JOEL 2:16 - SHEEYU BAIBEL (BSI)

¹⁶ maisouye save jülouo. Vejüa buyu maisouye sü sousheelo, tsümai taoye save jülo, nahmai-a save jülo, naonao buyu nahmai koutea save jülo. Nghisha soulai tea buyu na-a pa puh kisü thaowu-o, nghilai tea buyu napai-a pa puh buh sü thaowo.

JOEL 2:16 Iomraidhean Croise

2 PUOPAOKO 20:13

Süphaki, Judah hi mai hrülai sünou puletao vei chapfü ae nahmai noupu koa Rathoki nghoujü nou la-a nou bue.

2 PUOPAOKO 29:5

ae puletao hi haibüa paoe, “Oh Levi maitaore, chuo neletao lahye sousheelo, ae neletao puopaoh Ramai Mapao vei Rathoki nasü soushee peikhaio. Rathoki hi sheemoa buyu na veishi popa laikhaio.

2 PUOPAOKO 30:17

Daiolouzü Tachopa Nüh vei posheelare zhaotu dathare donou mai alao sou naanou hilo vanou soushee loumore, südonou Levi maitao nou zhaotu sü datha peie, ae zhaotu nasü sousheeloua Mapao hi poa peithou peie.

2 PUOPAOKO 30:19

“Oh Mapaowo, Etao vei puopaoh Ramai, nevei zhai aveih hinou puletao vei tsüle teitei nou peia neye thoyu maitaoye sü naanou hilonou soushee loumoa buyuma puletao vei mah sü khaipeio.”

2 PUOPAOKO 35:6

Tachopa Nüh vei zhaotu ae nghitutao dathare donou chuo neletao hai naanou hilonou soushee-a bulo, ae Mapao nou Moses hi paopeiyu thaifüa neletao vei thaihou jürai maitaoye panou souda-a bulo.”

JOB VEI LARÜBVÜ 1:5

Nüh nüzhoyu tsü thainesho Job nou shona nou tashulou-a nahmaitaoye donou sousheeyu vei naanou posheela-a nahmaitao mai alili donou Ramai ye thoyu soutawe, daisounou toulouzü nahmaitao hrohinou kamai-a nou tsücho toumoa Ramai ye ngaophou moa mahmo sou-a bua sümoe tea Job nou choloue.

LOUTAO 19:5

Sübüa puhnou shinghi laiyu mai ali büa shona hai tapawe, ae tuvayu mai ali nou tuvei shopoa tuyu büa pawe.

TAPALOUYU 19:10

Süthaisü Mapao nou Moses hi paoe, “Maikhe mai hi tave paopeio, puletaoye panou zhou ae dosho hai soushee-a bulo, alia puletao vei sabanü khesü panou saoshee khailo.

TAPALOUYU 19:15

Puhnou maikhe mai hi paoe, “Teithe asü zhousü neletao tuda-a bulo; naotumai nghiki kouso.”

TAPALOUYU 19:22

Napao mai koutea soushee loua nou ahi nghi koulai, sübüa soushee lou moa ahi koulouzü puletaoye Enou tukhalai.”

JOEL 1:14

Maisou ye kuve jüloua tovai rei-a lüh khaio, tsükhemai alia teidei hai hi hrüa buyu mai hrülai nou Ramai Mapao ki hi save jülouo, alia Mapao hisü kra khokhaio.

MATHIU 21:16

Südonou puletao nou Jisu hi noue, “Puletao nou paoa buyu ne chouchoumoe?” Jisu nou puletao hi chila peie, “Ovai, choue; neletao nou haibüa phoukhai mohiwu, ‘Nenou nahmaitao ea nahpumaitao mü hinou paoshoyu hai southou liche peiwure.’”

MATHIU 9:15

Jisu nou puletao hi paoe, “Sheenghiyu buh hi shemaitao nou sheerepunou puletaoye koa bubusasü levea-a bulou süwu? Sükulouhoe! Ana sheerepuye puletao hinou potalaiyu teithesü velai, alia sükinou puletao sü lühlai.

1 KORINTHMAI 7:5

Lah nelenou leipua veachi paore donou teile phajütou alinou li hinou raloure ae-ao touyu sü likhei baimoa alinou liye bayu ali-a souso; ana süthaisü khailou kilo souyu hrüna hisü hrüloukhaio, molouzü lah pfüphaoye tukhalou hoyu vanou neletaoye Saitannou thaowu shulai.

JOSHUA 7:13

Tashulo, maikhe maiye sü sousheelo, alia haibüa paowo. Dosho neletao veishi nou lah lahye sousheelo; daiolouzü Israel maivei Ramai Mapao nou paore, ‘Neletao hrohinou souhawure hi peithou khaitouyu na bure, O Israel maitaore; souhawure hi peiyu natao hai nele hrohinou popa laiwumo koute, neletao nou hata lisoua neletao hai ngaobamai jünou veilou hoe.’

JOSHUA 8:35

Moses nou kharochi peikhai touyu tao hai Joshua nou Israel mai hi, naotumai tao hi, mai taidu hi, alia vakou nou ve hrüa buyu mai teitei hisü chako aliro phoupei chemoyu hae.

1 SAMUEL 16:5

Puhnou puletao hisü chila peie, “Ouvai, Enou hai hi veyu hai Mapao ye posheelare donou ve-a baie. Südonou neletao sousheeloua ahi vewo.” Puhnou Jesse ae puhvei nahpoutu maitao-a soushee loua posheelare buh hisü tavelo tea paopeie.