JOHAN 1:43 - SHEEYU BAIBEL (BSI)

⁴³ Thainaisho sü Jisu nou Galilee hi talai tea le laloure. Alia puhnou Philip ye ngaoloua puh hi paoe, “Athai fülo.”

JOHAN 1:43 Iomraidhean Croise

ISAIAH 65:1

Mapao nou paoe, “Enou avei maitao vei veachi sü kei peilai tea bue, anou puletao nou veachi paomoe. Enou puletao hi ngaopeilai tea bue, ana puletao nou Eye phoumoe. ‘E hai hi bue; Enou neletaoye soukha peilai’ tea pao-a buyuma tyahrü nasünou ahi veachi paomoe.

MATHIU 10:3

Philip ea Bartholomew; Thomas ea kikha khawo Mathiu; Alphia nahpoutu Jems, alia Thaddias;

MATHIU 4:12

Jisu nou Johanye hukhahi thoure touyu choulouyu kisü, puhsü Galilee hi tare.

MATHIU 8:22

Ana Jisu nou puh hi paoe, “Athai fülo, alia thaimaitaoye panou lah puletao vei thaimaiye vuwo.”

MATHIU 9:9

Jisu nou buh süsü thaowu-a takouyu phahinou kikha khayu Mathiuye puhvei vahki hinou chobua buyu sü ngaoloure. Puhnou puh hi paoe, “Athai fülo.” Alia Mathiu nou shuloua puhthai fütare.

LUK NOU RÜYU KO AVEIBVÜ 19:10

Daiolouzü Mai Nahpoutu nou hawuyu naye phoure ea khailu peire donou ve-e.”

JOHAN 1:28

Chiphayu haihai Johan nou dzükhao da-a buyu buh Jordan rei teinghi palova Bethani hinoue.

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 1:35

Süthaia, thainaisho sü Johan nou puh rozümai ahaiye koa la-a bue,

JOHAN 1:37

Puh rozümai ahai nou puhnou sükua paoyusü choulou-a Jisu thaifü tare.

JOHAN 1:44

Philip hai Andrew ea Pitar nou hrüyu Bethsaida nuhdu hinou ve-e.

JOHAN 12:21

Südonou mai haitaonou Galilee hi Bethsaida nuh hinou veyu Philip hi taveloua puh hi paoe, “Dou-apeio, Ehnou Jisu ye daonüwe.”

JOHAN 14:8

Philip nou puh hi paoe, “Mapao, Puoye sü Eh hi ngaokhaio, alia sükulouzü Ehnou rukhalai.”

JOHAN 2:11

Jisu nou raikaiyu shee haina hai Galilee hi buyu Kana hinou soua puh vei khouko-ava nasü pongaoe; alia puh rozümai taonou puhye loucheloue.

JOHAN 6:5

Sühinou Jisu nou puh nghithou pfüla payu kisü maisou alaosou puh hilo taveyu ngaoloua, puhnou Philip hi paoe, “Mai haitaoye panou toure Eletao nou daikinou raokhao hrüloulai?”

JOHAN 6:7

Philip nou puh hi chila peie, “Denarü kaih ahai nou raokhao hrüloua sütaonou puletao ali liye dao daotu peiyu koutea chelou hoe.”

PHILIPPIMAI 3:12

Enou haisü ngaoche loure moa liche chekhou loure tea paomoe; ana süsü Enou lah Avei souloure donou nghojü hilo hupoa kouwe, daiolouzü Khrista Jisu nou Eye sü lah puhvei soupeire.

1 JOHAN 4:19

Eletao nou leshiwe daiolouzü puhnou Eletaoye rai-a leshipeie.