JOEL 2:26 - SHEEYU BAIBEL (BSI)

²⁶ Neletao nou tounge touloulai alia khasho loulai, ae neletaoye donou khupa soupeiyu Ramai Mapao ye paosholo. Alia amaitaoye hrao peipu khailai more.

JOEL 2:26 Iomraidhean Croise

SHURAI 33:11

Enou neye donou poveyu sapeina haitao hai popeio, daiolouzü Ramai nou Eye leshi shopeia kini alao peie.” Jakob nou paokhai khaiyu vanou Esau nou ae tea peikhai touyu natao sü poloure.

NEHEMIAH 9:25

Nevei maitaoye panou kaopo veisho-a soukhai touyu nuhdu khesü poloue, veishoyu teidei, thoudzü phoutao-a buyu kitao, dzükhao heche khaitouyu, oliv süübe, rashibe, ae kipei khesü panou poloue. Puletao nou tounüyu veishi hai panou touloue ae puletaoye panou hrübo hai veishoa hrüe; nenou puletao hi haveih peikhai touyu teitei hinou puletao hai savasho-a nou bure.

LOUTAO 103:5

Puhnou avei hrümamai hi haveihli soupeie, südonou E hai nahle-a nou lüche büa khouchi sho-a nou bue.

LOUTAO 116:7

Oh arako, tsüle soutou toulo, daiolouzü Mapao nou ahi veisho peikhai toue.

LOUTAO 13:6

Oh Mapaowo, Enou neye lou sousholai, daiolouzü nenou ahi veihsho peiwure.

LOUTAO 22:26

Touhayu maiye sü panou tounü sü touloulai, Mapao ye phouyu maitao nou neye sü paosholai. Puletao panou teisa nou savayu sü soulou theo.

LOUTAO 37:19

Teile ashi veyu phakia puletao hai veaho laimoe, ae tokaa veyu phakia puletao hai toujü sojüyu sü soulai moe.

LOUTAO 67:5

Oh Ramai, maikhe maiye panou neye paosholo; mai hrülaiye panou neye paosholo!

LOUTAO 72:18

Israel maivei Ramai Mapao ye sü paosholo! Puh likhei haibüa khupayu vah haso khesü soua baie.

TSÜCHITAO 13:25

Acheche mai louzü toujü-sojü moe, ana mai ashimai liwo houzü-a bukoute bailai.

SOLOMON VEI LOU 5:1

Atupai, aleshipai, avei kipei hisü E vere, Enou avei kainüvei pou khesü pojülaire, Enou voudzü sü avei voudzüpho koa nou toulai, Enou rashidzü sü avei chonaodzü koa sho-e. Toukhaio, Oh aleshipu, alia ke khaio; lesha nasü nenou khamo koute ke khaio.

ISAIAH 25:1

Oh Mapao, ne hai avei Ramaie, Enou neye tsükhoulai alia ne zhih sü Enou paosho peilai. Daiolouzü nenou khupayu vah tyatyali soupeie, raichoki nou tsüchoda khaitouyu teitei sü nenou veikhai toumoa souvete peie.

ISAIAH 29:22

Südonou chuo Israel maivei Ramai, Abraham ye khailupa apeio Mapao nou paoe, “Avei maitaoye panou veahoyu sü ngaopu laimoe, alia puletaoye panou hraoyu daopu laimoe.

ISAIAH 45:17

Ana Israel mai louzü Mapao nou khailu peilai, ae teisa veilouyu sü ngaolai, alia puletao hai hraongu sü daokhai toulai moe.”

ISAIAH 49:23

Veo maitao nou neletaoye kiko peiyu puo ali soulai, ae vemai pfütao nou neletaoye kipeiyu pfümai soulai. Puletao nou neletaoye nakou khurülai ae neletaoye khuhao-a tsükhou peilai. Süthaisü E hai Mapao nasüe touyu neletao nou süloulai; Avu rei-a Eye khoyu mai taralia hraongu ngaolai moe.”

ISAIAH 54:4

Ngaopiso, daiolouzü neye sü hraongu peipu kheilai more, ae soutai sounou peipu khailai more. Daiolouzü nahle-a buki nenou hraongu ngaoyu khesü ngaiwulai, ae mimea maipfü ali büa veahoyu khesü lichopu khailai moe.

ISAIAH 55:2

Daisounou neletao hai toulou shiyu touso hinou pousha souhawe? Ae rukha moyu vah haso hinou neletao daisounou hazho dowe? Enou paoyu sü keilo, ae sübüa neletao nou vah soulouzü neletao hai sava-a nou touso veih kayu tyanou toua bulai.

LEVIMAI LARÜBVÜ 25:19

Teidei sünou thoudzü hai veisho-a nou papeilai, ae neletao nou jüpayu khesü ngaoche loulai alia vasa-a nou teidei hisü hrüloulai.

LEVIMAI LARÜBVÜ 26:26

Neletao nou ngaotou ngaoso-a buyu ludu khesü Enou soude laiwulai, sübüa naotumai kirou nou hakouyu thaobvü ali hinou hakhotoua bailai. Puletao nou süna hai zhitoulai, ana pouphou laimoe.

LEVIMAI LARÜBVÜ 26:5

Neletao nou chachi chelou moa bukinou darkhashi sü haitou talai, ae darkhashi haitou chelou moa bukinou taimou thoukhai touyu khesü phoutou talai. Neletao nou tounüyu veishi hai ngaoloulai, ae neletao vei teidei hinou kaozhou vei-a hrüloulai.

MIKAH 6:14

Neletao nou toulai, ana rukhalai moe — neletao hai houzüa bukoute-a bailai. Neletao nou nakhesü poa talai, ana sükhesü pojü khailoulai moe; neletao nou hana taralia pokhai touyu khesü Enou soureih souyu hinou pa soushi souhawu bailai.

ZEPHANIAH 3:11

Süzhou teithe neletaoye hrao peipu laimoe, daiolouzü neletao nou Eye khaitya-a vah souyu, khaophu souyu khesü Enou neletao hinou popawulai, alia neletao nou sheeyu deichi hinou khaophu sou-a tapu laimoe.

ZEKHARIAH 9:15

Khoukhoulai Mapao nou puhvei maitao ye sü vupa peilai, alia puletao nou ngaoba mai jünou veiloulai. Puletao nou reih buh hisü zhaoh soziyu mai büa shusou ralai, alia ngaoba mai vei zhe sü puletao nou soukou loulai, süsü rathoki hi posheelayu phaki pai hinou lakouyu büa zhe sü külai.

ZEKHARIAH 9:17

Süzhou teidei sünasü daizhou koute veilaisa! Sühi buyu nahle maitao nou sühinou payu touso touloua khouko ngaopu loulai.

ROMMAI 10:11

Sheeyu larübvü nou paoe, “Puhye loucheyu maitaliye sü panou ahrao ngaolaimoe.”

ROMMAI 5:5

Alia areih nanou Eletaoye panou le veamoe, daiolouzü Eletao hi sa-a peikhai touyu Rako Mashi vanou Ramai nou puh leshi hai Eletao lethou hi lathou peire.

ROMMAI 9:33

Haisü haibüa rüthouyu kue, “Zhukhaio, maikhe maiye panou phisü loure chuh, puletaoye soukaore chuhdu ali Enou Zion hi pokhai khaitoue. Ana puhye loucheyu mai taliye sü panou ahrao ngaolaimoe.”

PAODAKHAIYU CHIKHA 11:15

alia puhnou neletao kikhaorü panou toure donou poudai veih heiphao peilai, sübüa neletao nou tounü sü ngaoloulai.

PAODAKHAIYU CHIKHA 12:12

Alia ne, ne nahpoutu ae nahnaotu, qila maitao alia teidei ngaomoa buyu neletao nuhdu hinou Levi maitao koa neletao Ramai Mapao nghoujü hinou neletao savazho khaio.

PAODAKHAIYU CHIKHA 12:18

Sükure thaosü, neletao Ramai Mapao nou dopalouyu buh hinou neletao Ramai Mapao ye koa toulai. Ne nah naotu-poutu khe, ne kilai naotu poutu alia neletao nuhdu hinou hrüyu Levi maitao koa touzholai alia ne bah nou thaithou vah soukhai touyu veishi hi neletaosü neletao Ramai Mapao nghoujü hinou koa sava zholai.

PAODAKHAIYU CHIKHA 12:7

Sühinou neletao Ramai Mapao nou kozholaipei-a neletao alia neletao kikhamai hrülai nou tovai zholai alia neletao nou bah thaithou vah souyu veishi hi savalai, daisounou touyuo neletao Ramai Mapao nou neletaosü hapeire.

PAODAKHAIYU CHIKHA 8:10

Neletao nou touthou pouphoua reikha louyu phaki, neletaoye teidei aveih peiyu vanou neletao Ramai Mapao ye paosholo.

1 TIMOTHI 6:17

Deiphao hrü haina hinou hania buyu maitaohi khaophu souwuso tea chikha peikhaio, ana puletao vei areih nahai vuh sümoyu deiphao kini nahi panou khaimoa Eletao valoure donou Eletao hi hatali sasa-a pei-a buyu Ramai hi panou khailoukhaio.

1 JOHAN 2:28

Ovai, Anah khemaitao, puhnou veyuki Eletao sü khu veishoa buloure donou ea puhnou veyu Teitheki puh hinou ahrao-a tutsü talou more donou puhye koa ali soua bulo.