JOEL 3:8 - SHEEYU BAIBEL (BSI)

⁸ Enou ne nahpoutu ae naotutaoye sü Judah mai bah hi zhothou peilai, alia puletao nou ne nahpoutu ae naotutaoye sü dousho-a buyu Sabean tyahrü mai hi zho dakhai thoupeilai; daisounou touyuo haisü Mapao nou paoe.

JOEL 3:8 Iomraidhean Croise

JOB VEI LARÜBVÜ 1:15

lichokhai moa buhinou Sabea mainou hulou ne kilai maitaoye southawu-a rheisüh taosü hupoa takhai toure. E likhei reihpaoh soure donou thaimoa tupalou-a ko hai ne hi ve paowe.”

LOUTAO 72:10

Spain hi veo ae zaipeidei hinou hrüyu maitao nou puh hi sapeina khesü pove peilai; Arabia ae Ethiopea hi vemaitao nou puh hi sheela khesü pove peilai.

ISAIAH 60:14

Neletaoye souveayu nahmai ae tyaomaitao nou tave neletaoye tsükhoua khurülai, ae neletaoye ngaorayu mai veishi nou tave neletao phi deiloua neletaoye tholai, alia puletao nou neletaoye ‘Mapao vei nuhdu,’ ae ‘Isreal maivei Sheeyu Ramai vei Zion Nuhdu’ tea kulai.

JEREMIAH 30:16

Ana chuo, neletaoye soushiyu mai hrülaiye sü soushi peiwulai, ae neletaoye ngaobayu mai hrülaiye sü hukhamai soua nüpoa tawulai. Neletaoye souveayu mai hrülaiye sü souvea peilai, ae neletaoye soushi peiyu mai hrülaiye sü soushi peilai.

JEREMIAH 6:20

Sheba hinou poveyu poukaivei ae kadou kounou vusanatao ahi pove peiyu sü poa dai soulai? Puletao nou meidei-a posheelayu moa ratho-a Eye posheela peiyu khesü Enou popeilai moe.

EZEKIEL 23:42

Chaochaosoua laiyu maime ali vei paikho sü chou-e ae poutumai me ali hai radeiki hilova nou puhai hisü velou bue. Puletao nou baosa sü puhai bah hi thoupeie ae hüvei shoyu vepeirü sü puhai pei hi rüpeie.

EZEKIEL 38:13

Sheba ae Dedan hi maitao nou alia Spain vei nuhdutao hinou huha soua buyu maitao nou ne hisü haibüa nou chi noulai, ‘Nenou soureih maitao save jüloua soureih souyu hai maivei shaore donou baimoge? Nenou reihmai taoli saveyu hai shaolouyu nevei shahu, sana, kikhaorü ae na khesü potare donouvu?’ ”

PAODAKHAIYU CHIKHA 32:30

Daidosoua mai ali nou mai theliye sü dulou laige, alia mai ahai nou mai thekirou sü hulai khailou laige? Süsü puletao Ramai Mapao nou puletaoye sü zholaiyu donoue, ae puletao Mapao nou puletaoye thaotayu donou baie.

CHIKUAPEI MAITAO 2:14

Südonou Israel mai hisü Mapao nou rarou loua maivei saotou saosoyu maiye panou puletao vei kini khesü saoloure. Ae puhnou puletao pehao hinou hrüyu ngaobamai bah hisü zhothou peire, südonou puletao hai puletaoye ngaobamai nghoujü hinou lalou hore.

CHIKUAPEI MAITAO 4:2

Südonou Mapao nou puletaoye sü Hazor hinou hrüa buyu Kanaan mai veo Jabin bah hi zhothou peiwure. Puhvei reihmai peikhowo zhih sü Sisera touwe. Puhnou Harosheth-ha-goiim hinou hrüe.

CHIKUAPEI MAITAO 4:9

Honapai nou paoe, “E neye sa-a tapei-a bailai; ana taho reih soua veilouma süsü nevei kathe soulai moe, daiolouzü Mapao nou Sisera ye sü naotumai bah hi thoupei-a bailai.” Süthaisü Deborah nou kushuloua Barak ye sa-a Kadesh hi hore donou tare.