JOEL 2:23 - SHEEYU BAIBEL (BSI)

²³ “Asalo, Oh Zion hi buyu maitao, Ramai Mapao hinou vasalo, daiolouzü Puhnou ka-teisha teirü sü seive zhi peire, daoraiki büa puhnou ka-hou teirü sü neletao nou khalousü rükouh peire.

JOEL 2:23 Iomraidhean Croise

1 VEMAITO 8:36

raki vanou puletao paisü keipeio. Veo vei mah alia Israel maivei mah khesü khaipeio. Puletaoye panou acheche hi taloure sü doupeio. Süthaisü, Oh Mapaowo, nenou teisa panou puletao vei teidei soure donou peikhai touyu teidei hisü teirü koupeio.

JOB VEI LARÜBVÜ 33:23

Ramai vei rakivamai thethe hrohinou kamai-a puletaoye soukhare donou tave Etao nou souzü pfüzü khesü doupei-a malae.

JOB VEI LARÜBVÜ 37:13

Ramai nou deiphao hi teirü kou dzüzü peiwe; puhnou maikhe maiye tukhare donou-a teirü sü seive peiwe, mokhaia deiphao maiye leshiyu donou teirü sü seive peiwe.

LOUTAO 104:34

Enou lou souyu nasü puhye panou jüpayu sü soupeio, daiolouzü Enou sava-a buyu haisü puh hinou ve baie.

LOUTAO 147:8

Puhnou ratei hi teihao khesü poa khaipeie; puhnou deiphao hi teirü kou peie ae poudai khesü puhnou deichi hinou pa paopa peie.

LOUTAO 149:2

Israel maiye panou puletaoye Sou-apeio donou asalo; Zion hi maitaoye panou puletao vei veo donou lesalo!

LOUTAO 28:7

Mapao hai avei pfüchi nasüe, ae avei rüe; Enou puhye louchewe. Puhnou Eye soukha peie, ae Eye sousava peie, Enou puhye sashoyu lou nou soushowe.

LOUTAO 32:11

Cheche-a buyu maitaore, Mapao vei zhih hinou asalo, ae puh chi züa buyu maitao, sasho-a nou shusou shakhaio.

LOUTAO 84:6

Puletao nou Baka deikho tachopoa kouyu phaki, sühisü dzüla payu buh ali soure; dzükhao khesü kaki-a teirü rükou phoutao loure.

TSÜCHITAO 16:15

Vemai livei pah vayu hisü ahri bue, alia puhnou jüpayu hisü houki teirü pfüve peiyu teihao büe.

ISAIAH 30:21

Neletao nou tamah poa zhaolova moa nalova vetayu phaki, neletao vei thailo vanou pai ali nou “Ludu haihi bue, haihinou lou taloua baio” tea paopei-a bailai.

ISAIAH 30:23

Neletao nou taimou thouyu phaki, Mapao nou teirü sü seive peilai, sübüa panou veihshoa chachi loulai, alia neletao vei kikhaorü khesü panou veishoa poudai sü toulai.

ISAIAH 41:16

Neletao nou puletaoye sü thou thaoyu büa thaolaiwulai, ae teikhai nou puletaoye sü hüpo talai, alia teikhai teirü ashi sünou puletaoye sü soupho rarou peiwulai. Süthaisü neletao nou asalai, daiolouzü E hai neletao vei Ramai donou, ae Israel maivei Sheeyu Ramai, Eye neletao nou paosholai.

ISAIAH 61:10

Mapao zhih hinou E asa sholai, avei hrümai teitei nou poa Ramai hinou asalai, daiolouzü shinghire maiye poupatou ae sabanü aveih thoupeiyu büa Mapao nou Eye khailupa peiyu sabanü noupeie, ae acheche sabanü nou banou peie.

JEREMIAH 3:3

Südonou teisü rüvepei more ae khonü-khana hi teirü sü vemore. Nenou khakha-a laiyuma ne hisü hraoyu touyu halia hare.

JEREMIAH 5:24

Enou teile kaovei hinou teirü seive peiyu, pao-hou teile hi teirü peiyu ae po patsü panou chachi loua buyuma Eye tsükhoure donou tsücho moe.

DOPFÜYU 4:2

Zion hi nahle maitao hai sana büa Etaoye donou mutei sho-e, ana chuo puletao hai nailee ali büa baire.

EZEKIEL 34:26

“Enou puletaoye sü shiha peilai ae puletaoye panou sheeyu avei deichi nasü sühaopoa nou hrülai. Sühisü Enou ha peilai ae puletao nou jüpa-a buyu teile hisü Enou teirü hai panou rükou peilai.

HOSEA 6:3

Etao nou sülou laikhe, Etao nou Mapao ye süloure donou telaikhe; tei thepa vuzü laiyu büa Mapao-a Etao hi vevuzülai; puhnou Etao hi teirü büa velai, alia poutsü payu teile hi teirükou peiyu büa puhnou Etao hi vevu zülai.

LEVIMAI LARÜBVÜ 26:4

Enou teile macha hinou teirü sü seive peilai, sübüa teidei nou chamou hai veisho-a panou peilai, ae süübe khenou rashithou alao shipeilai.

AMOS 4:7

Neletao chachi mojü khouh asü jünou Enou teirü sü panou rükou peimore, Enou teirü sü nuwure. Enou nuh ali hi teirü koupeie alia nuh ali hi panou rükou peimoe; dou ali pei hi rükou peie alia dou ali pei hi panou teirü koupei moa kitae.

ZEKHARIAH 10:1

Mapao hinou khonü khyana vei teirü sü kholo. Teikhai teirü ae teihao sü Mapao nou soupeia baie, alia puhnou neletaoye donou dei hi buyu vupou shinamara teitei pei hisü teirükou peiwe.

ZEKHARIAH 10:7

Israel mai hai soureih souyu maili büa khoulai, alia puletao hai zhaoh soziyu maili nou asayu büa asalai. Puletao vei tyaonahtao nou veilouyu haihai licholoua asalai, alia Mapao nou haibüa soupeiyu vanou puletao hai sava-a hrülai.

ZEKHARIAH 9:13

Enou Judah maiye sü voulou büa paipa loulai, ae Israel maiye sü loushu büa souloulai. Alia Zion maitaoye sü khoche poyu büa poloua Grees maiye sü reih soulai.”

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

SEI-ATAMAI VAHTAO 14:17

Sütoukhaia puhnou zhopaoh ha-a lah puhye thaowu moe, daiolouzü puhnou vah avei soupeia rakinou tei rükoupeie ea shi shiyu khou-teile peia neletao lesü panou touso ea sayu nou phoupeiloue.”

PAODAKHAIYU CHIKHA 11:14

kahou sümoa teirü hai puhnou neletao teidei hisü seive peilai, sübüa panou neletao teidei hisü thou, darkhashi alia oliv theadzü veishoa chachi loulai,

PAODAKHAIYU CHIKHA 28:12

Teile kaobü hinou neletao teidei hi pa teirü peire donou alia neletao phiba nou lou souyu veishi hi ha peire donou Mapao nou puhvei hangi shoyu raki kikhu houpa peilai. Neletao nou tyahrü taoli hi poupao soupeilai, ana neletao hai mai hinou pou-pao toulai moe.

PAODAKHAIYU CHIKHA 32:2

Enou doupeiyu sü panou teirüpo büa kousho peio, avei chipao sü pa vidzü büa koucha peio; kaonaphi teanou pounghouva paisüsüa rükouyu teirü büa rükou shopeio, ae sünghou daiva-a buyu hi teirü koupeiyu büa avei chipaotao sü panou koupeio.

PHILIPPIMAI 3:1

Akhai hinou, Athaihou jürai maitao, Mapaowo hinou sasa-a bulo. Enou raiki rüyutao rüpuyu vanou E vamoyu hae, alia sübüa souyu sü neletaoye donou veipue.

PHILIPPIMAI 3:3

Acheche hee vadeyu ngaolouyu taosü Eletao baie, puletao moe; daiolouzü Eletaowo Ramaiye puhvei rako vanou puhye thowe ea Khrista Jisu ye koa ali soulouyu hinou sasa-a bue. Eletaowo vakou naanou taliye lü-a hrümoe.

PHILIPPIMAI 4:4

Teisanou Mapaowo hinou lesalo, haisü Enou paopu khaiwe: lesalo!