JOHAN 1:10 - SHEEYU BAIBEL (BSI)

¹⁰ Puh hai deiphao hi bue, alia deiphao hai puh vanou souloue, ana deiphao mainou puhye sülou moe.

JOHAN 1:10 Iomraidhean Croise

SHURAI 16:13

Hagar nou lah puhye haibüa nou-e, “E cheche vuzünou Ramai ye zhingaowu alia zhingao louyu thai-a haibüa panou paolai hi tea hria buhiwu?” Südonou puhnou puhye chayu Ramai ye sü “Ne hai zhingaoyu Ramaie” tea kuloue.

SHURAI 17:1

Abram nou po raiküakü payu phaki, Mapao nou puh hi zhu ngaopeia puh hisü paoe, “E hai Khoukhoulai Ramai nasüe. Achi zülo alia teisa nou kaozü nasü soulo.

SHURAI 18:33

Mapao nou Abraham hi chi paocheyu thai puhsü tare alia Abraham-a lah ki hi dakhai vere.

ISAIAH 53:3

Puhye sü mainou ngaora-a pomoyu mai ali baie, veasho-a laiyu mai ali baie, ae sounou sou-a laiyu mai ali büa baie. Mai linoua puhye sü zhu chamoe, ae Etao nou puhye sü ngaora-a tsükhou peimoe.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

JOHAN 1:11

Puh sü lah puh kihi ve, ana lah puh mainou puhye sü popei moe.

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 1:3

Na teitei hai puh vanou souloue, alia soukhai touyu taosü puh loumoa hatalia soulou moe.

JOHAN 1:5

Ava nanou teizhi hi vapeie, alia teizhi nanou sünaye kolou moe.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 5:17

Ana Jisu nou puletao hi chila peie, “Apuonou chu koutea vah souwe, alia E-a vah soua bue.”

SEI-ATAMAI VAHTAO 14:17

Sütoukhaia puhnou zhopaoh ha-a lah puhye thaowu moe, daiolouzü puhnou vah avei soupeia rakinou tei rükoupeie ea shi shiyu khou-teile peia neletao lesü panou touso ea sayu nou phoupeiloue.”

1 KORINTHMAI 1:21

Daiolouzü Ramai nou puhvei ratsü hinou emaiye panou lah puletao vei tsüdo avei vanou puhye panou hakia sülou more soudawure. Süjüwo, Ehnou paodouyu, maikhe mainou “voyu chipao” tea sayu süna vanou lülouyu puletaoye khailu peiloure Ramai nou le laloure.

1 KORINTHMAI 2:8

Deiphao hainavei teideikhomai talinoua ratsü hainasü sümoe. Daiolouzü puletao nou süe toulouzü, puletao nou khouko avavei Mapaowoye kros vanou veatheawu laimoe.

1 KORINTHMAI 8:6

Eletaoye donou louzü Puo, Ramai puh likheithe bubaie. Puh hinou ha teitei vebaie ea Eletao sü puhye donou hribaie, alia Mapao alikhei süolouzü Jisu Khrista bubaie. Puh vanou na teitei sü souloue ea puh vanou Eletao sü hribaie.

KOLOSSEMAI 1:16

Daiolouzü puh vanou raki ea deiphao hi buyu, ngaoyu ea ngaomoyu natao, süolouzü rako hilovei khoukotao, paopumaitao, teidei khomaitao, alia peicha maitao-a loua, ha teiteiye sü Ramai nou soupeie. Puh vanou ea puhye donou Ramai nou teideiphao teiteiye sü soupeie.

EBRIAMAI 11:3

Lü vanou teideiphao hai Ramai chipao nou soupeie touyu sü Eletao nou süloue, sükua ngaoa buyu taosü ngaolou hoyu natao vanou souloue.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.