JOHAN 10:12 - SHEEYU BAIBEL (BSI)

¹² Zho kuhyu mai sünanou, puh hai zhao-akhowo moa zhaotutao paopu moyu donou nüsei taveyu ngaoloua zhaotu taoye thaowu-a tutabaiwe; alia nüsei nanou sütaoye nia hupho rarou baiwe.

JOHAN 10:12 Iomraidhean Croise

MATHIU 10:16

“Keikhaio! Enou neletaoye zhaotu büa nüseitao hrohi seitawe. Südonou neletao nghoutao büa kailo ea khaotao büa nashalo.

MATHIU 7:15

“Madayu rachi paolamai taoye leikei-a zhulo; puletao sü vakounou zhukhaie zhaotu zhaibüa neletao hi velai, ana puletao lekhe hiwo louzü chechenou khushoyu nüsei bübaie.

JOHAN 10:13

Puh hai zho kuhyu maili baiyu donou zhaotutao donou halia leki khaimoa tuta baiwe.

JOHAN 10:2

Ana kikhu hinou talouyu puhsü zhaotu taovei zhaokhowo süe.

JOHAN 10:3

Puh hisü bomü khowonou kikhu houpeie; zhaotu taonou puh paisü chouwe, alia puhnou lah puhvei zhaotu taoye sü puletao zhih ali linou kua süthaisa papeie.

SEI-ATAMAI VAHTAO 20:29

Enou tayu thaisü khushoyu nüsei nou neletao hrohi velouloua zhaokhome hi zhao khemaiye sü leshia phapeiyu bulaimoe touyu Enou süwe.

1 TIMOTHI 3:3

Puh hai zhaoh shozhiyu moa maiye tai-dava süyu maili soulaimoe, ana nataiyu ea maiye zü-veimoyu mai ali souvu zülai;

1 TIMOTHI 3:8

Sükua vahlümaitao-a khekai pfüvuzülai, mada laimoe, darkha zhaoh alaosou showu laimoe moa thou-sha vanou loküwu laimoe.

2 TIMOTHI 4:10

Daiolouzü Demas nou chuchu deiphao hainaye leshiyu donou Eye thaowu-a Thessalonika hi tare. Kreske nou Galatia hi ea Tita nou Dalmatia hi tare.

TITA 1:7

Daiolouzü lüloumaime vei tsümai alihai Ramai vah hi peipha-apeimai aliyu donou puh hai chaa hazheilai. Puh hai khaophu soulaimoe moa rarou haha laimoe, moa zhaoh shozhi laimoe moa taisü-dasü laimoe, moa pousha hinou küshiyu mai soulaimoe.

1 PITAR 5:2

Neletao bah hi thaothou peikhai touyu Ramai vei zhaokhoye sü moshilaiyu hinou moa, sasa-a khopeilo; neletao vahsü pousha ngaore donou mo-a sounü shoyu hinou soulo.

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!