JOHAN 1:13 - SHEEYU BAIBEL (BSI)

¹³ Puletao nalouyu haiolouzü zhe hinoua, vasounou li-choyu hinoua, moa mainou li-choyu hinoua moe, ana Ramai hilonoue.

JOHAN 1:13 Iomraidhean Croise

SHURAI 25:22

Nahtou ahai sü puh pouhi bua bukinou alinou aliye khaovare, südonou puhnou “Haibü louzü E daisou nou hriwe?” tea paore. Süthaisü puhnou Mapao hi noure.

SHURAI 25:28

Isaak nou Esau ye khue daiolouzü Esau nou sou southaloua pove puhye peiyu donou, ana Rebeka nou Jakob ye leshie.

SHURAI 27:33

Süthaisü Isaak hai raroushoa ngure ae puhnou noue, “Mai linou rüsou kholoua pove ahi peiyu nasü thaokhai-a? Enou puhvei khaovu touloua puh hisü shiha peire taosü peichewure, ae sünasü puhvei soulaide.”

SHURAI 27:4

Alia Enou jüpayu sou taoli kholoua pove Eye panou toukhaio, sükua E thaimo kinou neye hapeilai.”

LOUTAO 110:3

Nenou nevei ngaobayu maitaoye reih souyu teithe zhousü nevei maitao hai puletao lah nou tave neye soukha peilai. Shona vidzü kouyu büa nevei nahle maitao nou nenou buyu sheeyu deichi hisü veloulai.

MATHIU 3:9

Alia Abraham hai neletao puopaoe tea pao-a Ramai rarouna hinou tutalou süe tea neletao nou chowuso. Enou neletao hi paoe, süolouzü Ramai nou chuh toutu haitao poloua panou Abraham vei tyaonahmaitao palousüe!

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

1 KORINTHMAI 3:6

Enou shothou peie, Apollos nou dzü züpeie, ana Ramai nou soudu papeie.

PHILIPPIMAI 2:13

daiolouzü Ramaiwo teisanou neletao hronou neletaoye panou züpa-a ea puhvei lelina thaifüa taloure donou vah soua bue.

TITA 3:5

puhnou Eletaoye khailu peire. Süsü lah Eletao nou acheche vah tali souwuyu vanou moe, ana lah puhvei zhuvea vanou baie. Puhnou Eletaoye Rako Mashi vanou khüshee peiwu-a puh vanou Eletao hi nashu louyu ea hrü ashu peiwuyu vanou khailupeie.

JEMS 1:18

Puhvei leli hinou Eletaoye panou puhvei hrikhaona teitei hronou raikaiyu shithoutao soure donou acheche vei chipaona vanou puhnou Eletaoye panou veloure.

1 PITAR 1:23

Daiolouzü hriyu ea teisa halou hoyu Ramai chipao vanou neletaosü hakalou veiyu thoutai hilonou moa hakoulou hoyu thoutai hilonou nashu loure;

1 PITAR 1:3

Eletao Mapao Jisu Khrista Puo ea Ramai puhye paosho laikhe! Daiolouzü puhvei dushoyu zhuvea vanou Jisu Khristaye panou athai hinou hrishuloua puhnou Eletao hi hrü ashusü peiwure. Hainanou Eletao lekhe hisü hriyu areih nanou pothou phoupeire,

1 PITAR 2:2

Nah-pumaitou kua neletao-a dushu paloua khailu loure donou teisanou rako vei naodzü sü züpalo;

1 JOHAN 3:9

Ramai hilonou nalouyu maitalinou mah soua bumoe, daiolouzü Ramai vei zhai vuzü nasü puh hi bue; alia Ramai hai puh Puo baiyu donou, puhsü mah soua bulouhoe.

1 JOHAN 4:7

Leshiyu sakhe maitao, Eletao alinou liye leshilou laikhe, daiolouzü leshi hai Ramai hinou ve. Maiye leshiyu puhsü Ramai hinou naloure ea Ramaiye süwe.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:4

daiolouzü Ramai hinou nalouyu mai hrülainou deiphaoye koloue. Alia Eletao lü vanou Eletao nou deiphaoye kolouwe.