JOEL 3:1 - SHEEYU BAIBEL (BSI)

¹ Mapao nou paoe, “Zhukhaio, süzhou teithe Enou Judah alia Jerusalem ye vasayu sü peida khailai.

JOEL 3:1 Iomraidhean Croise

LOUTAO 14:7

Israel maiye khailupa peiyu nasü Zion hinou velai! Mapao nou Israel maitaoye savayu nasü peidakhaiyu phaki puletao hai daizhou koute asa laisa!

LOUTAO 85:1

Mapao, nenou nevei teideiye sü zhuvea peie; nenou Israel maiye sousava pupeie.

TSÜCHITAO 1:23

Enou tudee peiyu chi keitoulo; Enou avei tsütao sü ne hi lapa peilai; Enou avei chipaotao sü neye pa süloulai.

ISAIAH 44:3

“Daiolouzü rei-a buyu deiphao hisü Enou dzü lazü peilai, ae dei theyu phao hisü pa reidzü kü peilai. Enou neletao vei nahmaitao hisü avei rako seikou peilai, ae neletao vei tyaosholea hisü Enou shiha peilai.

JEREMIAH 16:15

Süna thaosü, Enou soupho rarou khaitouyu hinou, puletao nou Israel maiye reikou teideitao hinou ae tyadei kukhetao hinou puletaoye save peiyupu, hriyu Ramai Mapao zhih hinou chaachou soulai. Daiolouzü Enou puletaoye puletao vei puopao maitao hi peikhai touyu puletao vei teidei hisü save peilai. Haisü Mapao Enou paowe.”

JEREMIAH 29:14

Ovai, neletao nou Eye ngaoloulai tea Enou paowe, ae Enou neletaoye neletao vei teidei sü dakhai peilai. Enou neletaoye teidei kukhe hi soupho rarou khaitouyu buhtao hinou save jüloulai, ae Enou neletaoye hukhamai soua panou nüpoa tayu teidei hinou sa-a dakhaive peilai. Haisü Mapao Enou paowe.’

JEREMIAH 30:18

Mapao nou paoe, “Enou avei maitaoye sü puletao vei teidei hi sa-a dakhaive peilai ae kihikhamai alili nou zhuvea peilai; Jerusalem nuhdu sü soushu dakhai peilai, ae vebuh sü panou raichoki büa bulai.

JEREMIAH 30:3

daiolouzü Enou Israel ae Judah, avei maitaoye panou savare teile pove peire sü velaire. Enou puletao vei puopaoh hi peikhai touyu teidei hisü Enou puletaoye sa-a dakhaive peilai, ae puletao nou haisü teisa vei soure donou kathao loulai. Haisü Mapao Enou paowe.”

EZEKIEL 16:53

Mapao nou Jerusalem hi haibüa paoe, “Enou Sodom ae puhvei nuhtao alia Samaria ae puhvei nuhtao hai sousavapu peilai. Enou ne-a sousavapu peilai.

EZEKIEL 39:25

Ramai Mapao nou paoe, “Ana chuo Enou Jakob vei tyaosholea maitao, Israel maitaoye sü zhuvea leshi peilai, ae puletaoye sü sousavapu peilai. Enou avei sheeyu zhih nasü vupeilai.

DANIEL 12:1

“Süphaki ne vei maitaoye kho-apeio dushoyu rakivamai, Maikhel sü tashulai. Süteile phaki neletao teidei hi raichoki vepakhai toumoyu veahoyu khesü velai, ana süphaki Ramai vei larübvü hi zhih rüthou khaitouyu mai hrülaiye sü khailu peilai.

JOEL 2:29

Süzhou teithe Enou neletao vei kilai soua buyu nahpoutu ae nahnaotutao maitao hia arako lakou peilai.

AMOS 9:14

Enou avei Israel maiye sü puletao vei teidei hi sa-a dakhai ve peilai, alia puletao nou shitayu nuh khesü soushupu loua sühinou hrüwulai; puletao nou rashibe sholoua süna vei rashithou haitoulai.

MAIPEI PHOUYU 11:29

Moses nou chila peie, “Ne Eye donou puhaiye ngaoraivu? Mapao nou puhvei rako hai puhvei mai hrülai hi thoupeiwua puletao hai rachipaola peiyu mai büa buyu sü Enou jüpa-e!”

MAIPEI PHOUYU 12:6

ae Mapao nou haibüa paoe, “Chuo Enou paore achi sü keilo! Neletao hi buyu rachipaola peiyu maitao hisü Enou zho kounou ngao-a baiwe ae puletao hisü zhiho mekou hinou Enou kea-a baiwe.

PAODAKHAIYU CHIKHA 30:3

neletao Ramai Mapao nou neletaoye kaozhou aveih sü peidakhailai alia neletaoye zhuvea leshi peilai. Puhnou neletaoye porarou khaitouyu tyahrü khemai veishi hrohinou podakhaive jüpeilai.