JOHAN 1:19 - SHEEYU BAIBEL (BSI)

¹⁹ Alia Jerusalem hinou Jihudimai taonou Johan hi napaomaitao ea Levi maitaoye seive-a panou puh hinou, “Ne thaoh-e?” tea ve nouyuki Johan nou haibüa zhopaoh peie.

JOHAN 1:19 Iomraidhean Croise

JOHAN 1:7

Puhnou ava navei zhopaoh soure donou, süolouzü puh vanou panou mai hrülaiye louche loure donou, puhnou zhopaoh donou ve-e.

JOHAN 10:24

Südonou Jihudimai taonou puh hinou tave sühao buloua puh hi paoe, “Pha kasho nenou Eletaoye panou zhi-a bulai? Nehai Khristae toulouzü Eletao hi sheesha-a paongao khaio.”

JOHAN 10:31

Sükisü Jihudimai taonou puhye deire donou kou chuh polou khaire.

JOHAN 11:19

Alia Jihudimai alaonou Martha hai Meri hi puhai pou thaiyu vanou le souvare donou tave loure.

JOHAN 2:18

Sükisü Jihudimai taonou puh hi paoe, “Nenou vah haina souyu hi nezü bue touyu pongaore Eh hi dai shee soungaolou süe?”

JOHAN 2:20

Süthaisü Jihudimai taonou paoe, “Rathoki hainasü po raidairou loua soue, anou newo sünahai teithe asü hinou soushulou laiwu?”

JOHAN 5:10

Südonou Jihudimainou sou veilouyu mai sünahi paoe, “Haisü Soteithe-e, alia nenou ne züh poloua tayusü razhainou aetoumoe.”

JOHAN 5:15

Mai sünanou taloua puhye souvei peiyu mai nasü Jisue tea Jihudimai taohi paopeire.

JOHAN 5:16

Alia Jihudimainou Jisu ye souveayu sü süna vanoue, daiolouzü puhnou vah hainasü Soteithe zhounou soue.

JOHAN 5:18

Sükua paoyu vanou Jihudimainou puhye southeare donou phoupue, daiolouzü puhnou Soteithe soukhoyu thebaimoa puh lahnou Ramaiye paokha-a Ramaiye puh Puo tea kuwe.

JOHAN 6:41

Sükisü Jihudimai taonou puh vanou noulealea loure, daiolouzü puhnou, “Ehai rakinou kouyu raokhao nasüe” tea paoe.

JOHAN 6:52

Südonou Jihudimai taosü puletao lah puletao hrohinou haibüa veiva-a paoe, “Kakua mai hainanou Eletao hi puh vasousü toure donou peilousüe?”

JOHAN 7:1

Haithaisü Jisu nou Galilee hi tasühao tare; puh hai Judea hi tanükhai more, daiolouzü Jihudimai taonou puhye southeare donou phoua bue.

JOHAN 7:11

Jihudimai taonou nühbuh hinou puhye phoua, “Puh hai kahi bue?” tea nouwe.

JOHAN 7:15

Jihudimai taosü süvanou khupa loua, “Mai hainanou larü doukhai moa kabüa haizhozhou süloue?” tea paoe.

JOHAN 8:22

Südonou Jihudimai taonou paoe, “Puhnou lah puhye southea laiwu, daiolouzü puhnou ‘Enou tayu buh hisü neletao nou velou hoe,’ tea paoe?”

JOHAN 8:48

Jihudimai taonou puh hi chila peie, “Nehai Samariamai alie ea nehi rashi ali bue tea Eletao nou paoyu sü paozü mowu?”

JOHAN 8:52

Jihudimai taonou puh hi paoe, “Chuo Eletao nou nehi rashi ali bue touyu sü süloure. Abraham-a rachi paolamaitao-a thaikhaire, ana ‘Maita linou Achipao hai züa bulouzü, puhnou athai nasü daokhai laimoe;’ tea nenou paoe.

JOHAN 8:57

Süthaisü Jihudimai taonou puh hi paoe, “Ne sü po raingou koutea pamo hie, alia newo Abraham ye ngaowu?”

SEI-ATAMAI VAHTAO 13:25

Alia Johan nou puhvah souche louyu kisü, maikhemai hi haibüa paoe, “Neletao nou Eye nou thaoh touwe? Ewo puh moe. Ana zhukhaio, puh sü Athailo nou laie ea Eye donou puh phikha rai pheipayu koutea khamoe.

SEI-ATAMAI VAHTAO 19:4

Alia Paul nou paoe, “Johan nou dzükhao dapeiyu hai le dalouyu vei baie. Puhnou puh thainou velaiyu süolouzü Jisu ye louche loure donou maikhemai hi paopeie.”

PAODAKHAIYU CHIKHA 24:8

“Loukhaorah sou soulouzü, Levi napao mainou neletao hi paodou peiyu bütoua soutoulo. Enou puletao hi paopeikhai touyu kharochi sü neletao soutao sou-a zülai.

1 JOHAN 1:5

Chuwo Puhnah Poutu hinou Ehnou chouloua paosüyu chipao sünawo louzü haire; Ramai hai avae alia puh hisü teizhi ali-a hae.