JOHAN 1:1 - SHEEYU BAIBEL (BSI)

¹ Shurai nou Chipao hai bue, Chipao hai Ramaiye koa bue, alia Chipao hai Ramaie.

JOHAN 1:1 Iomraidhean Croise

SHURAI 1:1

Ramai nou teideiphao soushu arai hi,

LOUTAO 45:6

Ramai nou neye peikhai touyu vedei nasü teisa nou akhai ha-a bukou telai. Nevei maitaoye sü nenou kaozü hinou khasa-a hrüpeilai;

ISAIAH 7:14

Südonou Mapao nou neletao hi shee ali peilai, süolouzü loumainah ali nou nah hrüloua nahpoutu ali naloulai, ae puh zhih sü Immanuel tea salai.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

MATHIU 1:23

“Zhukhaio, loumaina alinou poupfüloua nahpoutumai ali nalai ea puh zhih sü Emmanuel, (süvei kowo louzü, ‘Ramai nou Eletaoye koa bue’) tea kulai.”

LUK NOU RÜYU KO AVEIBVÜ 24:53

alia puletao nou Rathoki hinou tobai soumoa Ramaiye soushoa bue.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 1:2

Puh hai shurainou Ramaiye koa bue.

JOHAN 16:28

Enou Apuo hinou tashuloua deiphao hi veloure; alia chuo Enou deiphaosü thaowu-a Apuohi vetalai.”

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 20:28

Thomasnou puh hi chila peie, “A Mapao ea A Ramai!”

JOHAN 8:58

Jisu nou puletao hi paoe, “Cheche vuzünou Enou neletao hi paowe, Abraham ye namo jünou Esü bue.”

ROMMAI 9:5

puletao hai zhih tashoyu Ebria puo-paomaitao hilonou ve; alia Khrista hai emai ali soua puletao vei tahrüh hinou ve. Ha teitei pei hi khoa buyu Ramai puhye teisanou paosholou khaio! Amen.

EPHESAMAI 3:9

alia peikhai touyu süsü ha teitei soupeiyu Ramai puh hi dao daonou poku khaitouyu kheitsüna vei aroh nasü daisa touyu maikhemai hrülaiye panou ngaoloure donoue,

PHILIPPIMAI 2:6

Puhwo teisanou Ramai zhai pfüa bukhaia, nutai nutsü-a Ramaiye dei-a hrülai tea puhnou chomoe.

KOLOSSEMAI 1:15

Khrista hai nghithounou ngaomoyu Ramai puhvei zhuraiwo nasüe. Puh hai basha teitei jünou dukayu nah naraiwo süe.

KOLOSSEMAI 1:17

Na veishi jühinou Khrista hai bue, alia puh hinou na veishiye sü paimupoa bue.

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

TITA 2:13

sübüa Eletao nou dushoyu Eletao Ramai ea khailu-apeio Jisu Khrista nou khouko-ava hinou velaiyu süolouzü Eletao nou rei-a buyu rako avei Teithe süna sü kho-a bulai.

EBRIAMAI 13:8

Jisu Khrista hai doa, zhoua ea teisa nou kheihao baie.

EBRIAMAI 7:3

Puhsü pfü-puo moa paipao; puhye nayu moa thaiyu vei vanou rüthoukhai touyu ali-a hae, ana Ramainah Poutu kua thaokhaimoa teisanou napao soua bue.

2 PITAR 1:1

Jisu Khrista vei kilai ea Sei-atana Simon Pitar hinou — Eletao Ramai ea khailu-apeio Jisu Khrista vei achechena vanou Eletao vei muh teishoyu lü sübüa peikhai touyu puletao hi seiwe:

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

1 JOHAN 5:7

Zhopaoh mai asü bue;

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:17

Enou puhye ngaolouyu kisü, Esü thaimai libüa puhphi hinou kou kaotare, ana puhnou puh bah zhoulonou Ava hi pokhailoua haibüa paoe, “Pikhaiso! Esü araikhana ea nakhana süe.

PONGAOPEIYU 1:2

alia Johan nou puhnou ngaoyu teiteisü paongao peie. Puhnou zhopaoh souyu sünawo louzü Ramai vei chipao ea Jisu Khrista nou pongaoyu cheche zhopaoh süna vanoue.

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 19:13

Puhsü zhe hinou pothou sücha khaitouyu zaoduna ali nouwe, alia puh zhihsü “Ramai Chipao” touwe.

PONGAOPEIYU 2:8

“Smurna hi buyu lüloumaimevei rakivamai nahi rükhaio: “Chi haitaosü araikha ea nakhana soua buyu, thailoua hripulou khaiyu puh chipaoe.

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 22:13

Ewo Alpha ea Omega, Araikhana ea Nakhana, alia Shuraiwo ea Akhaiwo nasüe.”

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.