouyu Rako Mashi khouko vanou Ko Avei paosü peiyu rachi paopei maitao hinou choulouyu chi sütao vanou puletao nou raia paopeire. Rakivamai koutenoua chi haitao sü sülou nüshoa bue.

1 JOHAN 4:6

Ana Eletaowo Ramai hinou ve. Ramaiye süyu maitalinou Eh chi keipeiwe, alia Ramai hinou vemoyu maitalinou Eh chi keipei moe. Südonou hai vanou Eletao nou acheche vei Rako ea kao-zümoyu vei rakoye sü sükulouwe.

3 JOHAN 1:14

Enou neye thala-a daoresü rei-a bue, alia zhu kheihaonou tavedaoa koa Ahai chi phalai.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 3:20

Zhukhaio, Esü kikhu hinou la-a khouwe; maitalinoua Apaisü chouloua kikhu houpeilouzü Enou puh hisü talouloua puhye koa touzholai, alia puhnou Eye koa touzholai.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”