JOHAN 1:51 - SHEEYU BAIBEL (BSI)

⁵¹ Alia Jisu nou puletao hi paoe, “Enou neletao hi chichenou paowe, neletao nou raki houpayu alia rakivamai taonou Mai Nahpoutu peinou takou takheyu ngaolai.”

JOHAN 1:51 Iomraidhean Croise

SHURAI 28:12

Puhnou zhiho mekou nou kisho ali deiphao hinou raki khete dokhaitoua ae sühisü rakivamai nou takou takhe-a ngaoe.

EZEKIEL 1:1

Po kiasü, khouh adai navei khoukha angou zhou Buzi nahpoutu Ezekiel, napao Enou Babilon hi buyu Kebar rei hinou nüpoa tayu Jehudimaiye koa nou bue, ae Enou raki sü houpa Ramai ye zho kounou ngaoe.

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MATHIU 25:31

“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai.

MATHIU 26:24

Mai Nahpoutu louzü puh vanou sheeyu larübvü hinou rükhai touyu kua tabaie; ana Mai Nahpoutuye shoh soupeiyu mai süna donou daizhozhou ngaopisa! Puhye donou nakoukhai moyu nanou veikou shohie.”

MATHIU 3:16

Alia Jisu nou dzükhao dalou büyu thaisü dzü hinou tapa loure. Alia zhukhaio, raki sü puh hi houpa peire ea Ramai Rakonou khao büa kou puh pei hi taoyu sü puh nou ngaoe.

MATHIU 4:11

Süthaisü Rashina nou Jisu ye thaowu-a tare; alia rakivamai taonou taveloua puhye kuvah soupeie.

MATHIU 8:20

Jisu nou puh hi chila peie, “Lakhaotao vei kulu bue, alia raohoutao-a phe bue, ana Mai Nahpoutuwo louzü puhpei khüyu buh koutea hae.”

MATHIU 9:6

Sükulouzü Enou neletao hi Mai Nahpoutuhai deiphao hi mah khaipeilou süyu khouko bue, touyu vei zhopaoh peilai.” Südonou puhnou pothaimai nahi paoe, “Lashulo ea ne züh poloua kihi taveo!”

MARK 1:10

Alia Jisu nou dzü hinou tapalou bükhaie, puhnou raki sü houkhaitoua Rakonou khao büa puh pei hi kou taoyu ngaoe.

MARK 14:62

Jisu nou chila peie, “E-e; alia Mai Nahpoutu nou khoukhoulaiwo vei bah zhoulo vanou bua raki teihaopei vanou taveyu neletao hrülainou ngaolai!”

LUK NOU RÜYU KO AVEIBVÜ 2:13

Alia pha sübü hinou rakivahi reihmaime adu linou rakivamai sünaye koa sühinou Ramaiye shoyu lou soua haibüa shaloure:

LUK NOU RÜYU KO AVEIBVÜ 2:9

Alia Mapao vei rakivamai alinou kou puletao nghojünou laloure, alia Mapao vei khouko-avanou puletao hisü varu peire. Südonou puletaosü ngaopisho loure.

LUK NOU RÜYU KO AVEIBVÜ 22:43

Alia sühisü raki vanou rakivamai ali puh hi kouloua puhye sü kou soutsü peie.

LUK NOU RÜYU KO AVEIBVÜ 22:69

Ana chu shonou Mai Nahpoutu sü Ramai khoukovei bah zhoulova hinou butalai.”

LUK NOU RÜYU KO AVEIBVÜ 24:4

Alia puletao nou süvanou tsü-bo phouha-a la-a buyu hinou, zhukhaio, peivavayu sahnü nou bah-nouyu mai ahaisü sükhaimoa puletao ngheiki hinou la-a buloure;

LUK NOU RÜYU KO AVEIBVÜ 3:21

Maikhe maiye dzükhao dapeiyu thaisü, alia Jisu-a dzükhao daloua veachi pao-a buyu hinou, rakisü houpare,

JOHAN 1:50

Jisu nou puh hi paoe, “Enou neye doushibe phihi bubu kinou ngaore tea ne hi paoyu vanou ne louchewu? Nenou hai jünou adu dulih ngaolai hie!”

JOHAN 10:1

“Cheche vuzünou neletao hi Enou paowe, kikhu hinou talou moa ludu kukhe hinou zhaovehi talouyu puhsü avaomaie ea maivei saotou maie.

JOHAN 10:7

Südonou Jisu nou puletao hi paopukhaie, “Cheche vuzünou Enou neletao hi paowe, E hai zhaotu taovei kikhu nasüe.

JOHAN 13:16

Cheche vuzünou Enou neletao hi paoe, kilai talia puh paopu jünou dumoe; moa seita-a buyu puhnou seipeiyu puh jünou dumoe.

JOHAN 13:38

Jisu nou chila peie, “Nenou Eye donou ne hriraisü peilaiwu? Cheche vuzünou Enou nehi paowe, nenou Eye vu asü laiwu mosasü houjünou khaolai moe!”

JOHAN 14:12

Cheche vuzünou Enou neletao hi paowe, ‘Eye loucheyu puhnou Enou souyu vahtao sü puh-a soulai; alia haitao jünou duyu vahtao-a puhnou soulai, daiolouzü Enou Apuohi tawe.

JOHAN 16:20

Cheche vuzünou Enou neletao hi paowe, neletaosü kralai ea dopfülai, ana deiphao maiwo le salai; neletao hai le vealai, ana neletao vei le veayu hai panou le sayuhi soudalai.

JOHAN 16:23

“Teithe sükisü neletao nou Ahinou halia kholaimoe. Cheche vuzünou Enou neletao hi paowe, neletao nou hatali Puo hinou kholouzü, puhnou Azhih hinou sünasü neletao hi peilai.

JOHAN 21:18

Cheche vuzünou Enou nehi paowe, nenou nahlebuki louzü nelah sahvealoua nenou taho nüyu buh hisü nenou tabaiwe; ana nenou tsüloulouzü, nenou nebah sü topalai, alia kukhe alinou neye phuloua nenou tanümoyu buh hi satalai.”

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 3:5

Jisu nou chila peie, “Chichenou Enou nehi paowe, maita linou dzü hinou ea Rako hinou nalou molouzü, puhnou Ramai Vedei hi loulou hoe.

JOHAN 5:19

Jisu nou puletao hi paoe, “Cheche vuzünou Enou neletao hi paowe, Puonou soua buyu sü ngaoloua puhnou soubaimoa Nahpoutu lahnou puh madonou hatalia soulou hoe; daiolouzü Puonou souyu tasü Nahpoutu nou-a sükheihaoa souwe.

JOHAN 5:27

alia puh hi chikukou peire zü nasü peiwure, daiolouzü puh sü Mai Nahpoutue.

JOHAN 6:26

Jisu nou puletao hi chila peie, “Cheche vuzünou Enou neletao hi paoe, neletao nou Eye phoutayu hai shee khemaitao ngaolouyu vanou moe, ana neletao nou raokhao pouphou toulouyu vanou baie.

JOHAN 6:32

Südonou Jisu nou puletao hi paoe, “Cheche vuzünou Enou neletao hi paowe, raki hinou neletaoye raokhao peiyu nasü Moses moe; ana Apuonou neletaoye raki hinou acheche raokhao nasü peiabaie.

JOHAN 6:47

Cheche vuzünou Enou neletao hi paowe, louche louyu puhsü teisa ahri ngaoloure.

JOHAN 6:53

Südonou Jisu nou puletao hi paoe, “Cheche vuzünou Enou neletao hi paowe, neletao nou Mai Nahpoutu vasou toumo louzü ea puh zhe kümo louzü neletao hi ahri nasü hae.

JOHAN 8:34

Jisu nou puletao hi chila peie, “Enou neletao hi cheche vuzünou paowe, mah souyu mai talisü mah kilai nasüe.

JOHAN 8:51

Cheche vuzünou Enou neletao hi paoe, maita linou Achipao hai züa bulouzü puhnou athai sü ngaokhai laimoe.”

JOHAN 8:58

Jisu nou puletao hi paoe, “Cheche vuzünou Enou neletao hi paowe, Abraham ye namo jünou Esü bue.”

SEI-ATAMAI VAHTAO 10:11

Puhnou raki houpakhai touyu, alia dushoyu sahba raiyu ha bvüli sünavei kainghou dai hinou khizhukoua deiphi hi phakouyu sü ngaoe.

SEI-ATAMAI VAHTAO 7:56

“Zhukhaio! raki houpakhai touyu ea Mai Nahpoutu nou Ramai bah zhoulo vanou la-a buyu sü ngaoe,” tea paoe.

2 THESSALONIMAI 1:7

alia Mapao Jisu nou khouko buyu puhvei rakivamai taoye koa meikei hinou raki vanou veyu kisü vea-hoa buyu neletao ea Ehye panou vaphia soloulai.

2 THESSALONIMAI 1:9

Puletao sü teisanou souhawuyu ea Mapao vei nghojünou ea puhvei khouko ava hinou buh ku-a pokhaiyu vei tudee nasü ngaolai.

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

EBRIAMAI 1:14

Sükuyu thaisü, rakivamaitao sü daisouyu maie? Puletao sü Ramai kuvah souyu ea khailu peiyu ngaoloure maitaoye soukha peiloure donou puhnou seive peiyu rakotao baie.

JUD VEI SEIKO 1:14

Alia mai sütao vanou Adam hinou maikha anai chena Enok nou haibüa thaikhai pare donou paoe, “Zhukhaio, Mapao nou Puhvei Sheeyu Rakivamai thetheye koa;

PONGAOPEIYU 19:11

Süthaisü Enou rakisü houpa khaitoua ngaoe, alia zhukhaio, sühisü rhei kaali bue. Rhei sünaye pfüa laiyu puh zhihsü Louchelou-aveio ea Checheo tea kuwe. Acheche hinou puhnou chikuwe ea reih züwe.

PONGAOPEIYU 4:1

Haiphabü hinou Enou kukhe zho ali hinou Raki vanou kikhuli houkhaitoua ngaoe. Alia Enou raiki chouyu bekhona büa Ahi chipao-a buyu lapai sünanou haibüa paoe, “Haihi tapakhaio, alia hainathai pavu zülaiyu taosü Enou nehi ngaopeilai.”