JOEL 3:9 - SHEEYU BAIBEL (BSI)

⁹ “Haihai tyahrütao hi paopei khaio: ‘Reih soure donou soudalouo, soureih souveiyu maiye süpeira-o. Reih mai hrülaiye sü kujülou khaio, pa puletao ye sü tashulouo.

JOEL 3:9 Iomraidhean Croise

LOUTAO 96:10

Tyahrü hrülai hisü haibüa paopeio, “Mapao hai veo süe! Deiphao hai veisho-a soukhai peiwure, hainasü soulülou hore; puhnou deiphao maiye kaozü hinou chiku peilai.”

ISAIAH 34:1

Oh tyahrütaore, tave jüloua keilo! Deiphao teitei ae sühinou hrüa buyu mai hrülai panou tave keikhaio.

JEREMIAH 31:10

Mapao nou paoe, “Tyahrü taore, apai keilo, ae dousho-a buyu zaipetao hi avei chipao sü shapao peio. Enou avei maitaoye hupho raroulaiwure, ana Enou puletaoye sa-a dakhaive peilai, ae zhaokhowo nou zhaotu khesü khopeiyu büa Enou puletaoye khopeilai.

JEREMIAH 50:2

“Tyahrütao hi ko hai nasü shapao peio! Shee nasü peio ae ko nasü paosü peio! Hai nasü kheikhei soua poku khaiso! Babilon sü kaodu tare! Honapai vei Marduk rah sü pepo tare! Honapai vei bashara khesü hraongu ngaore, honapai vei ngaorayu zhurai khesü deiphe sasawure!

JEREMIAH 51:11

Mapao nou Media maivei vemaitao tsüle sü souhropeiwure, daiolouzü puhnou Babilon sü souhare donou tsüchodawure. Puhnou puhvei Rathoki soushiyu vanou haibüa khüngu sü phoulai. Soureih soutayu hi peikhowo nou haibüa kharochi peie, “Neletao vei vouloushu pei sü hritsülo! Rü pfülo!

JEREMIAH 51:27

“Soureih soure vei shee soungao peio! Tyahrütao ye panou choure donou shabe nghoupeio! Babilon hi soureih huloure donou tyahrütao ye panou soudalo! Puletao pei hi soureih soure donou Ararat, Minni ae Ashkenaz vedeitao hi paopeio. Rhei khesü khazü me dushoyu ali büa pove jülo.

JEREMIAH 6:4

Puletao nou haibüa paolai, “Jerusalem hisü reih huloure donou tudalo! Tashulo, Etao hea nou reih souloulai.” Ana süthaisü puletao nou paolai, “Etao nalere, teinghi louzhulaire.

EZEKIEL 38:17

Raichoki nou phaku-a buyu nasü neye Enou avei kilai Israel maivei rachipaola peiyu maitao hinou paosüpa peiwure, süolouzü teithe süna veyu phaki, Enou mai aliye panou Israel mai hisü reih huvelai.” Haisü Ramai Mapao nou paowe.

EZEKIEL 38:7

Puhye soudalo tea paopeio, alia puhnou khosalai-a buyu puhvei reihmai metao-a panou tudalo tea kharochi peio.

MIKAH 3:5

Avei maitao ye sü rachipaolayu maitao nou süthai mah peiwure, puletaoye pei-zhiyu mai hisü kaonayu hai paopeiwe, ana sübüa soupei moyu mai hisü soureih velaire tea paopi peiwe. Sübüyu rachipaola maitao hisü Mapao nou haibüa paowe,

HAGGAI 2:7

Alia Enou tyahrü hrülaiye sü deilü peilai, sükua panou tyahrü hrülai vei thoudzü sü ki haina hi pove phouloulai, teanou Khoukhoulai Mapao nou paoe.

ZEKHARIAH 14:2

Daiolouzü Mapao nou tyahrü hrülaiye sü save jüloua panou Jerusalem ye reih soulai, alia nuhdu nasü puletao ye panou poloua bailai, ae ki hi na buyu veishi sü shaoloulai, alia naotumai ye sü sazü-sabu peilai. Nuhdu hi hrüa buyu mai dali hai nüpoa talai, ana shokhai toua buyu maitao louzü nuhdu hinou sa-a talai moe.

ZEKHARIAH 14:3

Süthaisü Mapao nou tyahrütao hisü raichoki puhnou reih souyu büa reih soutalai.