JOEL 2:17 - SHEEYU BAIBEL (BSI)

¹⁷ Mapao vei napao maitao, alia puh vah souyu maitao ye pa rathoki bomü phi ae rashilayu buh kohinou kra-a panou paokhaio, “Oh Mapaowo, nevei maitaoye vupeilaio, alia tyahrü khemai panou ngaora-a konüyu tyaonah soupeisouo. Daidonou puletao nou Etao ye haibüa paolai, ‘Puletao vei Ramai daiki bue?’ ”

JOEL 2:17 Iomraidhean Croise

1 VEMAITO 6:3

Taloure kide nahai mitar 4.5 thou-e, alia mitar 9 ka-e, süsü rathoki kayu deitoue.

1 VEMAITO 9:7

süthaisü Enou peikhai touyu teidei hinou avei Israel maiye sü souhawulai. Eye thore donou soushee khaitouyu Rathoki na-a Enou thaokhaiwua bailai. Deiphao mai hrülai nou Israel maiye sü konüa bailai, ae ngaophou moa bailai.

2 PUOPAOKO 7:20

Enou neye peikhai touyu teidei hinou polaiwulai, ae Eye panou tholai tea soushee khaitouyu Rathoki hai nasü Enou thaokhaiwua ta-a bailai. Süthaisü maikhe mainou Rathoki hai nasü konüa panou ngaora shoyu buh ali souwulai.

2 PUOPAOKO 8:12

Solomon nou Mapao ye puhnou Rathoki pa hinou posheelabu soukhai touyu hisü nou posheela peie.

NEHEMIAH 9:36

Ana chuo nenou veisho-a peikhai touyu Etao vei teidei hinou Etao hai maivei qila soutare.

LOUTAO 115:2

Daisounou tyahrü kukhe maitaoye panou, “Neletao vei Ramai sü daiki nou bue?” tea noulai?

LOUTAO 42:10

Puletao nou Eye chishi lashi nou heikou heikhe-a “Nevei Ramai sü daiki bue?” tea paoyu donou E sü veaho shore.

LOUTAO 42:11

Daidonou Esü leveage? Daidonou E hai veahoshoa nou buwe? Avei areih nasü Ramai hinou bua bailai, ae Eye khailupa-apeio avei Ramai ye Enou paosho peipu laihie.

LOUTAO 42:3

Hea-khei sümoa Esü kra-a bubaire, ae ngheidzü sünou avei touso soua hrüa bubaire. Eye ngaobayu maitao nou tobai soumoa ahinou, “Nevei Ramai sü daikinou bue?” tea noua bubaire.

LOUTAO 42:4

Enou maisouye süthaisa-a Ramai vei ki hi asa shopoa shusoua Ramai ye paoshoyu lou souyu khesü licho velouyu phaki ale sü pepoa baie.

LOUTAO 74:10

Oh Ramai, ngaobayu maitaoye panou teile kaso Etaoye konüa bulaige? Puletaoye panou ne zhih sü teisa nou paoshi-a bailaiwu?

LOUTAO 79:10

“Neletao vei Ramai sü daikinou bue?” tea daisounou tyahrü kukhe maiye panou Etao hisü chi nouwe? Nevei kilai maitao zhe soukou peiyu donou nenou tyahrü sütaoye tudee peiyu nasü Etao hi soungao peikhaio.

LOUTAO 79:4

Etao hai kinapa maitao hinou hraongu sü ngaore, puletao nou Etaoye sü konüre ae ngaophou moa Etaoye sü pahnü soupeie.

LOUTAO 89:41

Ludu tacho poa kouyu mai hrülai nou puhvei na khesü vaoloure, ae kinapa mai hrülai nou puhye sü konüa bure.

LOUTAO 89:51

Oh Mapaowo, nevei ngaobayu maitao nou nenou dopa louyu veoye konüa ngaophou moyu sü soupeiwe! Puhnou tayu buh veishi hisü puletao nou ngaophou moa konüa lai-a baire.

TAPALOUYU 34:9

Alia puhnou paoe, “Oh Mapao, nevei nghingao hinou E hai nevei zhuvea bulouzü, Eye koa tapeio. Mai haitao hai maichi mairo choubayu mai baie, ana Etao vei ashi ae mah khesü khaipeio, alia Etaoye nevei mai soua popeio.”

ISAIAH 22:12

Süteithe zhousü Khoukhoulai Mapao nou neletaoye kra-a dopfülo, pei saiwuo ae soukousah banoulo tea paopeie.

ISAIAH 37:20

Südonou chuo, Oh Mapao, Eletao Ramai, puh bah hinou Etaoye khailupa peio, sükulouzü deiphao hi buyu tyahrü hrülai nou ne likhei Ramai sü baie touyu süloulai.”

EZEKIEL 20:9

Ana Enou sübüa soupei more, daiolouzü puletao nou koa hrüyu maitao nghoujü nou Enou puletaoye sü Ejipt hinou sapa peilai tea paosüpa peiwure, südonou avei zhih sü panou shimore donou Enou soupei more.

EZEKIEL 8:16

Südonou puhnou Eye Rathoki lüvai sa-a louloure. Sheeyu buh hi taloure hinou nghia buyu posheelabu ae ludu kohinou mai kaingou phali hai bue. Puletao nou Rathoki hilova sü puletao vei phao hai khailoua teinghi palova reiloua nakou teinghei payu sü tho-a nou bure.

HOSEA 14:2

Mapao hi dakhai velou baio, alia haibüa puh hinou veachi paolo, “Etao vei mah teitei nou khaipeio alia zhuvea nou Ehye podakhai peio, sükulouzü teisa nou Neye paosholai.

JOEL 1:13

Oh napao maitaore, soukousah banoulo alia dopfülou khaio, kouli likhaio, rathoyu ki hinou vah soua bumaitao! Rathoki hi veloua nou kheimathe dopfüa bulouo! Daiolouzü poa sheela laiyu thoudzü khesü Ramai vei ki hi hazhi toure.

JOEL 1:9

Mapao vei ki hi touso na posheela khaitouyu khesü hare. Mapao vei naanou soubuyu napao maitao sü levea dopfüa bure.

AMOS 7:2

Poudai khesü khazü nou toukhai loua Enou ngaoe. Süthaisü Enou paoe, “Oh Ramai Mapao, nevei maitao mah sü khaipeio tea khowe; kabüa nou ne maitao hai hrilou khailai? Puletao hai taiyu lehie alia lelouho lehie!”

AMOS 7:5

Süthaisü Enou paoe, “Oh Mapao, baipei baio tea E ne hi khowe! Kabüa nevei mai haitao hai hrilou khailaige? Puletao hai taiyu lehie ae lelouho lehie!”

MIKAH 7:10

Süthaisü Etaoye ngaobayu maitao nou haisü ngaolai, “Neletao vei Ramai Mapao sü daiki bue?” tea konüyu maitao sü hraongu ngaolai. Puletao nou kaodu tayu sü Etao nou ngaolai; ae puletaoye sü mainou taidei poa ta-a bailai.

MALAKAI 1:9

Alia chuo Mapao vei jüpa nasü phoulo, sükulouzü puhnou Etaoye zhuvea peishulai. Sübüyu natao hai ne bah nou poa sheela peiyu hai, puh vei jüpa neletao nou ngaoshulai touwu? teanou Mapao nou noue.

MAIPEI PHOUYU 25:6

Israel mai ali nou Midian maipfü ali hai Moses ae maisou nou Mapao nou buyu Sahpao bomü hinou dopfüa buyu teile hinou puhvei sahpao hisü sa-a loure.

MATHIU 23:35

Sükuyu vanou mah hayu Abelye southeayu hinou shua neletao nou Rathoki ea posheelabuh kole hinou southeawuyu Berakia nahpoutu Zakaria vei zhe koute mah hazheia deiphao hi zhe kükouyu mai hrülaivei tudee hai neletao pei hi velai.

MATHIU 27:43

Puhwo Ramaiye louchewe südonou Ramai nou puhye züpa louzü, chunou Ramaiye panou puhye vupa peiyu soulou khaio; daiolouzü puhnou, ‘Ewo Ramainah Poutue’ tea paoe.”

PAODAKHAIYU CHIKHA 28:37

Neletaoye Mapao nou huho buyu tyahrütao nou neletaoye ngaora-a konü peilai, alia khupasho-a neletao ko sü phakulai.

PAODAKHAIYU CHIKHA 32:27

Ana ngaobamai nou paoshire nasü E-a ngaopi-e, daiolouzü puletao ngaobamai nou sümahloua haibüa paoshulai, Etao vei khouko vanou veiloua baie, haisü Mapao nou souyu vah moe.’

JOSHUA 7:9

Daiolouzü Kanaan alia teidei hai hinou hrüa buyu mai teitei nou haisü chouloua etaoye ve sühaoloua nou, alia etaoye souha khaiwu louzü; nevei zhih aveih adu naye donou Ne daie soulai?”