JOHAN 1:29 - SHEEYU BAIBEL (BSI)

²⁹ Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 1:29 Iomraidhean Croise

TAPALOUYU 28:38

Aaron nou hainasü puh pei hi phupfülai, sükulouzü Israel mainou posheela peiyu veishi sü Enou popeilai, hakinou maikhe mainou posheela pei mah-a buyuma sükhesü puh pei hi ve-a bailai.

ISAIAH 53:10

Mapao nou paoe, “Puhnou veahoyu sü avei leli-e; maikhe maiye khailu loure donou puhye sü posheela-a phasoua thaire. Südonou puhnou puhvei tyaosholea khesü ngaolai, puh hai hrüsho-a hrülai ae puh vanou avei leli ae choda khaitouyu khesü souche loulai.

ISAIAH 53:11

Puhnou veayu thainou, savayu ae rukhayu sü ngaolai; puhnou veahoyu sü hamako hinou vea moe touyu sü süloulai. Checheyu avei kilaiwo nou maitaoli vei mah sü pfüa talai, süvanou maitao liye khailu peilai.

ISAIAH 53:7

“Puhye sü souveasho peie, ana puhnou peikhai timoa shamea loure. Zhaotu aliye dathayu buh hi hupoa tayu büa ae zhaotu ali mai sailai teanou mai saiyu mai nghoujünou paikhai toumoa buyu büa baie.

HOSEA 14:2

Mapao hi dakhai velou baio, alia haibüa puh hinou veachi paolo, “Etao vei mah teitei nou khaipeio alia zhuvea nou Ehye podakhai peio, sükulouzü teisa nou Neye paosholai.

LEVIMAI LARÜBVÜ 10:17

“Daisounou ne hai sheeyu buh hinou mah vei posheela khaitouyu sou nasü toulou moe? Haina sü sheesho-e, ae maisou mah pota loure donou Mapao nou hai nasü neletao hi peiwure.

ZEKHARIAH 13:1

“Sübüyu teithe veyu phaki, David kihikhamai alia Jerusalem hinou hrüa buyu maitao vei mah ae sheemoyutao khüsheere donou dzühou ali soupeilai.

MAIPEI PHOUYU 18:1

Mapao nou Aaron hi paoe, “Enou buyu Sahpao hi vah soumah louzü, ne alia ne nahpoutu maitao ae Levi maitao nou veahoyu sü ngaolai; ana naanou souyu hinou soumah louzü, ne alia ne nahpoutu maitao likhei veahoyu sü ngao-a bailai.

MAIPEI PHOUYU 18:23

Chuthai nou Levi maitao nou Sahpao nasü zhulai ae sühi vah khesü puletao nou soupfülai. Haisü teisa vei chikha ali soua vere khaphao teitei hia talai. Levi maitao-a puletao vei teisa nou soure donou na lia bulai moe.

MAIPEI PHOUYU 21:9

Südonou Moses nou baosahu nou houng ali souloua süüpo pei hi popa khaipeie. Maitalinoua heung nou daopei khaitoua buyu maisü houng haina hai zhulouyu maisü vei loulai.

MATHIU 1:21

Puhnou nahpoutu ali nalai ea nenou puh zhih sü Jisu tea salai— daiolouzü puhnou puh maitaoye mah hinou khailupa peilai.”

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

JOHAN 1:35

Süthaia, thainaisho sü Johan nou puh rozümai ahaiye koa la-a bue,

JOHAN 1:36

alia Jisu nou ta-a buyu sü ngaoloua puhnou paoe, “Zhukhaio, Ramai Zhaotu naye sü!”

JOHAN 1:43

Thainaisho sü Jisu nou Galilee hi talai tea le laloure. Alia puhnou Philip ye ngaoloua puh hi paoe, “Athai fülo.”

JOHAN 2:1

Süthai teithe asü zhousü Galilee hi buyu Kana nuh hinou sheenghiyu li buloure, alia Jisu pfüa sühi bue;

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 4:42

alia puletao nou naotupai hi paoe, “Chuo nevei chipao vanou Eletao nou louche louyu moe, daiolouzü Eletao-a Eletao lah puhnou paoyusü chouloure, alia chekhaoa puh hai deiphao maiye Khailu-apeio nasüe touyu sü Ehnou süe.”

JOHAN 6:51

Ehai rakinou kouyu hriyu raokhao nasüe. Maitalinou raokhao haina toulouzü, puhsü teisanou hrilai; alia deiphao mainou hrire donou Enou peilaiyu raokhao nasü Avasoue.”

SEI-ATAMAI VAHTAO 13:39

Moses vei razhainou neletaoye mado soupeilou hoyu teitei hinou chuo puhye louche louyu mai hrülaiye mah teitei hinou mado soupeire.

SEI-ATAMAI VAHTAO 8:32

Alia puhnou phoua buyu sheeyu larübvü buh süsü hainae: “Zhaotu dathea mai hi zhaotuye saveyu kua puhye sü save, moa zhaotumai bimai nghojü hi zhao toutunou ra moyu kua puh-a puhmü khapamoe.

1 KORINTHMAI 15:3

Daiolouzü E-a ngaolouyu matsü tsülaina süsü Enou neletao hi thoupeire, süolouzü sheeyu larübvü thaifüa Khrista nou Eletao mah donou thaipeire,

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

GALATIAMAI 1:4

Eletaoye zhodo maikha ashi haina hinou khaipa peire donou, Eletao Ramai ea Puo puhvei li-choyu thaisü füa Khrista puh lahnou puhye sü Eletao vei mah donou thoupeiwure.

GALATIAMAI 3:13

Ana Khrista nou Eletaoye donou cha daloua, Eletaoye sü Razhai vei cha hinou khaipa peire; daiolouzü sheeyu larübvü hinou haibüa rüthoure, “Süüvanou khiyukhai touyu mai taliye sü Ramai nou chapeire.”

1 TIMOTHI 2:6

Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

EBRIAMAI 2:17

Südonou puhnou Ramai vei kuvah souyuhi puletao vei acheche ea zhuvea peilou süyu Napao Peichana souloua maikhe maivei mah taosü khailu peiloure donou ha tali hinou puhye panou puh thaihou jürai maitao kheihao vuzülai.

EBRIAMAI 9:28

Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.

1 PITAR 1:19

ana chaalia hayu moa sheetouyu zhaotu büyu muhtei shoyu Khrista vei zhenou hrüloue.

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 14:1

Süthaisü Enou zhue, alia zhukhaio, Zion deichi hinou Zhaotu sünasü la-a bue; alia puhye koa puhzhih ea puh puo zhih puletao puhi rüthou khaitouyu maikhemai 144,000 sü bue.

PONGAOPEIYU 14:10

puh-a Ramai nou puhvei rouyu pai nahi dzü chokhaimoa lathoukhai touyu puhvei rarouyu zhaoh nasü sholai! Sübüa souyu puletao hrülaiye sü mashee rakivamai ea Zhaotu süna nghojünou mei ea meichuh hinou souvea peilai.

PONGAOPEIYU 14:4

Mai haitaowo louzü puletao lah naotumai hinou souzhaiwu moyu maitaoe, daiolouzü puletao lahnou shee-a buloure. Puletao nou Zhaotu sünanou tayu buh tali hisü thaifüa laiwe. Puletaoye sü deiphao maikhemai hrohinou khailu paloua raikaiyu rashi thoutao kua Ramai hi ea Zhaotu sünahi popeire.

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 19:7

Eletao lesaloua sathailou laikhe ea puhvei adushosü paosho laikhe! Daiolouzü Zhaotu sünavei sheere teilesü veloure, alia puhki verepainou lah puhye donou souda chere.

PONGAOPEIYU 19:9

Alia rakivamai sünanou Ahi paoe, “Haisü rüthoukhaio: Zhaotu sünavei sheenghiyu tovaihi vere kulouyu puletaosü rako veie.” Alia puhnou paopukhaie, “Haitaosü Ramai vei cheche chipaotaoe.”

PONGAOPEIYU 21:14

Nuhdu sünavei bouvousü kifü chuhsho kiahai hinou soushupa khaitoue ea sütao vahisü Zhaotu sünavei sei-atamai kiahai zhih rüthou khaitoue.

PONGAOPEIYU 21:27

Ana sheemoyu hatali moa ahraoyu vah souyu ea madayu chi paoyu maitalia nuhdu sühisü velou laimoe, ana Zhaotuvei hriyu larübvühi zhih rüthou khaitouyu puletao likheinou nuhdu sühisü velou bailai.

PONGAOPEIYU 21:9

Süthaisü akhai veahoyu anainou phouyu pai anaitao poa buyu rakivamai anaitao hrohinou alinou Ahi taveloua paoe, “Tavelo, Enou ne hi Zhaotu sünavei chapfü, nghirepai sünaye nehi ngaopeilai.”

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.

PONGAOPEIYU 5:8

Alia puhnou süsü polouyu kisü, hrikhaona adai sütao ea tsümai kaidai taosü kou Zhaotu nghojünou kaotare. Puletao mailili bah hisü lanabvü aduna chekhei bue, alia mei deiloure kaivei shoyu nanou phoua buyu sana paitao-a bue, sütaosü sheeyu maitao vei veachi nasüe.

PONGAOPEIYU 6:1

Süthaisü Zhaotu sünanou paoshee anaitao hronou raikhana hapayu sü Enou ngaoe, alia hrikhaona adai hrohinou alinou teisüyu kho büa, “Tavelo!” tea paoyu pailisü Enou choue.

PONGAOPEIYU 6:16

Puletao nou deichitao ea chuhlea taohi paoe, “Eletao pei hi pokouloua Ehye sü vebuh hi buyu puh nghojünou ea Zhaotu sünavei rarouyu hinou pokupeio!

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”