JOHAN 1:41 - SHEEYU BAIBEL (BSI)

⁴¹ Puhnou raikaia puh jürai Simon ye ngaoloua puh hi paoe, “Ehwo Razhepuye ngaoloure” (süvei kowo louzü Khrista toue).

JOHAN 1:41 Iomraidhean Croise

2 VEMAITO 7:9

Ana puletao mai ali nou ali hi haibüa paore, “Eletao haibüa buyu sü kaomore, ko aveih hai nasü lah Etao hi khaiyu kaomore. Etao nou ko hai nasü dosho shona nou taho paopei louzü, Etaoye tudee peia bailai. Südonou chu nou taho veo vei peikho maitao hi sü ko aveih hai nasü paopei laishe!”

LOUTAO 2:2

Deiphao hi veo maitao nou me souloue, ae peikho maitao nou kheichi phazholoua Mapao hi ae puhnou dolouyu veoye hraiwe.

LOUTAO 45:7

nenou acheche nasü jüpa-e ae ashi nasü ngaora-e. Südonou Ramai, nevei Ramai nou neye sü dokupa loue, ae mai kukhe jünou neye sü savayu hai peipue.

LOUTAO 89:20

Enou avei kilai David ye sheeyu theadzü sünou pa veo soure donou napeie.

ISAIAH 11:2

Mapao vei Rako sünou puh hisü bupeilai, ae puh hisü ratsü, sükulou süyu tsü, maikhe maiye kholou süyu dokai, khouko, hasü alia Mapao ye piyu rako sü puh hi bulai,

ISAIAH 61:1

Khoukhoulai Mapao nou puhvei rako sü ahi thoupeiwure, touhalai mai hi ko aveih paopeire donou; levea-a dopfü laiyu maiye souveih peire donou, vakou nüpoa tayu maitaoye phapeire pao sü peire donou, Mapao nou Eye doloure alia Eye seitawe.

MATHIU 1:23

“Zhukhaio, loumaina alinou poupfüloua nahpoutumai ali nalai ea puh zhih sü Emmanuel, (süvei kowo louzü, ‘Ramai nou Eletaoye koa bue’) tea kulai.”

LUK NOU RÜYU KO AVEIBVÜ 2:17

Puletao nou puhye ngaolouyu kisü, nah süna vanou puletao hi paosü peikhai touyu chi nasü puletao nou paosü peire;

LUK NOU RÜYU KO AVEIBVÜ 2:38

Alia puhnou teilecho sübü hinou tapaloua Ramai hi kalo paoloure, alia puhnou Jerusalem ye khailupa peire donou zhia buyu maitao hrülaihi nahtou süna vanou paongao peire.

JOHAN 1:45

Philip nou Nathanel ye ngaoloua puh hi paoe, “Moses nou razhaibvü hinou ea rachi paolamai taonou puh vanou rükhai touyu puhye sü Ehnou ngaoloure. Puh hai Nazareth hi Josef nahpoutu Jisue.”

JOHAN 4:25

Naotupai nou puh hi paoe, “Razhepu (Khrista tea kuyuna) nasü velai touyu hai Enou süe, puhnou veyu kisü Eletao hi puhnou halihala paongaokhai peilai.”

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 4:27

“Daiolouzü chechenou Herod ea Pontia Pilat nou tahrüh kukhemai ea Israel maitaoye koa nenou Razhepu soupeiyu sheeyu nevei kilai Jisu pei hi aetou nümoa nuhdu haina hinou tave dzüloure.

1 JOHAN 1:3

Ehnou Puo ea Nah Poutu Jisu Khristaye koa meime ali soua buyu hi neletao-a Ehye koa meime sünahi louzho loure donou, Ehnou ngaolouyu ea choulouyu süsü neletao hi-a paosüwe.