JOHAN 1:14 - SHEEYU BAIBEL (BSI)

¹⁴ Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:14 Iomraidhean Croise

LOUTAO 2:7

“Mapao nou kharochi peikhai touyu taosü Enou paosü peilai” tea veo nou paoe. Puhnou ahi paoe, “Ne anahpoutu-e, zhou teithe hinou Enou nevei puo souloure.

LOUTAO 45:2

Mai hrülai jünou ne-a hüvei ka-e; chi paolou süyu sü ne hi peikhai toue, südonou Ramai nou neye teisa nou shiha peie.

LOUTAO 85:9

Cheche vujünou puhye tsükhoua buyu maitaoye sü puhnou khailu peilai, ae puhvei khouko ava nasü teisa nou Etao vei teidei hisü bupeilai.

ISAIAH 40:5

Süthaisü Mapao vei khouko ava sü pongao peilai, ae deiphao mai hrülai nou süsü ngaokhai toulai. Haisü Mapao masha vuzünou paopawure.”

ISAIAH 53:2

Daiolouzü puhsü puh nghoujü nou süübetou ali nou deithe hinou maa tsülouloua paopayu büa baie. Puh hisü thainüyu ae zhainga veiyu ali-a ha-e ae puh hisü hüveiyu ali koute-a ha-e.

ISAIAH 7:14

Südonou Mapao nou neletao hi shee ali peilai, süolouzü loumainah ali nou nah hrüloua nahpoutu ali naloulai, ae puh zhih sü Immanuel tea salai.

EZEKIEL 37:27

Enou puletaoye koa sühinou hrüpeilai; Enou puletao vei Ramai sü soulai, ae puletao hai avei mai soulai.

LUK NOU RÜYU KO AVEIBVÜ 2:11

daiolouzü zhou teithehi David vei nuhdu hinou neletaoye donou Khailu-apeio ye sü naloure, puhsü Khrista, Mapaowo süe!

LUK NOU RÜYU KO AVEIBVÜ 2:7

Alia puhnou puhvei raikaiyu nahpoutuna sü naloure ea puhye sü sahzünou pozütouloua rheikhaohi pozüre, daiolouzü shevai chaoyuki sühisü puletaoye donou chaorebuh hare.

LUK NOU RÜYU KO AVEIBVÜ 9:32

Chuo Pitar ea puhye koa buyu mai taosü zhitei tare, alia puletao nou kaishuyu kisü, puletao nou Jisu vei khouko ava ea puhye koa la-a buyu mai ahaiye ngaoloure.

JOHAN 1:1

Shurai nou Chipao hai bue, Chipao hai Ramaiye koa bue, alia Chipao hai Ramaie.

JOHAN 11:40

Jisu nou puh hi paoe, “Nenou louchea bulouzü Ramai vei khouko avasü ngaolai tea Enou nehi paomowu?”

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 14:9

Jisu nou puh hi paoe, “Pha haisoso Enou neletaoye koa bukhaia, ne Eye sümo hiwu Philip? Eye ngaolouyu puhnou Puoye ngaoloure; sütou louzü, nenou kakua, ‘Puoye sü Eh hi ngaokhaio’ tea paowe?

JOHAN 17:22

Ne ea Enou ali baiyu kua puletaoye-a panou ali souloure donou nenou Ahi peikhai touyu khouko ava nasü Enou puletao hi peire.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 2:11

Jisu nou raikaiyu shee haina hai Galilee hi buyu Kana hinou soua puh vei khouko-ava nasü pongaoe; alia puh rozümai taonou puhye loucheloue.

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 3:18

“Puhye loucheyu mai taliye sü chiku moe; ana louche moyu mai taliye sü chiku chere, daiolouzü puhnou Ramai vei likhuyu Nahpoutu zhih hisü louche loumoe.

JOHAN 6:51

Ehai rakinou kouyu hriyu raokhao nasüe. Maitalinou raokhao haina toulouzü, puhsü teisanou hrilai; alia deiphao mainou hrire donou Enou peilaiyu raokhao nasü Avasoue.”

JOHAN 8:32

alia neletao nou acheche nasü süloulai, alia acheche nanou neletaoye mado soupeilai.”

SEI-ATAMAI VAHTAO 13:33

süolouzü Ramai nou Jisu ye panou hrishuloua puletao nahkhemai Eletao hinou chipao süsü panou veteloure. Haisü lou larübvü chime ahai chena hi rüthouyu kue: ‘Ne sü Anah Poutue Zhou Enou neye napeire.’

ROMMAI 8:3

Emai kezhenou lelou hoyu vanou razhainou soulou hoyu nasü Ramai nou souloure. Puhnou lah puhnah poutuye seikou peiwu-a mahye souhare donou mahmai zhaido hinou panou veloua mahye sü kezhe hinou mah dukhaire.

ROMMAI 9:5

puletao hai zhih tashoyu Ebria puo-paomaitao hilonou ve; alia Khrista hai emai ali soua puletao vei tahrüh hinou ve. Ha teitei pei hi khoa buyu Ramai puhye teisanou paosholou khaio! Amen.

1 KORINTHMAI 15:47

Nainou souyu Adam raina sü deiphao hinou ve; Adam ahai chena sü raki vanou ve-e.

2 KORINTHMAI 12:9

Ana puhnou Ahi paopeie, “Avei zhuvea nou neye donou khrabaie, daiolouzü nenou lelouhoa buyu hinou Avei khouko hai khoushoa bue.” Khrista vei khouko hai Apei hi buloure donou Avei lelou hoyu hisü Enou koulihsou lesa-a khaophu soupulai.

GALATIAMAI 4:4

Ana apaokhai touyu teile süsü velouyu kisü, naotumai ali vanou panou razhai khehinou naloua Ramai nou lah puhnah Poutuye seive peie,

EPHESAMAI 3:8

Sheeyu maitao hrülai jünou Esü tainoukakhai-a Khrista vei paoshalou hoyu kinina vanou tahrüh kukhe maitaohi paodou peire donou zhuvea hainasü Ahi peikhaitoue,

KOLOSSEMAI 1:19

Daiolouzü Nahpoutu nou lah puh hi Ramai zhai chekhoua buyu sü Ramai puhvei leli nasüe.

KOLOSSEMAI 2:3

Puh hai Ramai vei ratsü ea tsüvei pokukhai touyu kinou teitei houpa peiloure khareih nasüe.

KOLOSSEMAI 2:9

Daiolouzü, puhvei emai hrü hisü, Ramai zhai teiteisü buchewe,

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

EBRIAMAI 1:5

Daiolouzü Ramai nou puhvei rakiva maitao talihia haikua paokhai mohie, “Ne sü Anah Poutue; Zhou Esü Nepuo souloure.” Moa Ramai nou rakivamai tali vanou haikua paokhai moe, “Esü puh Puo soulai, alia puhsü Anah Poutu soulai.”

EBRIAMAI 10:5

Haikuyu vanou Khrista nou deiphao hi vere kisü puhnou Ramai hi haibüa paoe: “Sheelayu ea pothoyu sü nenou züpa moe, ana nenou Eye donou pfüphao ali souda peiwure.

EBRIAMAI 2:11

Jisu nou maikhe maiye puletao vei mah hinou soushee peie, alia puh ea soushee louyu khemaitao hrülaisü puo ali hinou vebaie. Sükuyu donou puletaoye puh thaihou jürai khemai tea kuyu sü Jisu nou ahrao moe.

EBRIAMAI 5:5

Sübütoua, Khrista-a lah puhnou Napao Peichana souloure donou tsükhouyu buh nasü khaloumoe. Ana Ramai nou puh hi paoe, “Ne sü Anah Poutue; Zhou Esü Nepuo souloure.”

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

1 JOHAN 4:9

Alia puh vanou Eletao hai hriloure donou Ramai nou puhvei likhuyu Nahpoutuye deiphao hi seikou peiwua, puh leshisü Eletao hi ngaopeiwure.

2 JOHAN 1:7

Jisu Khrista hai kezhe daloua ve-e touyu popei bayu amada mai alaosou deiphao teiteihi tare. Sübüyu mai talisü amada maie ea amada Khrista nasüe.

PONGAOPEIYU 19:13

Puhsü zhe hinou pothou sücha khaitouyu zaoduna ali nouwe, alia puh zhihsü “Ramai Chipao” touwe.

PONGAOPEIYU 21:3

Alia Enou vebuh hinou pai kushoyu alinou haibüa paoyu choue: “Zhukhaio, chuwo Ramai vei kisü emaiye koa bure! Puhnou puletaoye koa hrülai, alia puletaosü puhmaitao soulai. Ramai puh vuzünou puletaoye koa bupeilai ea puhsü puletao vei Ramai soulai.