JOHAN 1:17 - SHEEYU BAIBEL (BSI)

¹⁷ Daiolouzü razhai nasü Moses vanou peie; ana zhuvea ea acheche na louzü Jisu Khrista vanou ve.

JOHAN 1:17 Iomraidhean Croise

SHURAI 22:18

Nevei tyaosholea hi Enou shiha peiyu büa deiphao hi buyu tyahrü hrülai nou avei shiha kholai, daiolouzü nenou avei kharochi züyu vanou.”

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

LOUTAO 85:10

Tobai soumoa leshi peiyu ae louchilou veiyu nasü tave daolai; acheche ae kaonayu nasü alinou aliye mütei-a kholai.

LOUTAO 98:3

Puhnou Israel maitao hi apaokhai touyu nasü thaifüa puhnou puletao hi chilee cheche-a ae tobai soumoa leshi peie. Etao Ramai nou veilouyu nasü deiphao mai hrülai nou ngaoloure.

MIKAH 7:20

Nenou raichoki Etao vei puopaoh Abraham ae Jakob hi paohpei khaitouyu büa nevei maitao hisü nevei tobai soumoa leshi peiyu nasü ngaopeilai.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 5:45

Enou neletaoye Apuo nghojü hinou mah paodu khaipei shulai tea chowuso. Neletaoye mah paodu khaipeirena louzü neletao nou rei-a buyu Moses baie.

JOHAN 7:19

Moses nou neletao hi Razhai nasü peimowu? Ana neletao maili koutea Razhai nasü reimoe. Neletao daivanou Eye southeare phouwe?”

JOHAN 8:32

alia neletao nou acheche nasü süloulai, alia acheche nanou neletaoye mado soupeilai.”

JOHAN 9:29

Ramai nou Moses hi paopeie touyu hai Ehnou süe, ana mai haina vanou louzü, puh hai kahinou vesa touyu Ehnou sümoe!”

SEI-ATAMAI VAHTAO 28:23

Südonou puletao nou Paul ye koa khoukha ali dadeloure, alia teithe sükisü maikhemai alaosou puhnou buyu buh hi tave. Alia puhnou puletao hi shona hinou koukhe koute sü Ramai Vedei vanou soutaosoua paodou peie, alia puhnou Jisu vanou Moses vei razhai ea rachi paolamaitao vei larütao hinou popa paodoua puletaoye douposhu louche peire donou te-e.

SEI-ATAMAI VAHTAO 7:38

Sinai Deichi hinou puh hi chi phayu rakivamai sünaye koa ea Eletao puokhemai taoye koa rekounou lüloumaime hinou buyu puhsü hainae, alia Eletao hi lakou peire donou Ramai vei hriyu chipao sü puhnou ngaoloue.

ROMMAI 6:14

Daiolouzü mahye panou neletao vei paopu souwu laimoe, daiolouzü neletao hai razhai khehi bukhai more, ana Ramai zhuvea khehi bue.

2 KORINTHMAI 1:20

daiolouzü Ramai vei apaopeiyu teitei hai puh hinou Ae-Ao touyu sü ngaoloue. Südonou Ramai kathe souloure donou Ehnou Jisu Khrista vanou “Amen” tea paowe.

GALATIAMAI 3:17

Enou pao-a buyu ko sünawo louzü Ramai nou Abraham ye koa vo ali soue ea puhnou süsü khopeilai tea apaopeie. Po 430 thainou peiyu razhai sünanou vo sünaye soukho moe ea Ramai vei apaopei khaitouyu nasü souhawu moe.

PAODAKHAIYU CHIKHA 33:4

Israel maitao donou muh teikayu nasü, Moses nou paopeiyu chikhatao Etao nou züwe.

PAODAKHAIYU CHIKHA 4:44

Moses nou Ramai vei chikhatao Israel mai hi paopeiyu sü haitaoe.

PAODAKHAIYU CHIKHA 5:1

Moses nou Israel mai hrülaiye kuve jüloua puletao hi paoe, “Oh Israel maitaore, zhou teithe Enou neletao hi paopeiyu chikhatao ae kharochitao hai doulo alia sütaosü züre donou telo.

EBRIAMAI 9:22

Achechenou, razhai thaifüa ha teiteisü zhenou sousheeloue; ea zhe kükou peimoa sühisü mah khaipeiyu ali-a hae.