JOEL 2:27 - SHEEYU BAIBEL (BSI)

²⁷ Neletao nou süloulai süolouzü E hai Israel mai hrohinou bue tiyu, alia E hai neletao Ramai Mapao-e, E moa nou rah kusü ali-a hae tiyu hai neletao nou süloulai. Süthai amaitaoye hrao peipu khailai more.

JOEL 2:27 Iomraidhean Croise

LOUTAO 46:5

Ramai nou nuhdu sühisü bue, ae nuhdu sünasü shikhai toulai moe; Ramai nou soukha peikoute-a bubailai.

LOUTAO 68:18

Puhnou kushoyu buh hisü hukhamai taoli nüpoa patare; puhye khaitya-a duyu maitao hinou sapeina khesü puhnou poloure. Ramai Mapao nou sühisü teisa nou hrülai.

TSÜCHITAO 1:23

Enou tudee peiyu chi keitoulo; Enou avei tsütao sü ne hi lapa peilai; Enou avei chipaotao sü neye pa süloulai.

ISAIAH 12:6

Zion hinou hrüa buyu mai hrülai pai chi-a lou sü soukhaio, daiolouzü Israel maivei sheeyu Ramai hai due-e, ae puh sü puhvei maitao hinou koa bue.”

ISAIAH 44:3

“Daiolouzü rei-a buyu deiphao hisü Enou dzü lazü peilai, ae dei theyu phao hisü pa reidzü kü peilai. Enou neletao vei nahmaitao hisü avei rako seikou peilai, ae neletao vei tyaosholea hisü Enou shiha peilai.

ISAIAH 44:8

Ngaopiso, moa maiye piso, Enou vepare teitei sü raichoki nou neletao hisü paopei movu? Neletao hai avei shaki soure maitao-e! E baimoa rah kukhe-a bupu hivu? Rah kukhe bupu hie touyu halia E sümoe.”

ISAIAH 45:18

Mapao nou raki ae deiphao sü soupeie! Puhnou haisü southou haokao-a khaipei moe, ana maiye panou hrüloure donou soupei khaitoue. Puhnou haibüa paoe, “Esü Mapao-e, E baimoa ra kukhe ali-a ha-e.

ISAIAH 45:5

“Enou Mapao sü baie, E baimoa nou ramai kukhe ali-a hae. Nenou Eye sümoyuma Enou neye soukhou peie.

ISAIAH 45:6

Sübüa Enou souyu hai teinghi palonou teinghi loulova koute hrüa buyu maikhe maiye panou E baimoa Ramai kukhe aliro hae touyu süloure donou-e.

ISAIAH 46:9

Daoh raichoki daie vepare touyu khesü licho khaio; daiolouzü E hai Ramai nasüe, ra kukhe alia ha-e, ae Eye raiyu ramai kukhe ali-a ha-e.

ISAIAH 49:23

Veo maitao nou neletaoye kiko peiyu puo ali soulai, ae vemai pfütao nou neletaoye kipeiyu pfümai soulai. Puletao nou neletaoye nakou khurülai ae neletaoye khuhao-a tsükhou peilai. Süthaisü E hai Mapao nasüe touyu neletao nou süloulai; Avu rei-a Eye khoyu mai taralia hraongu ngaolai moe.”

ISAIAH 53:6

Etao mai hrülai motayu zhaotu büre, Etao mai veishi hai lahkuku nou tanüyu hisü tare. Ana Mapao nou Etao vei mahmo teitei sü puh pei hi pokakhai peiwure.

EZEKIEL 37:6

Enou neletaoye ngharai ae souke sü thoupeilai, ae neletaoye sü souhee nou zhopeilai. Enou neletaoye sü ssü houthou peilai ae souhri dakhai peilai. Süthaisü neletao nou E hai Mapao-e touyu sü süloulai.”

EZEKIEL 39:22

Süthaisü Israel maitao nou E hai puletao vei Ramai Mapao-e touyu hai süloulai.

EZEKIEL 39:28

Süthaisü avei maitao nou E hai puletao vei Ramai Mapao nasüe touyu hai süloulai. Puletao nou hai sü süloulai, daiolouzü Enou puletaoye sü hukhamai soua vakou hi seita baie, ana chuo puletaoye sü pove jüloua lah puletao vei teidei hi mailia shokhai peimoa sa-a dakhaive thoupeie.

EZEKIEL 39:29

Enou Israel maitao hisü avei rako hai seive thoupeilai ae puletao nou ahinou tarei tavai tapukhai toulai moe. Ramai Mapao Enou haisü paowe.”

JOEL 2:26

Neletao nou tounge touloulai alia khasho loulai, ae neletaoye donou khupa soupeiyu Ramai Mapao ye paosholo. Alia amaitaoye hrao peipu khailai more.

JOEL 3:17

“Süthaisü neletao nou süloulai, E hai neletao vei Ramai Mapao-e, sheeyu Zion deichi hinou bue touyu. Alia Jerusalem hai sheeyu bue, ae vakou mainou buh sühi loupu khailoulai moe.

JOEL 3:21

Puletao nou zhe soukouhyu khü sü Enou phoulai, alia puletao mah sü Enou khaipei laimoe, daiolouzü Mapao E hai Zion hi bue.”

ZEPHANIAH 3:11

Süzhou teithe neletaoye hrao peipu laimoe, daiolouzü neletao nou Eye khaitya-a vah souyu, khaophu souyu khesü Enou neletao hinou popawulai, alia neletao nou sheeyu deichi hinou khaophu sou-a tapu laimoe.

ZEPHANIAH 3:17

Mapao, neletao vei Ramai sü neletao hi bue, Reih Aveiwo nou neletaoye reih veilouyu peie, Puh-a neletaoye koa asa sholaire, Puhnou neletaoye leshiyu hinou sousheepu peilai; Puh-a neletao donou khonüki büa asasho-a lou soulai.

ZEKHARIAH 2:9

Südonou chuo, Enou puletaoye sü dutalai, alia puletao hai lah puletao vei kilai mai khenou hrü talai.” Süthai neletao nou Eye Khoukhoulai Mapao nou seive-e touyu hai süloulai.

MAIPEI PHOUYU 11:29

Moses nou chila peie, “Ne Eye donou puhaiye ngaoraivu? Mapao nou puhvei rako hai puhvei mai hrülai hi thoupeiwua puletao hai rachipaola peiyu mai büa buyu sü Enou jüpa-e!”

MAIPEI PHOUYU 23:21

Israel mai hi kaozhou ashi vere halia Enou ngaomoe, ae puletao nou veaho laiyu sü E zhingao moe. Puletao vei Ramai Mapao nou puletaoye kozho peia nou bue, ae puletao vei veo hai puh baie tea puletao nou shapaowe.

2 KORINTHMAI 6:16

Alia Ramai vei rathoyuki hai basharataoye koa ae-ao touyu dai bue? Daiolouzü Eletao hai hriyu Ramai vei rathokie! Haisü lah Ramai puhnou paoyu kue, “Aki hai Amaitaoye koa soulai ea puletao hronou hrülai; Esü puletao vei Ramai soulai; ea puletaosü Amai soulai.”

PAODAKHAIYU CHIKHA 23:14

Daiolouzü neletaoye vupeire donou alia neletao ngaobamai sü neletao bah hi thoupeire donou neletao vei Ramai Mapao hai neletao vei fühao hinou koa bue, südonou neletao vei fühao sü sousheesha tea bulo. Neletao hrohinou zhaidou loumoyu vah haso soupeia panou Mapao sü dakhai taso.

1 PITAR 2:6

Daiolouzü sheeyu larübvü nou paoe, “Zhukhaio, Enou Zion hisü dolouyu ea muhteiyu ki kainghou chuh ali shukhaitoue, alia puhye loucheyumai taliye sü panou ahraokhai laimoe.”

PONGAOPEIYU 21:3

Alia Enou vebuh hinou pai kushoyu alinou haibüa paoyu choue: “Zhukhaio, chuwo Ramai vei kisü emaiye koa bure! Puhnou puletaoye koa hrülai, alia puletaosü puhmaitao soulai. Ramai puh vuzünou puletaoye koa bupeilai ea puhsü puletao vei Ramai soulai.