JOHAN 10:28 - SHEEYU BAIBEL (BSI)

²⁸ Enou puletao hi teisa halou hoyu ahri peiwe, alia puletaosü hakilia hakhai laimoe. Alia maita linoua puletaoye Abah hinou shaolou hoe.

JOHAN 10:28 Iomraidhean Croise

JOB VEI LARÜBVÜ 17:9

Tsükhou, khuhao züe tea choyu maitao sü puletao nou kao-a baie tea choloukhai khai-a baire.

LOUTAO 31:5

Ne bah hi avei hrümai sü thaothou peiwe. Oh Mapaowo, ne sü louchelou veiyu Ramai-e, nenou Eye khailupa peio.

LOUTAO 37:28

Daioluzü Mapao hai kaozü vah souyu nasü jüpa-e, puhnou puletaoye sü teisa nou vupeilai, ana mai ashi maivei tyaosholea maitaoye teidei hinou hulai bailai.

TSÜCHITAO 24:16

Daiolouzü acheche mai liwo bakha anai koute kaodu tayuma lashu loua baiwe; ana mai ashimai louzü veahoyu veyu phaki hakata-a bailai.

TSÜCHITAO 4:18

Ana acheche maivei luduwo teinghi payu büe, hea touchü hi koumo koute valailai payu kue.

ISAIAH 27:3

“Enou reihkhao soua kipei hainasü khowe, teisa Enou hainasü dzü zükou tewe. Mai taralia panou hainasü soushi more donou Enou hea-khei kho-a bue.

ISAIAH 45:17

Ana Israel mai louzü Mapao nou khailu peilai, ae teisa veilouyu sü ngaolai, alia puletao hai hraongu sü daokhai toulai moe.”

ISAIAH 54:17

Ana reih basei tarali noua neletaoye sü soushilou laimoe, ae chikuyu hi mai tara linoua neletaoye paoshia mah dukayu teitei hinou neletao nou veiloua bailai. Enou avei kilai nasü vupeilai ae veilouyu sü puh hi peilai,” tea Mapao nou paoe.

ISAIAH 55:3

“Enou paoyu jülo, ae ahi velo; sükulouzü neletao nou hriyu sü ngaoloulai. Enou neletaoye koa teisa vei soure vo ali soulai, ae David hi apaokhai touyu tobai soumoa leshi peiyu nasü neletao hi peilai.

JEREMIAH 23:4

Puletaoye khopeire mai sü Enou dopeilai. Avei maitao sü ngaopi pulai moe, ae Enou puletaoye sü tudee peipulai more. Haisü Mapao Enou paowe.”

JEREMIAH 31:3

kadou shoyu buh hinou puletao hi ve ngaopeie. Israel maitaore, Enou neletaoye thaokhai toumoa leshi peie, südonou Enou tobai soumoa neletaoye leshi peilai.

JEREMIAH 31:34

Süthaisü puletao mai ali noua mai ali hi Mapao ye sülo tea paodoulai moe, daiolouzü taidu sümoa mai hrülai nou Eye süa bailai. Enou puletao vei mahmo khesü khai peilai, ae puletao nou soumah pfümah khaitouyu khesü Enou lichopu peilai moe. Haisü Mapao Enou paowe.”

JEREMIAH 32:40

Enou akhai hayu vo ali puletaoye koa souloulai. Enou puletaoye donou havei soupeiyu sü thaokhailai moe, ae Enou puletaoye panou puletao vei tsüle teitei nou Eye ngaopi-a buyu sü soupeilai, sübüa puletaoye panou ahinou tavai takhai toulai moe.

MARK 13:22

Daiolouzü madayu Khristatao ea madayu rachi paolamaitao velai. Puletao nou sheetao ea khupa vahtao soungaoa soulou veilouzü Ramai nou dopalouyu maitaoye-a sümah peilai.

LUK NOU RÜYU KO AVEIBVÜ 23:46

Sükisü Jisu nou pai kusholoua, “Apuo, nebah hi Arakosü thoupeire!” tea paoe. Alia sübüa paowu-a puhsü thaire.

JOHAN 10:29

Puletaoye Ahi peiwuyu Apuonou hrülai jünou duhie, alia maita linoua puletaoye Apuo bah hinou shaolou hoe.

JOHAN 11:25

Jisu nou puh hi paoe, “Ehai hrishuyu ea ahri nasüe; Eye loucheyu mai talinou puh hai thaiyuma hrilai;

JOHAN 14:19

Phajü thaisü, deiphao mainou Eye ngaopukhai laimoe, ana neletao louzü Eye ngaolai; daiolouzü Enou hriyu donou, neletao-a hrilai.

JOHAN 17:2

Daiolouzü nenou puh hi peikhai touyu puletao hrülaihi puhye panou teisa ahri peiloure donou, nenou puh hisü deiphaomai hrülai pei hi khore khouko nasü peiwure.

JOHAN 18:9

Sünahai puhnou, “Nenou Ahi peikhai touyu taoye sü Enou mailia panou hawumoe,” tea paoyu chipao nasü panou vetere donoue.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:47

Cheche vuzünou Enou neletao hi paowe, louche louyu puhsü teisa ahri ngaoloure.

JOHAN 6:68

Simon Pitar nou puh hi chila peie, “Mapao, Ehnou thaoh hi talai? Nehisü teisa ahri chipaotao bue.

SEI-ATAMAI VAHTAO 7:59

Alia puletao nou Stephan hi chuhnou deia buyu hinou puhnou, “Mapao Jisu, Arako hai popeiwo!” tea veachi paoe.

ROMMAI 5:17

Daiolouzü maili mah vanou athainanou mai süna vanou tukha sahrü loure toulouzü, mailinou süolouzü Jisu Khrista nou soukhai touyu sünanou daizhozhou dukou laisa! Ramai vei zhuvea alao ngaoloumai hrülai ea puhye koa sakhai-a souzülouyu maitao sü Khrista vanou puletao hrümai hisü acheche nanou tukha sahrü loulai.

ROMMAI 5:2

Lü vanou chu Eletao nou hrüa buyu Ramai vei zhuvea haina hi puhnou Eletaoye save thoupeire. Alia Eletao nou Ramai vei khouko ava zha ngaozhore rei-a buyu hisü lesa-a buwe!

ROMMAI 5:21

Südonou athaina vanou mahnou tukha sahrüyu büa achechena vanou Ramai zhuvea nou tukha sahrüa Eletao Mapao Jisu Khrista vanou Eletaoye teisa ahri hi süthai thoupeie.

ROMMAI 5:9

Puh zhe vanou Ramaiye koa Eletaoye souzü peire; süthaisü daizhozhou koua puhnou Eletaoye Ramai vei rarou hinou khailupa peilai!

ROMMAI 6:23

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

ROMMAI 8:1

Südonou chuo Khrista Jisu hinou hrüa buyu maitao donou mah dukhaiyu hare.

ROMMAI 8:29

Ramai nou raia sülouyu puletaoye sü puhnah poutuye raibüyu zhu nasü-a koa panou zha ngaozhore donou puhnou raia do-a dochere. Sübüa Nahpoutu naye panou thaihou jüraimai alao hrohinou raikaina soulai.

PAODAKHAIYU CHIKHA 33:3

Mapao nou puhvei maitaoye sü leshie, ae puhvei amashee maitaoye vupeiwe. Südonou puletao sü ne phihi vewe, ae nenou paoyu thaifüa tawe.

PHILIPPIMAI 1:6

Alia neletao hrohi vah avei soushu peiyu Ramai puhnou süsü Khrista Jisu vei teitheki koute soucheloumo sasü koa soukoute peilai touyu sü Enou sütoupoa bue.

2 THESSALONIMAI 2:13

Ramai nou leshiyu thaihou jürai khemai, Ehnou neletaoye donou teisanou Ramai hi kalo paovu zülai. Daiolouzü shurai hinou neletaoye soushee peiyu Rako hinou ea neletao nou louche louyu achechena hinou khailu louyu sü ngaoloure donou Ramai nou neletaoye sü doloure.

1 TIMOTHI 1:16

ana Khrista Jisu nou Ahi tapeiyu zhai süna vanou puh hai shishilai mahmai hi koute daizhozhou shamea peisa touyu sü maikhemai hrülaihi pongao peiwu-a kukhemai taoye-a panou süsü süloua tave puh hinou teisa ahri nasü ngaoloure donou Ramai nou Apei hi zhuvea peire.

2 TIMOTHI 1:12

alia sübüyu donou Enou veayu haitaosü dao-a bue. Ana Ewo ahraomoe, daiolouzü Enou loucheyu puhye sü Enou süwe, alia puhnou Ahi lüthou peikhai touyu nasü teithe süki koute puhnou khopei lousüe tea Enou louchewe.

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

1 JOHAN 1:2

Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

1 JOHAN 2:19

Puletao sü Eletao hinou tapae, ana puletaowo Ehmai moe; daiolouzü puletao hai Eletao maie toulouzü, puletao sü Eletaoye thaomoa koa buvu zülai. Ana puletao hrülaisü Ehmaitao moe touyu sü sheesha-a popa ngaopeire donou puletaosü tapare.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.

1 JOHAN 5:11

Alia zhopaoh nasü haire: Ramai nou Eletao hi teisa ahri peire, alia ahri hainasü puhnah Poutuwo hinou ve-e.

JUD VEI SEIKO 1:1

Jisu Khrista kilai ea Jems thaihou Jud hinou— Ramai nou kupa louyutao süolouzü Puo Ramai vei leshi hinou hrüa buyu ea Jisu Khrista donou pokukhai touyutao hi rüe.

JUD VEI SEIKO 1:21

alia neletao nou neletaoye teisa ahrihi pove peire Eletao Mapao Jisu Khrista vei zhuvea zhia buyu hinou, neletao lah Ramai leshi hinou bulo.

JUD VEI SEIKO 1:24

Neletaoye kao-dulaiyu hinou khopeilou süyu ea neletaoye chaa ha-a ea sasa-a dushoyu Puh nghojühi pove peilou süyu Puh hisü —

1 SAMUEL 2:9

“Puhvei kharo züa laiyu maiye sü puhnou vupa peie, ana mai ashimai hai azhi hinou hakata bailai; mai taralia lah puhvei pfüchi nou veilou laimoe.