JOHAN 1:4 - SHEEYU BAIBEL (BSI)

⁴ Puh hisü ahri bue, alia ahri nasü maikhemai vei ava nasüe.

JOHAN 1:4 Iomraidhean Croise

LOUTAO 49:6

toungi shoa buyu maitao, ae puletao vei kini vanou khaophu soua laiyu maitaoye sü Enou pilai moe.

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

ISAIAH 42:16

“Nghicha-a buyu avei maitaoye sü puletao nou sümoyu ludu hinou Enou süthaisa-a tapeilai, puletao nghoujü hinou zhitei-a buyu nasü Enou ava hi soudapa peilai, thou-tao soua buyu dei khesü Enou souchi peilai. Haitao hai Enou soupeilai, ae Enou neletaoye sü thaokhaiwu laimoe.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MATHIU 4:16

Teizhi hinou hrüa buyu maikhemai taonou dushoyu ava ali ngaolai. Athaivei maiyu teidei hinou hrüa buyu maitao pei hisü ava sünanou vapeilai.”

LUK NOU RÜYU KO AVEIBVÜ 2:32

puhsü tahrüh kukhemai taohi nevei tsüdo pongao peire donou ava, alia nemai Israel maitao hi khouko-ava pove peiloure nasüe.”

JOHAN 11:25

Jisu nou puh hi paoe, “Ehai hrishuyu ea ahri nasüe; Eye loucheyu mai talinou puh hai thaiyuma hrilai;

JOHAN 12:35

Jisu nou puletao hi chila peie, “Phajü donou ava nasü neletaoye koa bupulai. Avana bubu kinou neletao nou takhaio, molouzü teizhi nanou neletaoye nulou shulai; teizhi hinou tayu mai sünanou puh hai daiki tahosa touyu sümoe.

JOHAN 12:46

Eye loucheyu talinou teizhihi bumore donou, Enou ava büa deiphao hi velouloue.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 3:19

Alia chikuyu nasü hainae, süolouzü ava sünasü deiphao hi veloue, ana maikhe mainou avana jünou azhi naye leshi loure, daiolouzü puletao vei vah taosü ashi baie.

JOHAN 5:21

Daiolouzü Puonou athai maiye sou hrishu loua puletaoye ahri peiyu kua, Nahpoutua puhnou züpayu maitao hisü ahri peie.

JOHAN 5:26

Daiolouzü Puo puhlah hi ahri buyu kua, Puhnou Nahpoutuye-a lah puh hi ahri buloure aetou peiwure;

JOHAN 8:12

Jisu nou puletao hi paopukhaie, “E hai deiphao ava nasüe; Athai füyu puhnou teizhi hi talai moe, ana ahri vei ava nasü ngaoloulai.”

JOHAN 9:5

Enou deiphao bubusa, Enou deiphao vei ava nasüe.”

SEI-ATAMAI VAHTAO 26:23

Süolouzü khailu peiyu vei avana hai Jihudimai hi ea tahrüh kukhemai hi paosü peire donou Khrista hai vea vuzülai ea thaimai hronou rairaikai-a hrishuyu na soulai.”

1 KORINTHMAI 15:45

Daiolouzü sheeyu larübvü nou paoe, “Mai raina Adam sü hrirai pfüyu mai ali souloure;” ana Adam nanawo hrirai peilouyu rako souloure.

EPHESAMAI 5:14

daiolouzü sheetoua popa ngaoyu hatalisü ava data baiwe. Sübüyu donou haibüa paoe, “Oh zhia buyu ne, kaishulouwo, alia athai hinou hrishulo, alia Khrista nou neye avasü peilai,”

KOLOSSEMAI 3:4

Eletao vei ahri Khrista puh veyu kisü, neletao-a puhye koa veloua puh khouko avasü zha ngaozholai!

1 JOHAN 1:1

Shurai hinou buyu ahri Chipao süna vanou Ehnou neletao hi rüwe. Sünasü Ehnou chouloure, alia süsü Eh nghithou nou ngaoloure; ovai, Ehnou süsü ngaoloua Eh bahnou süsü deiloure.

1 JOHAN 1:2

Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

1 JOHAN 5:11

Alia zhopaoh nasü haire: Ramai nou Eletao hi teisa ahri peire, alia ahri hainasü puhnah Poutuwo hinou ve-e.

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”