JOHAN 10:16 - SHEEYU BAIBEL (BSI)

¹⁶ Alia zhaokhome haihi loumoyu Azhaotu kukhe-a bue. Enou puletaoye-a savelai, alia puletao nou Apaisü keilai, sükua puletao sü zhaokhowo alikhei hinou khome ali soubailai.

JOHAN 10:16 Iomraidhean Croise

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

LOUTAO 86:9

Nenou soupei khaitouyu tyahrü hrülai nou tave neye khurülai; puletao nou nevei aduso nasü paosholai.

KOPAODOUWO 12:11

Tsüvei maivei chipao hai chokhaorü khoyu maivei süda büe, alia hushu veachü tukhaiyu li büa zhaokho mai livei chipao pojü khaitiyu hai.

ISAIAH 11:10

Veo David vei tyaosholea hinou shee ali soua vemai ashu ali hrüvere teile sü velaire. Maikhe mainou puhye sü phoulai, ae puhye sü maikhe mainou tsükhoulai.

ISAIAH 43:6

Enou teibekou hisü, ‘Puletaoye phapeio’ tea paopeilai, ae teizükou hi ‘Puletaoye nükhaiso, phapeio’ tea paopeilai. Adou kounou hrüa buyu avei maitao ae deiphao akhai hinou buyu khesü panou ki hi dakhai veloulai.

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 52:10

Mapao nou puhvei sheeyu bah sü thaipalai, puhnou puhvei maitaoye sü khailu peilai ae süsü deiphao mai hrülai nou zhingaolai.

ISAIAH 56:8

Hukhamai soua vakou nüpoa tayu Israel maitaoye pove jüpeiyu Ramai Mapao nou paoe, pove jüpei khaitouyu maitao likhei baimoa mai kukhe maia save jüpu peilai.

EZEKIEL 34:12

zhaokho mai ali nou puhvei zhaotu rarou-a buyu khesü save jüloua kiko peiyu bütoua Enou souloulai. Puletao nou teimai teizhi buh hinou ae kaozhou ashi buh hinou raroupoa tayu khesü Enou pove jüloulai.

EZEKIEL 34:23

Enou avei kilai David veo büyu vemai ali hai puletao hi peilai ae puhnou puletaoye sü kaozü hinou kiko peilai.

EZEKIEL 34:6

Südonou avei zhaotu khesü deichi kuyu ae deitao veishi hi raroupoa tare. Puletao hai deiphao teitei hi rarou tare ae mai linoua puletaoye sü phouta more ae zhupei more.

EZEKIEL 37:22

Enou Israel maivei deichitao, puletao vei teidei hinou tyahrü ali soua pove jüpeilai. Puletaoye khasa-a hrüre hai veo ali bailai ae puletao hai tyahrü ahai soua dadepulai moe, moa vedei ahai soua bupulai moe.

EZEKIEL 37:24

Avei kilai David büyu mai ali nou pa puletao vei veo sü soulai. Puletao hai vemai ali khehinou chavei lathao-a hrülai ae avei chikha khesü soutaosoua zülai.

HOSEA 1:10

Ana Israel maitao hai teithe li zai hi vünai bülai, süzhou mai linoua puletao ye duloulai moe, mokhaia puletao hrüh chosha louho soulai; “Neletao hai Amai moe” tea paoyu thaosü, “Hriyu Ramai nah khemai” tea Enou puletao ye paolai.

ZEKHARIAH 2:11

Süzhou teithe tyahrü taolinou Mapao hisü velai alia puhvei mai soutalai, alia puh hai-a neletao hrohinou bulai. Süthaisü Khoukhoulai Mapao nou Eye neletao hi seivewe touyu hai neletao nou süloulai.

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

LUK NOU RÜYU KO AVEIBVÜ 15:8

“Moa hakinou naotumai alinou puhvei shapo kirou buyu hinou ali hawulouzü puhnou meibvü taoloua ea ki vaishee-a süna ngaoloumo koutesü soutaosoua phoulai mowu?

JOHAN 10:11

“E hai zhaokho aveiwo süe. Zhaokho aveiwonou zhaotutao donou puh hrirai peie.

JOHAN 10:2

Ana kikhu hinou talouyu puhsü zhaotu taovei zhaokhowo süe.

JOHAN 10:27

Azhao taonou Apai keiwe, alia Enou puletaoye süwe ea puletao nou Athai fütawe.

JOHAN 10:3

Puh hisü bomü khowonou kikhu houpeie; zhaotu taonou puh paisü chouwe, alia puhnou lah puhvei zhaotu taoye sü puletao zhih ali linou kua süthaisa papeie.

JOHAN 10:4

Puhnou lah puhvei taoye sü vakouhi sapayu kisü, puhnou puletao nghojünou tae, alia zhaotu taonou puhthai fütae, daiolouzü puletao nou puh pai shiwe.

JOHAN 10:5

Puletao nou shevai-shesü maitali thaisü fülaimoe, ana puletao nou puh hinou tuta bailai, daiolouzü puletao nou shevai-shesümai pai shimoe.”

JOHAN 11:52

alia tahrüh süna likhei donou bailaimoe, ana vakounou raroua buyu Ramainah taoye alikhei soua pove dzüre donoue.

JOHAN 17:20

“Enou haitao likhei donou veachi paobai moe, ana puletao chipao vanou Eye louche louyu puletao donoua paowe

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

SEI-ATAMAI VAHTAO 15:14

Ramai nou lah puhye donou kakua rairaikaia tahrüh kukhe maitao hrohinou mai meliye popaloua puletao hi puhvei leshi sü pongao peie touyu sü Simon nou paongao peire.

SEI-ATAMAI VAHTAO 18:10

daiolouzü Enou neye koa laiwe. Maitalinoua neye soushi louhoe, daiolouzü nuhdu haina hi Amai alaosou bue.”

SEI-ATAMAI VAHTAO 22:14

Sükisü puhnou paoe, ‘Eh puopao Ramai nou neye puhvei li-choyu sü süloure donou, Achecheoye sü ngaoloure donou ea puh mü hinou puh paisü chouloure donou neye doloure.

ROMMAI 11:25

Athaihou jürai maitao, Enou neletaoye panou kheitsü haina hai sülounüwe, daiolouzü hainanou neletaoye lah neletao hai daizhozhou tsü veisa tea choyu hinou soukhai peilai. Süolouzü Israel maitao nou le khouyu hai teisa donou laimoe, ana tahrüh kukhemai maipei teiteinou Ramai hi vechemo koute likhei bailai.

2 THESSALONIMAI 2:13

Ramai nou leshiyu thaihou jürai khemai, Ehnou neletaoye donou teisanou Ramai hi kalo paovu zülai. Daiolouzü shurai hinou neletaoye soushee peiyu Rako hinou ea neletao nou louche louyu achechena hinou khailu louyu sü ngaoloure donou Ramai nou neletaoye sü doloure.

EBRIAMAI 13:20

Puhvei posheelayu athai süna vanou teisa vei vo sünaye paoshee souyu, zhaotao vei Zhaokho-apeio Aduna, Eletao Mapao Jisu ye sü Ramai nou athai hinou souhrishu peire.

1 PITAR 2:10

Teile ali hiwo neletaowo Ramai vei maitaomoe, ana chuwo neletaowo puhmai souloure; teile ali hiwo neletaowo Ramai zhuvea sümoe, ana chuwo neletao nou puhvei zhuvea ngaoloure.

1 PITAR 2:25

Daiolouzü neletaosü motayu zhaotao kheihao baie, anou chuwo zhaokhowo ea neletao rako khopeiyu puh thaisü panou füloure donou neletaoye podakhai vere.

1 PITAR 5:4

Alia zhaokhowo peichananou veyu kisü neletao nou vütakhai laimoyu khouko avavei Veo peirüsü ngaolai.

PONGAOPEIYU 3:20

Zhukhaio, Esü kikhu hinou la-a khouwe; maitalinoua Apaisü chouloua kikhu houpeilouzü Enou puh hisü talouloua puhye koa touzholai, alia puhnou Eye koa touzholai.