JOEL 2:3 - SHEEYU BAIBEL (BSI)

³ Puletao palo alia thailova tha ahai khei hisü meinou taoloure. Puletaoye donou teidei sü Eden kipei kuwe, ana puletao thaisü kiyu rekou ali soutare, alia halia sholou more.

JOEL 2:3 Iomraidhean Croise

SHURAI 13:10

Lot nou puh nghi heshu zhukhaie, Jordan deikho teitei hai Mapao vei kipei büa ae Ejipt teidei büa dzü veishoa buyu puhnou zhingaoloue. Haihai Mapao nou Sodom ae Gomarrah souha mojüe.

SHURAI 2:8

Alia Ramai Mapao nou teinghi palo Eden hi kipei ali soukhai peie; ae puhnou soukhai touyu mai nasü sühi pove khaipeie.

LOUTAO 50:3

Etao Ramai hai velaire, ana nasei-a velai moe; puh nghoujü hinou mei sü taotutu poa nou ae puhvei pehao veishi hisü teikhai teirü ashi sünou sühao poa velai.

LOUTAO 97:3

Mei nou puh nghoujü hinou tawe, ae puhye ngaobayu maitaoye sü deitha peie.

TAPALOUYU 10:15

Khazü khesü ve dei teitei phouchü touloure, sübüa dei sü teiva loure. Puletao nou teidei sühi buyu vupou ae süübe hi rashithou taoyu teitei; reithou nou deirai moa shokhai touyu veishi sü toukhai touloure. Ejipt teidei hi süübe, ae vupou daiyu teitei sü aliro shopei moa toukhai loure.

TAPALOUYU 10:5

alia sükhe panou dei buyu teitei hisü raoloulai, sübüa dei sü panou zhingao laimoe; ae reithou nou kou deirai shokhai touyu süünghou khesü panou toukhai touloulai, ae dei hi buyu süübe teitei sü toukhai loulai.

ISAIAH 14:17

Nuhdutao souhawua panou radeiki büa datayu ae hukha maiye phapei bayu sü mai haina movu?’

ISAIAH 15:6

Nimrin hi reitou nasü thetare, reipe hinou buyu poudai khesü thaitare, poudai khesü lapapu more, daiva-a buyu teitei sü hazhi toure.

ISAIAH 33:4

Soushi khaitouyu puletao vei na khesü khaongaoshuru nou vejüyu büa pojü khailoue, ae puletao hai khazü nou chotayu büa mainou potalai.

ISAIAH 51:3

“Enou Jerusalem sü zhuvea peilai, soushi khaitouyu füdei hi hrüa buyu maikhe maisü Enou sousava peilai. Enou hiphao khesü Eden kipei büa soupeilai, radeiki khesü Mapao vei kipei büa soupeilai. Savayu sü honapai vanou ngaolai, asa-a kalo pao-a Eye lou soushoa bulai.

ISAIAH 9:18

Maikhe maivei vah ashi sü mei deiyu phaki pounghou ae shube khesü deiyu büa dei-a bure, alia süsü himei taoyu büa meikhao sü tei hi khaopare.

ISAIAH 9:19

Khoukhoulai Mapao vei lekha rarou sünou teidei sü mei dei-a bure, mei deiyu phaki süü pothou deiyu büa maikhe maiye sü meidei khailai, mai ali koute-a shokhai peilai moe.

JEREMIAH 5:17

Neletao nou chachi pove khaitouyu thou ae touso khesü puletao nou touloua bailai; neletao vei nah naotu poutu khesü puletao nou southa bailai. Puletao nou neletao vei kikhaorü khesü touloua bailai, alia neletao vei darkhabe ae doushibe tao-a soushi souha bailai. Neletao nou louchesho-a soushu khaitouyu nuhdutao ae bokhatao-a puletao vei reihmai nou soushi bailai.

EZEKIEL 36:35

Mai hrülai nou haibüa paolai, süolouzü teidei hai nasü raichokio hihro vaohro büa bubaie, ana chuo Eden kipei bütou toure ae nuhdu khesü soushi souhawua thaotayu khesü chuo soushupu loure, mai ve hrüa nou buloure ae veisho-a kaopo hai-a pohao loure.

AMOS 7:4

Ramai Mapao nou ahi haibüa ngaoe: Ramai Mapao nou Puh vei maitaoye meinou seikou souveare donou souda-a bue. Mei sünanou zaidu nasü taokhei touwua deithe hi taopare.

HABAKKUK 1:6

Enou zhaipou shiyu alia sashi shoyu Babilon maiye panou khouko pfüloua puletao vei moyu teidei kukhe taoye shaoloulai.

ZEKHARIAH 7:14

Teikhei nou hüpoa tayu büa Enou puletaoye sü tyadei kukhe hi soupo rarou laiwure. Südonou veishoa buyu puletao vei teidei hisü mai takou-takhe more, alia teidei sühisü mai hrümoyu buh ali soutare.”