JOHAN 1:12 - SHEEYU BAIBEL (BSI)

¹² ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 1:12 Iomraidhean Croise

2 SAMUEL 7:24

Israel maiye sü teisa lah nevei mai soupeie alia nenou teisa puletao Ramai sü soupeie.

ISAIAH 56:5

Enou puletaoye sü avei Rathoki hinou ngailai moyu zhih, nahpoutu ae nah naotumai buyu maitao jünou veipua halai moyu zhih aveih nasü puletao hi peilai.”

JEREMIAH 3:19

Mapao nou paoe, “Oh Israel, Enou neye anahpoutu soua polounüe, ae neye veishoyu teidei ali peinüe, deiphao teitei hinou veikayu teidei. Neletaoye panou Eye neletao vei Puo tea kunüe, ae ahinou pa tala tapu khaimoa bunüe.

HOSEA 1:10

Ana Israel maitao hai teithe li zai hi vünai bülai, süzhou mai linoua puletao ye duloulai moe, mokhaia puletao hrüh chosha louho soulai; “Neletao hai Amai moe” tea paoyu thaosü, “Hriyu Ramai nah khemai” tea Enou puletao ye paolai.

MATHIU 10:40

“Neletaoye shepeiyu maitalinou Eye shepeiwe; alia Eye shepeiyu maitalinou Eye seiveyu puhye shepeiwe.

MATHIU 12:21

alia Tahrüh kukhe mainou puh zhih hinou rei-a bulai.”

MATHIU 18:5

Alia haibüyu nahtou aliye Azhih hinou sasa-a popeiyu maita linou Eye sasa-a popeiwe.

JOHAN 1:11

Puh sü lah puh kihi ve, ana lah puh mainou puhye sü popei moe.

JOHAN 1:7

Puhnou ava navei zhopaoh soure donou, süolouzü puh vanou panou mai hrülaiye louche loure donou, puhnou zhopaoh donou ve-e.

JOHAN 11:52

alia tahrüh süna likhei donou bailaimoe, ana vakounou raroua buyu Ramainah taoye alikhei soua pove dzüre donoue.

JOHAN 2:23

Chuo Jerusalem hinou Tachonüh hi bubuki puhnou souyu sheetao sü ngaoloua mai taolinou puhye louche loure.

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 3:18

“Puhye loucheyu mai taliye sü chiku moe; ana louche moyu mai taliye sü chiku chere, daiolouzü puhnou Ramai vei likhuyu Nahpoutu zhih hisü louche loumoe.

SEI-ATAMAI VAHTAO 3:16

Alia Jisu zhih hinou lülouyu vanou, neletao nou ngao-a ea sü-a buyu mai hainaye sü puhzhih hinou soutsü peire; alia haisü Jisu zhih hinou veyu lü süna vanou mai hainaye sü neletao hrülai nghojünou souvei chekhou peire.

ROMMAI 8:14

Daiolouzü Ramai Rakonou süthaipeia buyu maitao sü Ramai nahpoututaoe.

ROMMAI 8:16

Ramai Rako puh lahnou Eletao rakoye koa lou Eletao hai Ramai nahtaoe touyu sü zhopaoh souwe.

ROMMAI 8:19

Soukhai touyu basha teiteinou Ramai hinou zhishopoa puhnah poutu maitaoye ngaopeire sü khoa bue.

GALATIAMAI 3:26

Lü vanou neletao hrülaisü Khrista Jisu ye koa ali soulouyu hinou Ramai nah soukhai loure.

GALATIAMAI 4:6

Alia neletao hai puh nahmaitao touyu sü pongaore donou Ramai nou puhnah Poutu vei Rakosü Eletao lehi seive thoupeie, alia rako sünanou, “Abba! Apuo!” tea raopawe.

KOLOSSEMAI 2:6

Südonou neletao nou Khrista Jisu ye nou Mapaowo süe tea polouyu donou, puhye koa ali soua hrülai.

2 PITAR 1:4

Haikua, puhnou apaopei khaitouyu dushoyu ea muhtei shoyu sapeina taosü Eletao hi peiwure, süolouzü sapeina haitao vanou, ke-zhe züpa vanou veyu deiphao hi buyu ashi süna hinou neletao nou tupaloua Ramai vei zhai nasü koa zha ngaozho loulai.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 JOHAN 3:2

Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

1 JOHAN 3:23

Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.