JOEL 2:32 - SHEEYU BAIBEL (BSI)

³² Süthai Mapao zhih kuyu mai hrülai nou khailu louyu ngaoloulai; daiolouzü Mapao nou paoyu thaifüa, vupalouyu maisü Zion deichi peiva ae Jerusalem hinou bulai, alia hria buyu mai hai Mapao nou kulouyu maitao-e.”

JOEL 2:32 Iomraidhean Croise

SHURAI 4:26

Seth hia nahpoutu ali ngaoloue ae puh zhih hai Enosh tea saloue. Süteile hinou maikhe mainou Ramai zhih kua ratho shure.

LOUTAO 50:15

Neletao hi veahoyu veyu phaki Eye kulo; Enou neletaoye khailupa peilai, ae neletao nou Eye paosholai.”

ISAIAH 10:22

Daiolouzü Israel mai hai chuo louzü zai hi vünai zhoua buyuma, mai daotu dakhai ve-a bailai. Puletaoye souhare donou soudachewure.

ISAIAH 11:11

Mapao nou süzhou teithe sü vakou tuho hrütayu puhvei maitaoye sü Assaria, Ejipt, Pathro, Ethopia (Sudan), Elam, Shinar (Babilon), Hamath ae zaipe hinou hrüa buyu maitaoye sü sa-a ki hi dakhai vepu peilai.

ISAIAH 11:16

Daoh raiki Israel maitao puopao nou Ejipt thaokhaiwua tayu büa Assaria hinou poa veishoyu ludu sü soupeia hrüa buyu Israel maitaoye sü panou talai.

ISAIAH 4:2

Süzhou teithe Mapao nou teidei sühi poube ae süübe khesü soudusho peilai, alia teidei sühinou pa-a buyu shinamara khesü panou shokhai toua buyu Israel maitao vei kathe ae khaophu panou soulai.

ISAIAH 46:13

Khailupa loure nasü Enou poa laire, hai nasü kadou more, ae Enou khailu peire nasü shomore. Enou Zion ye sü khailupa peilai, ae Israel maiye sü panou aveih aduso nasü soulai.”

JEREMIAH 31:7

Mapao nou haibüa paoe, “Israel maiye donou asa-a lou soulo, ae tyahrütao pei hinou dukayu naye donou shusoua shakhaio. Neletao nou paoshoyu lou sü soukhaio, ‘Mapao nou puhvei maitaoye khailupa peire; puhnou shokhai toua buyu mai hrülaiye sü vupa peire.’

JEREMIAH 33:3

“Eye lakhaio, ae Enou neye chila peilai; nenou sükhai toumoyu khupayu ae veishoyu khesü Enou ne hi paongao peilai.

AMOS 9:8

Ramai Mapao Enou, anghithou sü mah soua buyu Israel maivei teidei nasü zhua bue. Deiphao hinou Enou teidei haina sü souhawulai. Ana Jakob kihikha maiwo louzü Enou teitei nou souhakhai toulai moe.

OBADIAH 1:17

“Ana tupa louyu maitao sü Zion Deichi hinou bulai, ae sühisü sheeyu buh soulai; alia Jakob kikhamai nou puletao buh sü poloulai.

OBADIAH 1:21

Ramai nou vupa peiyu maitao nou Esau deichi nasü tukhasa-a hrüre donou Zion deichi hi velai; alia vedei sü Mapao vei soulai.”

MIKAH 5:3

Südonou naotupai nou nah navere teile hi koumo koute sü Mapao nou puhvei maiye sü ngaobayu maitao bah hi thoupeiwulai. Süthai sünou vakou nou hrüa buyu Israel maitao hai lah puletao vei thaihou jürai sü phouloua tave zholoulai.

ZEKHARIAH 13:9

Hria buyu mai zha ali ye sü Enou mei hi thou shahu deisheeyu büa deisheelai. Alia sana zhuyu büa zhulai. Süthaisü puletao nou A zhih kua veachi paolai, alia puletao veachi sü Enou kei peilai. Enou paolai, ‘Puletao hai avei mai-e’ tea nou; alia puletao nou ‘Mapao hai Etao vei Ramai-e’ tea paolai.”

JOHAN 10:16

Alia zhaokhome haihi loumoyu Azhaotu kukhe-a bue. Enou puletaoye-a savelai, alia puletao nou Apaisü keilai, sükua puletao sü zhaokhowo alikhei hinou khome ali soubailai.

JOHAN 4:22

Nelenou sümoyu nasü nelenou thowe; Ehwo Ehnou süyu naye thowe, daiolouzü khailu peiyu hai Jihudimai hinou ve.

SEI-ATAMAI VAHTAO 15:17

Süolouzü kukhe maitya hrülainou ea Avei souloure donou Enou kulouyu tahrüh kukhe maitao hrülainou Mapaoye phouloure donou tea,

SEI-ATAMAI VAHTAO 2:39

Daiolouzü Mapaowo Eletao Ramai nou apaopei khaitouyu nasü puh hi kuve-a buyu mai hrülai hi süolouzü neletao, nele nahmaitao ea adoukounou buyu mai hrülai donoue.”

ROMMAI 11:26

Alia haikuyu zhai hinou Israelmai hrülai hai khailu loulai. Haisü sheeyu larübvü nou paoyu kuwe, “Khailu-apeio sü Zion hinou velai, alia Jakob tyaonahmaitao hinou ashi teitei sü potawulai.

ROMMAI 11:5

Süzhaibüa chu teile hia Ramai zhuvea hinou dopaloua shodai khaitouyu mai daotu bue.

ROMMAI 11:7

Sükuyu thaisü dailai? Israel maitao nou pulenou phouyu nasü ngaolou more. Haisü Ramai nou dopayutao likheinou ngaolou baire; ana kukhe maitaowo louzü le khoutare.

ROMMAI 9:24

Daiolouzü puhnou kulouyu Eletao hai Jihudimai hrohinou likhei baimoe ana tahrüh kukhemai hrohinou-a kuloue.

ROMMAI 9:27

Alia Isaiah nou Israel mai vanou haibüa shapae: “Israel maitao hai pouthou zaihi vünai zhoukhaia, puletao daotu likhei khailulou bailai;

1 KORINTHMAI 1:2

Korinth hi buyu Ramai vei lüloumaime hi, süolouzü Khrista Jisu ye koa ali soulouyu hinou puh hi buyu Ramai vei sheeyu maitao souloure donou kulouyu puletao hrülai ea puletaoye koa buh veishi hinou puletao ea Eletao vei Mapao soua buyu Jisu Khristaye thoa buyu mai hrülai hi rüwe:

EBRIAMAI 12:22

Ana neletaowo Zion Deichi ea hriyu Ramai vei nuhdu, rakivamai thethe buyu rakiva Jerusalem hi tave louloure.