JOEL 3:16 - SHEEYU BAIBEL (BSI)

¹⁶ Mapao nou Zion hinou sha-e, alia Jerusalem hinou puhnou paoe, ae raki alia deiphao sü pingure. Ana Mapao hai puhmaitaoye donou bailoure bue, alia Israel maivei reih khoyu füe.

JOEL 3:16 Iomraidhean Croise

LOUTAO 18:2

Mapao hai avei chuhdu ae reihkhaobu nasüe. Avei Ramai nou Eye kho peiwe, ae puh hinou Esü bailouwe. Puh hai avei rü-e ae Eye vupeia panou kaozhou veia bubaiwe.

LOUTAO 29:11

Mapao nou puhvei maitao hi pfüchi sü peie, ae kaonayu sünou puletaoye ha peie.

LOUTAO 61:3

daiolouzü Eye kho-apeio nasü ne baie, ae ngaoba maitao bah hinou vupa peire nasü ne baie.

TSÜCHITAO 18:10

Mapao vei zhih hai khoushoyu reihbu alie, acheche mainou sühi tuvelou-a zhouvei ngaolouwe.

ISAIAH 33:16

Sübüyu maitao sü kaozhou veia hrülai, alia puletao vei baibu sü chuhdu sünou veihshoa soupeilai; ae puletao vei touso sü ngaotou ngaoso vuzüloulai.

ISAIAH 33:21

Ana sühisü Mapao nou puhvei khouko ava sü Etaoye ngaopeilai. Etao nou reitou ae rei adu vei pehao hinou hrüa bulai, ana Etaoye ngaobayu maivei dzüluki khesü velou laimoe.

ISAIAH 42:13

Mapao nou khouko bushoyu mai ali büa tapa-e, soureih souveih shoyu mai ali büa puhnou lekha soua tapa-e, puhnou soureih soure donou tudaloua shusoua reihvo soue, ae puhye ngaobayu mai hi puhvei khouko sü soungao peie.

ISAIAH 51:16

Avei chipao khesü Enou neletao mü hi thoupeie, ae abah nou neletaoye sü pokupeie, raki ae deiphao sü Enou soupeie, alia Enou Zion ye ‘Neletao hai avei maitao-e’ tea paopeie.”

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

JEREMIAH 17:17

Eye donou pihiyu sü soupeiso, teile ashi veyu phaki, ne hai Enou baichao loure buh-e.

EZEKIEL 38:19

Enou avei lekha rarou hinou shapao pawe süolouzü süzhou teithe hi Israel maivei teidei hisü shisho-a nou nüsülai.

HOSEA 11:10

“Enou kipeikhaodu büa puletao ngaobamai hi rapayu phaki, Amaitao nou Eye thaifü ta-a bailai. Puletao nou ngaopi shoa teinghi loulo nou Ahi velai;

AMOS 1:2

Amos nou paoe, “Zion hinou Mapao nou ra-e, alia Jerusalem hinou teisüpayu büa puhnou paiwe; Zhaotutao vei hiphao sü kitare, alia Karmel deichitao hinou buyu pouhou sü kitare.”

AMOS 3:8

Souveo nou ra louzü, thao nou pimoa bulaige? Mapao Ramai nou paolouzü, thao nou puh chi pao moa buloulai?

NAHUM 1:7

Mapao hai veishoe, kaozhoushi veyu phakia khoushoa bailoure bue; Puh hinou bailou maisü puh nou khupeie.

HAGGAI 2:6

“Daiolouzü Khoukhoulai Mapao nou paoe, ‘Phazüti thaisü Enou raki, deiphao, zai alia dei theyu teitei sü ngulülai.

HAGGAI 2:7

Alia Enou tyahrü hrülaiye sü deilü peilai, sükua panou tyahrü hrülai vei thoudzü sü ki haina hi pove phouloulai, teanou Khoukhoulai Mapao nou paoe.

ZEKHARIAH 10:12

Enou Amaitao ye sü soukhou peilai, alia puletao hai Achi züa Eye thoa bailai.” Haibüa Mapao nou paoe.

ZEKHARIAH 10:6

“Enou Judah maiye sü soukhoupu peilai; alia Israel maiye sü vupa peilai. Enou puletao ye sü ki hi sa-a dakhai ve peilai, daiolouzü Enou puletaoye zhuvea-e. Puletao hai Enou malai moyu bütou tea hrülai; daiolouzü E hai puletao vei Ramai Mapao nae, alia puletao vei veachi sü Enou keipeilai.

ZEKHARIAH 9:12

Dakhai velo, chuo areih buyu hukha maitao, neletao vei baibu aveih hisü veloulo; zhou teithe Enou neletao vei veayu paoh nasü khapeilai, süolouzü neletao nou veayu na jünou deida sü Enou neletaoye shiha peilai.

EBRIAMAI 12:26

Sükisü puh painou deiphaosü soungue, ana chuwo puhnou haibüa, “Enou chu-a deiphao thebaimoa raki-a soungulai,” tea apao peire.

PONGAOPEIYU 11:13

Süphabü hinou sühisü nü süshisho loure; alia nuhdu süsü zha kiruo hinou alisü souhare ea nü süyu süna vanou mai thenaiye southeare; alia maikukhe taosü ngaopisho loua rakibu Ramai vei adushosü paosho loure.

PONGAOPEIYU 11:19

Sükisü Ramai vei Rathokisü houpare, alia sühinou puhvei Vo Bvü nasü zhingaoe. Alia sühisü tei peivavayu, pai bvüroyu, tei süyu pai, nü süyu ea rei thou kousho eloure.

PONGAOPEIYU 16:18

Alia sühisü teipei vavayu, pairaotao, tei süyu pai, alia nü süshisho loure. Emaiye soushu rainou haibüa nüsüyu hai pakhai mohie; hainanou kukhe teitei jünou shikae!

1 SAMUEL 15:29

Israel maivei khupayu Ramai hai da moe, moa puh le hai dakou dakhe moe, daiolouzü puh hai mai moe, südonou puhvei le hai dacha moe.”