JOHAN 1:45 - SHEEYU BAIBEL (BSI)

⁴⁵ Philip nou Nathanel ye ngaoloua puh hi paoe, “Moses nou razhaibvü hinou ea rachi paolamai taonou puh vanou rükhai touyu puhye sü Ehnou ngaoloure. Puh hai Nazareth hi Josef nahpoutu Jisue.”

JOHAN 1:45 Iomraidhean Croise

SHURAI 22:18

Nevei tyaosholea hi Enou shiha peiyu büa deiphao hi buyu tyahrü hrülai nou avei shiha kholai, daiolouzü nenou avei kharochi züyu vanou.”

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

ISAIAH 4:2

Süzhou teithe Mapao nou teidei sühi poube ae süübe khesü soudusho peilai, alia teidei sühinou pa-a buyu shinamara khesü panou shokhai toua buyu Israel maitao vei kathe ae khaophu panou soulai.

ISAIAH 53:2

Daiolouzü puhsü puh nghoujü nou süübetou ali nou deithe hinou maa tsülouloua paopayu büa baie. Puh hisü thainüyu ae zhainga veiyu ali-a ha-e ae puh hisü hüveiyu ali koute-a ha-e.

ISAIAH 7:14

Südonou Mapao nou neletao hi shee ali peilai, süolouzü loumainah ali nou nah hrüloua nahpoutu ali naloulai, ae puh zhih sü Immanuel tea salai.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

ZEKHARIAH 6:12

Alia puh hisü haibüa paopeio, “Khoukobu Mapao nou paoe, ‘Baokao teanou kua buyu mai nasü veikhelai, alia puhnou Mapao vei Rathoki nasü soushupu loulai.

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

MATHIU 10:3

Philip ea Bartholomew; Thomas ea kikha khawo Mathiu; Alphia nahpoutu Jems, alia Thaddias;

MATHIU 13:55

Puh hai süüshasüwona nahpoutu mowu? Puh pfühai Meri mowu, alia puh thaihoumai taosü Jems, Josef, Simon ea Judas mowu?

MATHIU 2:23

ea Nazareth tea kuyu nuhdu hinou ve hrüloure. Alia haibüa rachi paolamaitao nou paoyu sü veteloure: “Puhye sü Nazareth hi mai tea kulai.”

MATHIU 21:11

Maisoutao nou chila peie, “Puh hai Galilee hi Nazareth hinou veyu rachi paolawo Jisu süe.”

MARK 14:67

Alia Pitar nou meivoua buyu sü puhnou ngaoloukhaie, Pitar hi zhuteiloua paoe, “Ne-a Nazareth hi Jisu ye koa laiwe.”

MARK 6:3

Puh hai Meri Nahpoutu, alia Jems, Josef, Judas ea Simon jürai süüshasüwo mowu? Puh tumaitao-a haihinou hrümowu?” Alia sübüa puletao nou puhye baloure.

LUK NOU RÜYU KO AVEIBVÜ 18:37

Puletao nou puh hi “Nazareth hi Jisu ta-a bue,” tea paopeie.

LUK NOU RÜYU KO AVEIBVÜ 2:4

Südonou Josef-a Galilee hi Nazareth nuhduna hinou tapoa Judea hi Bethlehem tea kuyu David vei nuhduna hi tare, daiolouzü puhsü David vei khü ea kikha hinou ve.

LUK NOU RÜYU KO AVEIBVÜ 2:48

Puh pfüpuo nou puhye ngaolouyu kisü puhaisü khupa loure; alia puh pfünou puh hi paoe, “Anahna, daidonou nenou Eh hi haibüa souwe? Zhukhaio, nepuo Ahainou neye donou le kishoa phouta-a bue.”

LUK NOU RÜYU KO AVEIBVÜ 24:27

Alia Moses vei larübvütao ea rachi paolamaitao hrülainou rükhai touyu taohinou shupoa, puhnou puhai hisü lah puh vanou sheeyu larübvü teitei hinou paokhai touyu taosü paodapa sheetoua doupeie.

LUK NOU RÜYU KO AVEIBVÜ 24:44

Süthaisü puhnou puletao hi paoe, “Enou neletaoye koa bubu kinou neletao hi Enou paopeikhai touyu chipao sü haitaoe, süolouzü Avanou Moses vei razhai hinou, rachi paolamai taovei larübvü ea lou larübvü hinou rüthou khai touyu teiteisü vete vuzülai.”

LUK NOU RÜYU KO AVEIBVÜ 3:23

Jisu nou puhvei vah soushu tayu kisü, puhsü po shirou pha pare. Puhsü (maikhe mainou choyu thaifüa) Josef nahpoutue, puh puosü Heli toue,

LUK NOU RÜYU KO AVEIBVÜ 4:22

Alia puletao hrülainou puh vanou paoveisho loure ea puh mü hinou paopayu zhuvea vei chipaotao vanou khupaloua haibüa puletao nou paoe, “Puh sü Josef nahpoutu mowu?”

JOHAN 1:44

Philip hai Andrew ea Pitar nou hrüyu Bethsaida nuhdu hinou ve-e.

JOHAN 12:21

Südonou mai haitaonou Galilee hi Bethsaida nuh hinou veyu Philip hi taveloua puh hi paoe, “Dou-apeio, Ehnou Jisu ye daonüwe.”

JOHAN 14:8

Philip nou puh hi paoe, “Mapao, Puoye sü Eh hi ngaokhaio, alia sükulouzü Ehnou rukhalai.”

JOHAN 18:5

Puletao nou puh hi chila peie, “Nazareth Jisu ye phouwe.” Jisu nou puletao hi paoe, “Esü puh-e.” Alia puhye shoh souyu Judas-a puletaoye koa la-a bue.

JOHAN 18:7

Süthai-a puhnou puletao hi noupue, “Neletao thaohye phouwe?” Alia puletao nou paoe, “Nazareth Jisu ye phoue.”

JOHAN 19:19

Pilat nou chahkhao alihinou larüchah rüthouloua sünasü kros vahi dakhaire; sünasü, “Nazareth hi Jisu, Jihudimai Veo” tea rüthou khaitoue.

JOHAN 21:2

Simon Pitar, nahbei tea kuyu Thomas, Galilee hi buyu Kana hinou veyu Nathanel, Zebedee nahpoutuhai, alia kukhe puh rozümai ahai taosü vedzüa bue.

JOHAN 6:42

Puletao nou paoe, “Mai hainasü Eletao nou puh pfüpuoye süa buyu Josef nahpoutu Jisu mowu? Sükulouzü puhnou chuo kakua, ‘E hai rakinou koue,’ tea paowe?”

JOHAN 6:5

Sühinou Jisu nou puh nghithou pfüla payu kisü maisou alaosou puh hilo taveyu ngaoloua, puhnou Philip hi paoe, “Mai haitaoye panou toure Eletao nou daikinou raokhao hrüloulai?”

JOHAN 6:7

Philip nou puh hi chila peie, “Denarü kaih ahai nou raokhao hrüloua sütaonou puletao ali liye dao daotu peiyu koutea chelou hoe.”

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 2:22

“He Israel maitao, chipao haitao sü keiloukhaio! Nazareth hi Jisu hai Ramai nou neletao hrohinou puh vanou mainou soulouho khupa vahtao ea sheetao souyu, süolouzü puh hai Ramai nou ae-ao touyu mai alie touyu sü neletao lah neletao nou süa bue.

SEI-ATAMAI VAHTAO 22:8

Alia Enou, ‘Mapao ne thaoh-e?’ tea noue. Puhnou Ahi paoe, ‘Ehai nenou souvea-a buyuna Nazareth hi Jisue.’

SEI-ATAMAI VAHTAO 26:9

“E lah E-a Nazareth hi Jisu zhihye sü motoua ha tyali souzüe tea raiki chowe.

SEI-ATAMAI VAHTAO 3:6

Ana Pitar nou puh hi paoe, “Ahi pousha ea sana alia hae, anou Ahi buyu sü Enou nehi peiwe: Nazareth hi Jisu Khrista zhih hinou lashuloua takhaio!”