JOEL 3:17 - SHEEYU BAIBEL (BSI)

¹⁷ “Süthaisü neletao nou süloulai, E hai neletao vei Ramai Mapao-e, sheeyu Zion deichi hinou bue touyu. Alia Jerusalem hai sheeyu bue, ae vakou mainou buh sühi loupu khailoulai moe.

JOEL 3:17 Iomraidhean Croise

JOB VEI LARÜBVÜ 15:19

Puletao nou hrüyu teidei hisü shetumai ali-a hae. Ramai vei chikha thaifüa hrüyu jünou mai taralinoua puletaoye süthai mah peire mai lia hae.

LOUTAO 76:2

Puhvei ki hai Jerusalem hinou bue; puhnou Zion Deichi hinou hrüe.

LOUTAO 9:11

Zion hinou buyu Mapao ye lou sousho khaio! Puhnou souyu vahtao sü tyahrü hülai hi paongao peio!

TAPALOUYU 16:12

“Israel mainou vamoa raoyu paisü Enou choure. Südonou puletaoye panou koukhe hai sou toulai, ae shona sü puletao nou toulousü koute panou raokhao sü toulai tea paopeio. Süthaisü puletao nou E hai Mapao, puletao Ramai nasüe touyu süloulai.”

ISAIAH 11:9

Ramai vei sheeyu Zion Deichi hisü, hatara linoua ve soushi louhoe moyuma ha ashi touyu khesü bupulai moe. Sühisü Mapao ye süyu tsü nou zai hi dzü phoutao buyu büa bubailai.

ISAIAH 12:6

Zion hinou hrüa buyu mai hrülai pai chi-a lou sü soukhaio, daiolouzü Israel maivei sheeyu Ramai hai due-e, ae puh sü puhvei maitao hinou koa bue.”

ISAIAH 35:8

Sühisü dushoyu ludu ali talai, alia ludu sünasü “Sheeyu ludu” tea kulai. Mah souyu mai nou ludu süna talai moe, ae voyu mai-a hai hisü mota laimoe.

ISAIAH 4:3

Jerusalem nuhdu hinou shokhai tou-a buyu maitao, Ramai nou thaimo-a panou dopapei khaitouyu mai hrülaiye sü sheeyu maitao tea kulai.

ISAIAH 46:13

Khailupa loure nasü Enou poa laire, hai nasü kadou more, ae Enou khailu peire nasü shomore. Enou Zion ye sü khailupa peilai, ae Israel maiye sü panou aveih aduso nasü soulai.”

ISAIAH 52:1

Oh Zion, kaishulo, ae khouchilo! Oh Sheeyu Ramai vei nuhdu, nevei sabanü aveih nasü tulo. Daiolouzü sheemoyu ae vakou mainou nevei robomü hisü taloupu khailai more.

ISAIAH 56:7

“Enou neletaoye sü sheeyu avei Zion deichi hi save peilai, veachi paoyu avei ki hisünou neletao vasa-a hrülai, alia neletao nou Eye posheelayu khesü Enou popeilai. Avei Rathoki nasü tyahrü veishi nou veachi paoyu ki tea kulai.”

JEREMIAH 31:23

Israel maivei Ramai Mapao nou paoe, “Enou puletaoye zhoukao aveih peiyu phaki, puletao nou Judah vei teidei ae nuhdutao hinou haibüa paolai, ‘Sheeyu Jerusalem deichi, puhnou buyu sheeyu buh nasü Mapao panou ha peio!’

JEREMIAH 31:40

Thaiphao laikhai ba-a daovuyu deikho veishi, ae süpei hi buyu doutao hinou Kidron reitou hi koute, teinghi palova buyu Rhei Robomü koute hai Eye donou shee-a bailai. Nuhdu hai nasü soushi souhapu khaitoulai more.”

EZEKIEL 20:40

Sheeyu avei deichi, kuyu Israel maivei deichi hinou Israel mai hrülai nou Eye tholai. Teidei sühinou neletao nou Eye sheeyu sapeina ae veikayu posheela khesü Eye pove peilai alia Enou neletaoye jüpa-a popeilai.

EZEKIEL 37:6

Enou neletaoye ngharai ae souke sü thoupeilai, ae neletaoye sü souhee nou zhopeilai. Enou neletaoye sü ssü houthou peilai ae souhri dakhai peilai. Süthaisü neletao nou E hai Mapao-e touyu sü süloulai.”

EZEKIEL 43:12

Haisü Rathoki vei chikha-e: Deichi peitao alia süpehao teitei hai shesha toue.”

EZEKIEL 44:9

“Ramai Mapao Enou heebimoyu vakou maitao, achi zümoyu maitao, ae avei Israel maiye koa hrüzho-a buyu vakou maitao koute-a panou avei Rathoki hisü loulai moe tea kharochi peikhai toue.”

EZEKIEL 48:35

Nuhdu vei kivo khohao khaitouyu veishi hai sa shoyu mitar thekü bue. Nuhdu sünavei zhih hai chu thainou “Mapao Sü HAIHI BUE!” tea kutalai.

DANIEL 11:45

Puhnou dushoyu puhvei sahpao sü zaidu ae sheeyu deichi kohinou soukhai loulai, ana mai ali koutea puhye soukha peire mai ha-a puhsü thaita bailai.”

DANIEL 9:16

Oh Mapaowo, raichoki nenou Etaoye vupeiyu büa, nevei lekha rarou nasü nevei sheeyu deichi, nevei Jerusalem nuhdu hinou zhuvea nou polai peia baio; daiolouzü Etao vei mah ae Etao paipao maitao nou soukhai touyu mahtao donou Jerusalem alia nevei mai hrülaiye sü Eletao pehao hinou hrüa buyu tyahrütao vei zünü soua bure.

JOEL 2:27

Neletao nou süloulai süolouzü E hai Israel mai hrohinou bue tiyu, alia E hai neletao Ramai Mapao-e, E moa nou rah kusü ali-a hae tiyu hai neletao nou süloulai. Süthai amaitaoye hrao peipu khailai more.

JOEL 3:21

Puletao nou zhe soukouhyu khü sü Enou phoulai, alia puletao mah sü Enou khaipei laimoe, daiolouzü Mapao E hai Zion hi bue.”

MIKAH 4:7

Puletao hai shovaire ae ki hinou kadou sho-a tare, ana ki thaowua vakou tayu maitaoye Enou hrü ashu panou hrütalai, ae duso shoyu tyahrü ali soupeilai. Süzhou sü Mapao nou puletaoye teisa donou Zion Deichi hinou khasa-a hrülai.”

NAHUM 1:15

Zhukhaio, deichi pei vanou ko aveih pove peiyu nasü laire, kaonayu ko shapao peiyu na phihea sü daizhou koute veisa! Nevei khonüh sü reilou khaio, Oh Judah, nenou chaachou soukhai touyu nasü souve telouo, daiolouzü maishi mainou neletaoye sü reih soupu laimode; puletaoye sü souhakhai touwure.

ZEKHARIAH 8:3

Enou Zion hi dakhai velai, alia Jerusalem nuhdu touchü hinou ve hrülai, alia Jerusalem hai louche louveiyu nuhdu teanou kulai, alia Khoukhoulai Mapao vei deichi nasü sheeyu deichi tea panou kulai.

PONGAOPEIYU 21:27

Ana sheemoyu hatali moa ahraoyu vah souyu ea madayu chi paoyu maitalia nuhdu sühisü velou laimoe, ana Zhaotuvei hriyu larübvühi zhih rüthou khaitouyu puletao likheinou nuhdu sühisü velou bailai.