JOEL 2:18 - SHEEYU BAIBEL (BSI)

¹⁸ Süthai Mapao nou puhvei teidei donou lenou peishulai alia puh maikhemai pei hi zhuvea peishulai. Ramai nou dei ye pa thoushi pulouyu

JOEL 2:18 Iomraidhean Croise

2 VEMAITO 19:31

Jerusalem ae Zion deichi vanou shokhaitoua buyu maitao hinou maihrü hai kaapalai, daiolouzü Mapao nou sübüa soupeilai tea lela loure.

LOUTAO 103:13

Puonou nahye zhuvea leshiyu büa puhye tsükhoua buyu maiye sü Mapao nou zhuvea leshi peie.

LOUTAO 103:17

Ana Mapao ye tsükhoua buyu maiye sü puhnou leshi peiyu hai akhai ha-e, ae puhnou chilee checheyu nahai puletao vei tyaosholea koute hi bupeie.

ISAIAH 37:32

Jerusalem ae Zion Deichi vanou shokhai touyu maitao sü vakou tapalai, daiolouzü Khoukhoulai Mapao nou haibüa panou vepare donou soudawure.

ISAIAH 42:13

Mapao nou khouko bushoyu mai ali büa tapa-e, soureih souveih shoyu mai ali büa puhnou lekha soua tapa-e, puhnou soureih soure donou tudaloua shusoua reihvo soue, ae puhye ngaobayu mai hi puhvei khouko sü soungao peie.

ISAIAH 60:10

Mapao nou Jerusalem mai hi paoe, “Vakou mainou neletao vei kivo sü soushu dakhai peilai, ae veo maitao nou neletao vei kuvah sü soupeilai. Avei lekha rarou hisü nou Enou neletaoye tudee peiwure, ana chuo Enou neletaoye sü zhuvea leshi peilai.

ISAIAH 63:15

Raki hinou ae nevei sheeyu alia khouko ava buh hinou Etaoye zhukou peikhaio. Nenou Etaoye licho peiyu ae nevei khouko sü daiki vetare? Nenou Etaoye zhuvea leshi peiyu sü kalova vetare? Etaoye ngaipeiso.

ISAIAH 63:9

Puletao nou veahoyu hinou khailupa peiyu hai rakivamaiye seive khailupa peimoe, ana Mapao puh vuzünou tave khailupa peie. Puhvei leshi zhuvea sünou puletaoye khailupa peie. Latayu teithe teile teitei hi puhnou puletaoye sü süthaisa-a tapeie.

JEREMIAH 31:20

“Oh Israel, neye sü Enou leshi kayu nahpoutu nasüe, Enou jüpa kayu nahtou-e. Enou ne zhih sapayu chüsü Enou neye leshi-e. Avei tsüle sü ne hi bua baie, ae Enou neye zhuvea peilai.

DOPFÜYU 3:22

Mapao vei tobai soumoa leshi peiyu ae zhuvea peiyu nasü chukoute-a buhie.

ZEKHARIAH 1:14

Süthai Khoukhoulai Mapao nou paoyu chipao taosü rakivamai nanou ahi haibüa paopeio tea paoe. “Jerusalem alia Zion nuhdu nahai Enou alaosou leshia bue.

ZEKHARIAH 8:2

“E Jerusalem ye leshi shoyu vanou puhye soukha peinüshoe, südonou puletaoye ngaobayu mai hisü E rarouwe.

LUK NOU RÜYU KO AVEIBVÜ 15:20

Südonou puhnou shuloua puhpuo hilo tavere. “Ana puhnou doushoa tabukinou puh puonou puhye sü zhingaoloure ea puh lesü leshi-zhuvea nou phouloure, alia tuho puhye sü kholoua münou muloure.

PAODAKHAIYU CHIKHA 32:16

Puletao nou bashara khesü thotayu donou Mapao vei lekha sü soupa peiwe; Vah ashi soutayu donou Puhvei rarou sü deipa peiwe.

PAODAKHAIYU CHIKHA 32:36

Mapao nou puhvei maitaoye sü vupa peilai, alia puhvei kilai maitaoye zhuvea peilai puletao nou veashoa buyu phaki.

PAODAKHAIYU CHIKHA 32:43

“Tyahrütao, neletao hai Mapao vei maitaoye paosholo, daiolouzü puhnou puhvei maitaoye southayu mai hisü khü phoupeiwe, ae puhye ngaobayu mai hisü pao rüpeiwe, alia puhvei maitao mah sü khaipeiwe.”

JEMS 5:11

Zhukhaio, puletao nou phasho shamea louyu vanou Eletao nou puletaoye vayumai tea kuwe. Neletao nou Job vei phasho shamea louyu vanou chouloure, alia akhai kisü kabüa Mapaowo nou puhye donou peisa touyu sü neletao nou süwe. Daiolouzü Mapaowo louzü zhuvea ea khu-leshinou phoua bue.

CHIKUAPEI MAITAO 10:16

Südonou puletao nou puletao hrohinou buyu rah khesü thaowure ae Mapao ye thotare; Israel mainou veayu sü ngaoloua Ramai-a zhuvea shore.