JOEL 2:2 - SHEEYU BAIBEL (BSI)

² maiyu alia zhiyu teithe, teihao chaoyu alia zhiteiyu teithe! Mai-zhi nou deichi sühao louyu büa reihmai sü pouso-a alia khouko buso-a velaire; sübüyu hai raiki pakhai mohie, mokhai-a bonakha hi koutea papulai moe.

JOEL 2:2 Iomraidhean Croise

LOUTAO 10:6

Puletao hai lah nou lah hi haibüa paoe, “Etao hai kaodu takhai toulai moe; Etao hai veahoyu daokhai toulai moe.”

LOUTAO 97:2

Teihao ae azhi sünou puhye sühao-a nou bue; puhnou acheche ae kaozü sünou khasa-a hrüpeie.

TAPALOUYU 10:14

Khazü khesü Ejipt teidei teitei hi ve phoutao loure. Haibüa nou me duyu khazü hai raichoki ve khaitoumo hie, alia haithai-a vekhai toulai moe.

TAPALOUYU 10:6

Khazü khesü ne ki hi, nevei peikho maitao ae Ejipt mai hrülai ki hisü lou phouloulai. Haibüyu sü ne puo ae ne paipaoh maiphao hinou zhou koute ngaokhai laimo hie.’ ” Süthaisü Moses nou kushuloua veo hinou tare.

TAPALOUYU 20:21

Ana maikhe mai sü buh hroa nou bubaie, Moses likhei Ramai nou buyu teihao chaotei touyu buh hisü takoua baie.

ISAIAH 5:30

Süzhou teithe sü zaidu hi buyu dzü khüpayu büa ae rayu büa Israel mai pei hisü mainou ralai. Teidei süna zhuyu phaki, maikhe mainou teizhi ae veahoyu likhei ngao-a bailai. Alia ava hisü azhi nou züloua ngao-a bailai.

ISAIAH 8:22

ae deiphao hi zhuyuma puletao nou hali-a ngaolai moe, ana veahoyu ae zhiteiyu likhei ngao-a bailai, zhitei touyu buh hisü puletaoye laithouwulai.

JEREMIAH 13:16

Ramai nou azhi pfüvemo jünou ae deichi hinou neletao phi süloumo jünou; neletao nou vuzhi-a buyu ava nasü puhnou zhitei hi soudathou peimo jünou neletao vei Ramai Mapao ye tsükhoulo.

JEREMIAH 13:6

Teithe daoli thaisü Mapao nou Euphratis hi poku khaitiyu khyakho nasü polou tea ahi paoe.

DOPFÜYU 1:12

Honapai nou takou takheyu mai hrülai hisü haibüa kra-a paoe, “Eye zhupei khaio! Mailia Enou souyu büa souyu mai ha-e, Mapao nou puhvei lekha rarou hinou Eye veahoyu pove peiyu büa maili hia soupei moe.

EZEKIEL 32:7

Enou neye souhayu phaki, Enou ratei sü howulai ae teivu khesü panou maita-a bailai. Enou teinghei sü panou teihao nou holoulai ae khouh nou puhvei ava sü peimoa bailai.

EZEKIEL 34:12

zhaokho mai ali nou puhvei zhaotu rarou-a buyu khesü save jüloua kiko peiyu bütoua Enou souloulai. Puletao nou teimai teizhi buh hinou ae kaozhou ashi buh hinou raroupoa tayu khesü Enou pove jüloulai.

EZEKIEL 38:9

Teikhai teirü ashi veyu büa ne, nevei reihmaitao ae neye koa salaiyu tyahrü kukhe maitao nou puh hisü soureih hai huloulai.”

DANIEL 12:1

“Süphaki ne vei maitaoye kho-apeio dushoyu rakivamai, Maikhel sü tashulai. Süteile phaki neletao teidei hi raichoki vepakhai toumoyu veahoyu khesü velai, ana süphaki Ramai vei larübvü hi zhih rüthou khaitouyu mai hrülaiye sü khailu peilai.

DANIEL 9:12

Nenou Etao hi ae Etao peikho maitao hi soulai tea paoyu nasü nenou soupeie. Nenou Jerusalem pei hi tudee peiyu büa deiphao hi buyu nuhdu kukhe ali hiro tudee peimo hie.

JOEL 1:6

Daiolouzü tyahrü kukhe nou A teidei hisü reih souvere, Puletao hai khouko pfüsho-e alia puletao hai chohao louho soue, Puh huh hai kipeikhaodu huh büe, alia hei veiyu hai kipeikhaodu huhnü büe.

JOEL 2:25

Enou neletaoye dure donou seiveyu reihme: Khazü haiki, khatsüku, khaikhre alia khazü taonou toulouyu khesü Enou neletao hi dakhai peilai.

JOEL 2:31

Mapao vei khupayu ae ngaopi shoyu teithe vemojü hio, teinghi sü zhitalai, alia khouh hai zhe datalai,

JOEL 2:5

Rheiluki paikho büa, deichi peitaoh hisü chopare, rouvao meitao sou-a, reih soure donou khouko bushoyu reihmai kua laire.

JOEL 3:4

“Ne ahi dai soulai tiwe, Oh Tair, ae Sidon, alia Philistia vei deizhe hi buyu maitao? Ne Eye hali peidakhailai tiwu? Ne nou ahi peire bulouzü, Enou ne vah thaifüa neye thashoa dakhai peilai.

AMOS 4:13

Daiolouzü zhukhaio, deichi soupeio, teikhai soupeio, thailaiyu Emai hi puhtsü süngao apeio, teizhi teiva sou-apeio, Puh hai deiphao kukulai hinou tawe. Puh zhih hai hrülai pei hi Ramai Mapao touwe.

ZEPHANIAH 1:7

Mapao Ramai nghoujü hi ngasoua bulouo, daisounou tiyuo, Puhnou chikure teile sü nghire. Mapao nou Puhvei maitaoye posheelare donou soudawure alia sheela peilaiyu shemai-a soudawure.

ZEKHARIAH 14:6

Sübüyu teithe veyu phaki, kaoyu moa vürah hai bupu laimoe.

MATHIU 24:21

Daiolouzü teideiphao soushu rainou chu koute pakhai moyu moa thaikhai koutea pakhailai moyu adudulai pihiyu nasü ve daolai.

MARK 13:19

Daiolouzü teithe sütao kisü Ramai nou deiphao soushurai hinou shua chu koute pakhai mohiyu ea haithaia pakhailai moyu souvea-souchoyu sü vedaolai.

PAODAKHAIYU CHIKHA 32:7

“Tala tayu teithe taosü lichokhaio, neletao puo maitao hi noukhaio, puletao nou neletao hisü süngao peilai, tsümaitao hi noukhaio, puletao nou neletao hisü paopeilai.

EBRIAMAI 12:18

Daiolouzü neletaosü Israel maitao kua bahnou deilou veiyu, mei kei-a buyu, zhiteiyu ea maiteiyu teikhai-teirüshi buyu,

JUD VEI SEIKO 1:13

Puletao sü lah puletao vei ahrao nanou dzümala büa houngpayu shishoyu dzü-akhüh nasüe; puletaosü motayu teivuhtaoe; puletaoye donou maiteiyu teizhibuh nasü teisa donou khaidare.

PONGAOPEIYU 9:2

Teivuh sünanou akhai hayu raobvü sünavei müsü hapae, alia sühinou meifü aduhi meikhao kua mei khaopae; teinghi ea rateisü raobvü sünahi meikhao süna vanou zhitei loure.