JOHAN 10:1 - SHEEYU BAIBEL (BSI)

¹ “Cheche vuzünou neletao hi Enou paowe, kikhu hinou talou moa ludu kukhe hinou zhaovehi talouyu puhsü avaomaie ea maivei saotou maie.

JOHAN 10:1 Iomraidhean Croise

JEREMIAH 14:15

Südonou Mapao Enou seita moyuma azhih hinou teidei hai hisü soureih ae tokaayu velai moe tea paoyu rachipaolayu maitao hisü Enou daisoulai touyu ne hi paopeilai — Enou puletaoye sü soureih souyu hinou ae tokaayu hinou southalai.

JEREMIAH 23:21

Mapao nou paoe, “Enou rachipaolayu mai haitaoye leta moe, ana puletao nou lah ta-a baie. Enou puletao hi chipao aliro peimoe, ana puletao nou azhih hinou pao-a baie.

JEREMIAH 23:32

Mapao Enou paoyu sü keilo! Dahrührüa me paoyu rachipaola maitaoye sü Enou aetoulai moe. Puletao nou da-a me sü paopeia avei maitaoye sü süthaimah peiwure, ae puletao nou khaophu soua bue. Enou puletaoye sü seita moe, moyuma takhaio tea kharochi peimoe, ae puletao hai avei maitaoye donou koyu liro hae. Haisü Mapao Enou paowe.”

JOEL 2:9

Puletao nou nuhdu hisü paloulou-e, puletao nou bouvo peiva hia tupaloue, puletao nou kipei hia taopa loulouwe, vaomai libüa vabomü khe hinou loulouwe.

MATHIU 7:15

“Madayu rachi paolamai taoye leikei-a zhulo; puletao sü vakounou zhukhaie zhaotu zhaibüa neletao hi velai, ana puletao lekhe hiwo louzü chechenou khushoyu nüsei bübaie.

JOHAN 10:7

Südonou Jisu nou puletao hi paopukhaie, “Cheche vuzünou Enou neletao hi paowe, E hai zhaotu taovei kikhu nasüe.

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

ROMMAI 10:15

Alia maiye seita moanou kakua puletao nou ko paodou loulai? Haisü haibüa rüthouyu kue, “Ko avei paodouyu puletao phisü daizhozhou zhai veisa!”

ROMMAI 16:18

Daiolouzü haibüa souyu puletao sü Eletao Mapao Khristaye kuvah soumoe, ana lah puletao vei pou donou soubaie. Puletao vei lakovei ea müpouyu sünanou puletao nou khosümoyu maikhe maiye labaiwe.

TITA 1:11

Puletao mühai khawu vuzülai, daiolouzü puletao nou douzü moyu sünanou doupeia kikhamaitao teiteiye souphe-soukhore, alia sütao teiteihai küshia pousha ngaoloure donoue.

EBRIAMAI 5:4

Maitalinoua tsükhouyu Napao Peicha buh hainasü lahnou khaloumoe, ana Aaron kua puhye sü Ramai nou kuloue.

1 PITAR 1:10

Khailu peiyu haina vanou rachi paolamaitao nou soutaosoua phoua zhue ea puletao nou Ramai nou neletao hi peilaiyu zhuvea haina vanou rai-a paopa peire.

2 PITAR 2:1

Dao raichoki maikhemai hrohi amada rachi paolamai ve-e, alia sübüa amada dou-apeimai hai neletao hrohi velai. Puletao nou kheikhei soua hakalou vei cheche moyu doupeiyu sü poveloua puletaoye khailupa peiyu Mapaoye sü motoulai, alia südonou puletao nou lah puletao pei hi sü thashoa hakayu povelai.

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!

1 JOHAN 4:1

Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure.