JOHAN 10:11 - SHEEYU BAIBEL (BSI)

¹¹ “E hai zhaokho aveiwo süe. Zhaokho aveiwonou zhaotutao donou puh hrirai peie.

JOHAN 10:11 Iomraidhean Croise

2 SAMUEL 24:17

Israel maiye southayu rakiva puonaye David nou ngaoyu phaki, puhnou haibüa Mapao hi paoe, “Mahmo souyu nasü E baie, ana lülou hoyu mai haitao nou dai souwure? Ne vei bah sü apei hi alia avei kikhamai pei hi pei-a baio.”

LOUTAO 23:1

Mapao hai avei zhaokhopue, Enou jüpayu teitei sü buche-a baie.

LOUTAO 80:1

Oh Israel maivei Zhaokhopu, Etao vei pai kei peio; zhaotu me ali büa Etaoye süthai peipu, Etao chi nou peio. Shouh pfüyu cherabim khaona phaova nou vebuh soua buyupu,

ISAIAH 40:11

Puhnou puhvei maitaoye sü zhaotu khoyu mainou zhaotuye kiko peiyu büa kiko peilai, ae zhaotu sü puh bah nou pove jüpeilai, alia zhaotu ke khesü zhutou poa sa-a tapeilai.

ISAIAH 53:6

Etao mai hrülai motayu zhaotu büre, Etao mai veishi hai lahkuku nou tanüyu hisü tare. Ana Mapao nou Etao vei mahmo teitei sü puh pei hi pokakhai peiwure.

EZEKIEL 34:2

“Thaire maipu nare, Israel maiye süthai peiyu maitao hai Ramai nou aetou more tea paopeio. Ramai Mapao Enou puletao hi haibüa pao-a nou bure tea paopeio. Israel maivei zhaokhao maitao, neletao hai daizhou koute vealaisa! Neletao hai lahye kikoloua nou zhaotu khesü zhupei more.

EZEKIEL 34:23

Enou avei kilai David veo büyu vemai ali hai puletao hi peilai ae puhnou puletaoye sü kaozü hinou kiko peilai.

EZEKIEL 37:24

Avei kilai David büyu mai ali nou pa puletao vei veo sü soulai. Puletao hai vemai ali khehinou chavei lathao-a hrülai ae avei chikha khesü soutaosoua zülai.

MIKAH 5:4

Puh velouzü, puhnou puhvei maitaoye sü Mapao vei khouko sünou khasa-a hrülai, ae puhvei Ramai Mapao zhih hinou kaozü soua kiko peilai. Puhvei maitao nou kaozhou ashi lia ha-a hrülai, daiolouzü teideiphao teitei nou puhvei aduso nasü süloulai,

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

JOHAN 10:2

Ana kikhu hinou talouyu puhsü zhaotu taovei zhaokhowo süe.

JOHAN 15:13

Maita linou puh samaitao donou thaipeiyu süjünou dukouyu leshi kukhe hae.

EPHESAMAI 5:2

Alia Khrista nou Eletaoye leshia kai nüveiyu na ea posheelayu na Ramai hi popeiyu büa lah puhye sü Eletaoye donou thoupeiyu sübüa neletao hrümai hai leshinou tukha-a hrüvuzülo.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 13:20

Puhvei posheelayu athai süna vanou teisa vei vo sünaye paoshee souyu, zhaotao vei Zhaokho-apeio Aduna, Eletao Mapao Jisu ye sü Ramai nou athai hinou souhrishu peire.

1 PITAR 5:4

Alia zhaokhowo peichananou veyu kisü neletao nou vütakhai laimoyu khouko avavei Veo peirüsü ngaolai.

1 JOHAN 3:16

Hai vanou leshi nasü Eletao nou süwe, süolouzü Khrista nou Eletaoye donou puh hrümai nasü thoupeiwure. Südonou Eletao-a Eletao thaihou jürai maitaoye donou Eletao vei hrümai nasü thoupei züe!

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”