JOEL 2:31 - SHEEYU BAIBEL (BSI)

³¹ Mapao vei khupayu ae ngaopi shoyu teithe vemojü hio, teinghi sü zhitalai, alia khouh hai zhe datalai,

JOEL 2:31 Iomraidhean Croise

JEREMIAH 4:28

Südonou teidei nou dopfüa kralai; ratei sü zhitei talai. Mapao nou haisü paopawure ae puhnou le dalai moe. Puhnou haibüa soulai tea lela loure ae ledapu khailai moe.

EZEKIEL 32:7

Enou neye souhayu phaki, Enou ratei sü howulai ae teivu khesü panou maita-a bailai. Enou teinghei sü panou teihao nou holoulai ae khouh nou puhvei ava sü peimoa bailai.

JOEL 2:1

Zion hinou shabe sü nghoukhaio; Sheeyu avei deichi hinou pai ra peikhaio! Deisühi hrüa buyu mai hrülaiye pa pingu theo, daiolouzü Mapao vei teithesü velaire, haihai nghitei tire,

JOEL 2:10

Puletao nghoujü nou deiphao sü ngure, ratei-a shire. Teinghei alia khouh sü zhitare, alia vu hai-a vamo tare.

JOEL 2:11

Mapao nou puh reih mai hisü paowe, Daizhou dusa puh reih mesü; puhvei kharochi zümai hai khouko pfüshoe. Cheche vuzünou, Mapao vei teithe hai dushoe ae pishoe; hai thaonou healousü-e?

JOEL 2:2

maiyu alia zhiyu teithe, teihao chaoyu alia zhiteiyu teithe! Mai-zhi nou deichi sühao louyu büa reihmai sü pouso-a alia khouko buso-a velaire; sübüyu hai raiki pakhai mohie, mokhai-a bonakha hi koutea papulai moe.

JOEL 3:1

Mapao nou paoe, “Zhukhaio, süzhou teithe Enou Judah alia Jerusalem ye vasayu sü peida khailai.

JOEL 3:15

Teinghi alia khouh sü zhitare, alia teivutao hai-a vamo tare.

ZEKHARIAH 14:6

Sübüyu teithe veyu phaki, kaoyu moa vürah hai bupu laimoe.

MALAKAI 4:1

Zhukhaio, deithou soushoyu meipfü büyu teithe sü laire, süki le khouyu mai ae vahshi souyu maiye sü rouvao kua puletaoye sü mei nou deikhaiwulai, beima koute-a shopei laimoe, tea hrülai pei hi Mapao nou paoe.

MALAKAI 4:5

Zhukhaio, pishoyu Mapao vei teithe vemo jünou Enou rachipaolawo Elijah ye sü rai-a seive peilai.

MATHIU 24:29

“Veahoyu teithe sütao thaibü hisü teinghi-a zhitalai, khou-a vakhai laimoe, alia teivuh tao-a ratei hinou dekoulai, alia rateihi buyu khouko teitei-a puletao vei buh hinou huta bailai.

MATHIU 27:45

Alia chuo heako teilecho kiahai hinou koukhe teilecho asü koute teidei teitei hisü maitei loure.

LUK NOU RÜYU KO AVEIBVÜ 21:25

“Alia sükisü teinghi, khou, alia teivutao hinou shee tyali ngaolai, alia deiphao hisü zaidu vei pai-rao ea zaidzü houngkheyu kho hinou ngaopi souloua teidei teitei hisü vea-holai.

SEI-ATAMAI VAHTAO 2:20

Mapao vei dushoyu ea varuyu teithe vemo jühinou teinghi sü zhitalai ea khouh sü zhe data bailai.

PONGAOPEIYU 8:12

Süthaisü rakivamai adai chenanou puh besü houng-e. Alia teinghi, khouh ea teivuh taoye zha asü hinou zha liye sü dapeire, alia sübüyu vanou sütao vei avasü zha asü hinou zha lisü maitare; alia heako zha asü hinou zhali ea kheikou-a sübüa zha asü hinou zha lisü vakhai more.