JOHAN 1:49 - SHEEYU BAIBEL (BSI)

⁴⁹ Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 1:49 Iomraidhean Croise

LOUTAO 110:1

Mapao nou avei paopu hisü paoe, “Enou neye ngaobayu maitao hai nevei phi khevai pothou khailoumo koute abah zhoulo vanou bulo!”

LOUTAO 2:6

“Avei sheeyu Zion deichi hisü Enou avei veoye sü buh thoupeiwure.”

ISAIAH 9:7

Nuh teidei khasa-a hrülai puhvei khouko sü dupupalai; puhvei vedei sü teisa nou kaona-a bulai. David veo vei tyaosholea sou-a Puhnou vebuh hi bulai, chunou poa akhai koute acheche hinou ae kaozü hinou puhnou khasa-a hrülai. Khoukhoulai Mapao nou hai teitei sü haibüa soulai tea le lawure.

DANIEL 9:25

Haitao hai sülo: Jerusalem nuhdu nasü soushu dakhaire donou kharochi peire ae Ramai nou theadzü napei khaitouyu süthai apei maina vere hai po anai tyanou anai loulai hie. Jerusalem nuhdu nasü veishoyu maisou ludu ae khoushoyu reihbuh khe loua nou soushu dakhai loulai, alia süsü po rairoua ahai tyanou anai loulai, ana süpha teile hi veahoyu teile ali soulai.

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

ZEPHANIAH 3:15

Neletao hi Mapao nou vamoyu nasü polai peiwure, Puhnou neletao ngaoba maiye sü souha peiwure. Mapao, Israel mai Veo sü neletao hinou bue; neletao nou hashi nasü ngaopi pulai moe.

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

MATHIU 14:33

Alia sakhaohi buyu puletao nou puhye kou khurüloua paoe, “Chechenou newo Ramai Nahpoutue!”

MATHIU 2:2

“Jihudimai veo soure donou nakhai touyu nahtu sü daiki bue? Daiolouzü Eletao nou teinghi palonou puh vuh payu ngaoe, ea puhye thore donou Eletao sü tavewe.”

MATHIU 21:5

“Zion nah naotupai hi paokhaio, zhukhaio, nevei veo sü nehi tavewe! Puhwo nataiwe ea rheisüh ali pfüwe alia rheisüh süsü toutoue.”

MATHIU 23:7

alia maikhe maiye panou puletaoye hupobuh khonou khurüyu ea ‘Dou-apeio’ tea kuyu puletao nou züpae.

MATHIU 23:8

Ana neletaowo louzü panou ‘Dou-apeio’ tea kuwuso, daiolouzü neletao vei ‘Dou-apeio’ alikhei bubaie, alia neletao hrülai hai thaihou jürai baie.

MATHIU 27:11

Chuo Jisu nou Teideikhowona nghojühi kou laloure, alia Teideikhowo nou puh hinoue, “Ne Jihudimai Veowu?” Jisu nou chila peie, “Nenou süsü paopare.”

MATHIU 27:42

“Puhnou kukhe maiye khailupeiwe; ana puhwo lah puhye khailulou hoe! Puhwo Israelmai veo süe; puhye panou chuo kros vahinou takou loukhaio, alia sütoulouzü Ehnou puhye louchelai.

MATHIU 4:3

Süthaisü Rashi nanou puh hi veloua paoe, “Ne hai Ramai Nahpoutue toulouzü, chuh haitao hisü raokhao dalouwo tea kharochi peikhaio.”

MARK 15:32

Eletao nou ngaoloua louche loure donou Israelmai Veo Khrista sü chu kros vanou takou louwo!” Alia Jisu ye koa kros vanou veakhayu puhai-a sübüa puhye nghi-a paoe.

LUK NOU RÜYU KO AVEIBVÜ 1:35

Rakivamai sünanou puh hi chila peie, “Rako Mashi nou nehi kou loulai, alia Aku Kulaivei khouko sünanou neye züloulai. Südonou nakoure sheeyu nah sünaye sü Ramai Nahpoutu tea kulai.

LUK NOU RÜYU KO AVEIBVÜ 19:38

“Mapaowo zhih hinou tave louyu Veo puhsü rakoveie! Raki hisü kaonayu soulo ea aku kulai hinou Ramaiye sholo!”

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 1:34

Enou süsü ngaoloure ea zhopaoh soua paowe süolouzü haina hai Ramai Nahpoutue.”

JOHAN 1:38

Jisu nou thailo reiveyu kisü puhai nou puh thai fülaiyu ngaoloua puhaihi noue, “Nehai dai phouwe?” Alia puhai nou puh hi chila peie, “Rabbi” (süolouzü Dou-apeio toue), “Ne dai kinou bue?”

JOHAN 1:50

Jisu nou puh hi paoe, “Enou neye doushibe phihi bubu kinou ngaore tea ne hi paoyu vanou ne louchewu? Nenou hai jünou adu dulih ngaolai hie!”

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 4:31

Süphabü hinou rozümai taonou puh hinou khoa paoe, “Rabbi, potouwuwo!”