JOEL 2:28 - SHEEYU BAIBEL (BSI)

²⁸ “Süsho phajü thaisü, Enou mai hrülai hi arako lakouh peilai; ne nahpoutu ae ne nahnaotu taonou rachi paolai, tsümai taonou me mulai, alia nahle mainou zho ngaolai.

JOEL 2:28 Iomraidhean Croise

TSÜCHITAO 1:23

Enou tudee peiyu chi keitoulo; Enou avei tsütao sü ne hi lapa peilai; Enou avei chipaotao sü neye pa süloulai.

ISAIAH 32:15

Ana Ramai nou Etao hi puhvei rako sü seive peilai, süthaisü soushi khaitouyu teidei taosü shinamara veishoyu teidei soutalai, alia chamou veisho-a chachi loulai.

ISAIAH 40:5

Süthaisü Mapao vei khouko ava sü pongao peilai, ae deiphao mai hrülai nou süsü ngaokhai toulai. Haisü Mapao masha vuzünou paopawure.”

ISAIAH 44:3

“Daiolouzü rei-a buyu deiphao hisü Enou dzü lazü peilai, ae dei theyu phao hisü pa reidzü kü peilai. Enou neletao vei nahmaitao hisü avei rako seikou peilai, ae neletao vei tyaosholea hisü Enou shiha peilai.

ISAIAH 49:26

Enou neletaoye souvea souchoroyu maitaoye sü panou lah puletao vei sou sü toulai, ae zhaoh sozhiyu büa panou puletaoye sü lah puletao vei zhe kelai. Süthaisü deiphao mai hrülai nou E hai Mapao, neletaoye khailupa-apeio ae neletaoye panou lahdo soulouyu Ramai nasüe touyu süloulai.”

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 54:13

“Enou neletaoye sü doupeilai, alia neletao hisü vasayu ae kaonayu sü peilai.

JEREMIAH 23:25

Rachipaola maitao nou azhih hinou mada-a ‘E memue, E memue!’ tea paoyu Enou choue.

JEREMIAH 23:28

Me muyu rachipaola maisü panou mesü paokhaio, ana achipao paoyu maitao sü panou checheyu hinou achipao sü shapao khaio. Thouba sü thou hinou daie veiyu bue?

EZEKIEL 36:27

Enou avei rako sü neletao hi thoupeilai, ae neletaoye panou avei chikhatao hinou talai ae avei kharochi khesü neletaoye panou soutaosou züa nou hrüloulai.

EZEKIEL 37:14

Enou avei ssü sü puletao hi houthou peilai, ae puletaoye souhri dakhai peilai, ae puletaoye sü panou lah puletao vei teidei hisünou pa hrüa bulai. Süthaisü puletao nou E hai Mapao süe touyu hai süloulai. Enou haibüa soupeilai tea chaachou souwure, ae Enou haisü soulai. Mapao Enou hai nasü paowe.”

EZEKIEL 39:29

Enou Israel maitao hisü avei rako hai seive thoupeilai ae puletao nou ahinou tarei tavai tapukhai toulai moe. Ramai Mapao Enou haisü paowe.”

DANIEL 7:1

Babilon hi veo Belshazzar nou vekoulouyu po arai nahisü Daniel nou mekou nou zho ali ngaoe. Sütaosü puhnou rüthou khailoue, alia süzhou khei puhnou ngaoyu zho nasü haibüe:

ZEKHARIAH 12:10

“Enou David tyaonahtao hi alia Jerusalem hi hrüa buyu mai teitei hisü zhuveayu ae maiye leshiyu rako nasü thoupeilai, sübüa puletao ye panou puletao nou southa khaitouyu mai naye zhuloua lah puh nah ali khei buyu na thaiyu büa dopfülai, alia nah narai na thaiyu büa shusoua koulilia kralai.

MAIPEI PHOUYU 11:17

Enou buh sühinou neye takou kealai, ae Enou neye peikhai touyu rako daotu hai ne hinou popaloua puletao hisü peilai. Süthaisü mai sütao nou maikhe maiye zhure vah khesü neye soukha peilai ae ne likhei koupo nasü pfüpulai moe.

MAIPEI PHOUYU 12:6

ae Mapao nou haibüa paoe, “Chuo Enou paore achi sü keilo! Neletao hi buyu rachipaola peiyu maitao hisü Enou zho kounou ngao-a baiwe ae puletao hisü zhiho mekou hinou Enou kea-a baiwe.

LUK NOU RÜYU KO AVEIBVÜ 1:67

Puhpuo Zekharia sü Rako Mashinou phoupei loure ea haibüa rachi shapare:

LUK NOU RÜYU KO AVEIBVÜ 3:6

alia maitya hrülainou Ramai vei khailu peiyu sü ngaolai!’”

JOHAN 7:39

Hainahai Jisu nou puhye loucheyu maitao nou ngaolaiyu Rako vanou paoe; daiolouzü Rakohai süki peilou mohie, daiolouzü Jisu hai khouko-ava hi hrida shulou mohie.

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

SEI-ATAMAI VAHTAO 2:39

Daiolouzü Mapaowo Eletao Ramai nou apaopei khaitouyu nasü puh hi kuve-a buyu mai hrülai hi süolouzü neletao, nele nahmaitao ea adoukounou buyu mai hrülai donoue.”

SEI-ATAMAI VAHTAO 21:9

Puh nahmai rachi paola-a laiyu nghimoyu nah naotumai adai bue.

GALATIAMAI 3:28

Südonou chuo Jihudimai ea tahrüh kukhemai kolehi, kilaitao ea mado souyu maitao kolehi, naotu-poutu kolehi halia soukuyu hare, daiolouzü neletao hrülaisü Khrista Jisu hinou ali souloure.

EBRIAMAI 1:1

Raiki teilehi Ramai nou Eh pou-pao maitao hi rachipaola maitao vanou bo akuku hilonou vuh taoli chipao peie,

1 SAMUEL 19:20

Südonou puhnou David ye panou nüloure donou puhvei maiye seitare. Puletao nou rachipaolayu maime ali hai Samuel nou süthaisa-a shusoua nou lou soua ae chopoa nou buyu ngaoe. Süthaisü Ramai vei rako nou Saul vei maitao hi louloua puletao hai-a shusoua lou soua chotare.

1 SAMUEL 19:21

Saul nou ko hai khesü choulou khaie, puhnou maime kukhe aliye seita pu-e, ae puletao-a cho-a nou shusoua rachi paotare. Puhnou bakha asü chena soua maime ali seitapu-e, ae puletao-a raibütoua baire.

1 SAMUEL 28:6

südonou puhnou Mapao hinou dai souyua veilai tea noue. Ana Mapao nou puhye sü zhiho mekou hinoua, moa Ramai vei leli poa zhuyu Urim ae Thummim hinoua, moyuma rachipaola peiyu maitao hinoua chila sü peimore.