JOEL 2:12 - SHEEYU BAIBEL (BSI)

¹² Mapao nou paoe, “Ana chukoute-a, ne lü teitei nou pei-a, lüh loua nou, alia kra-a dopfü lounou ahi dakhai velo;

JOEL 2:12 Iomraidhean Croise

2 SAMUEL 24:10

Maipei chocheyu thai, David nou lahvei mah süpalou-a le veasho-a nou Ramai hi paoe, “Vah sovei haina souyu hai E soumah showure, zhuvea nou avei mah khaipeio, E lah vo-a nou vah souwure.”

2 PUOPAOKO 30:6

Kopo maitaoye sü veo ae puh khenou peikhoyu maitao nou haibüa kharochi peia Israel ae Judah teidei teitei hisü seitare: “Assaria mainou reih hulouyu hinou turei palouyu Israel maitaore, chuo Abraham, Isaak, ae Jakob vei Ramai Mapao hi dakhai velo, sükure toulouzü puh-a neletao hi dakhai velai.

2 PUOPAOKO 6:27

Oh Mapaowo, raki hinou puletao vei veachi sü kei peio ae nevei kilai Israel maitao vei mah khesü khaipeio, ae puletaoye kaozü nasü paodou peio. Süthaisü nenou nevei maitao hi panou teisa vei soure donou peiyu teidei hisü teirü seikou peio.

ESTHER 4:16

“Susa nuhbei hi hrüa buyu Jihudimai hrülaiye save jülo, alia athaosou heakhei asü hai lüh-a touso ali-a toumoa veachi paopeio. E alia avei kilai mai hrülai nou neletao büa halia toumoa lüh-a veachi paolai. Süthai nou zhai moa buyuma Enou veo hisü taloulai.”

TAPALOUYU 33:5

Daiolouzü Mapao nou Moses hi haibüa maikhe maitao hi paopeio tea paore, “Neletao hai maichi mairo sabayu mai baie, Enou neletaoye phajü toulia koa talouzü neletaoye souha shulai. Südonou neletao vei zhusana khesü phakhaiwo, süthai nou neletao hi E dai soulai touyu tsücho laihie.”

ISAIAH 22:12

Süteithe zhousü Khoukhoulai Mapao nou neletaoye kra-a dopfülo, pei saiwuo ae soukousah banoulo tea paopeie.

ISAIAH 58:4

Neletao hai zü-veilai ae bahzü züpoa taidalai tea lüh-a baie. Neletao nou sübüa lüh-a veachi paoyu pai sü Enou keipei laiwu?

JEREMIAH 3:22

Mapao hinou tala tayu mai hrülai, dakhai velo; puhnou neletaoye souvei peilai ae soucheche peilai. Neletao nou paoe, “Ovai, Etao nou Mapao hisü dakhai vewe, daiolouzü puh sü Etao vei Ramai-e.

JEREMIAH 36:7

Puletao nou Mapao hi veachi paoloua puletao nou vah ashi souyu khesü thaolou vei-e, daiolouzü Mapao nou puletao hi puhvei lekha rarou hai ngaopi sho-a paopei khaitoue.”

JEREMIAH 4:1

Mapao nou paoe, “Israel maitaore, neletao nou jüpa louzü ahi dakhai velou. Enou ngaorayu basharataoye neletao nou thaowu-a achi zü louzü,

JEREMIAH 4:2

neletao nou azhih sü poloua chaachou soua bailai. Süthaisü deiphao mai hrülai nou puletaoye hapeio tea ahi nou kholai, ae puletao nou Eye paosholai.”

EZEKIEL 33:11

Cheche vujünou Ramai Mapao E hai hriyu Ramai thaifüa mah mai ali nou thaiyu sü ngaoloua E hai lesa moe tea puletao hi paopeio. Ewo louzü puhnou mah souyu bailoua hrilouyu nasü nou jüpapu hie. Südonou Oh Israel maitaore, vah ashi souyu sü thaowu-o. Neletao daisounou thainüwe?

DANIEL 9:3

Südonou Enou lousah banaolou, vonai nalou alia azhuh Ramai Mapao hi pfürei veloua soutaosou lüh-a puh hi veachi paoe.

HOSEA 12:6

“Südonou chuo neletao, nele Ramai soukha hinou dakhai velo, lesha alia kaozü yesü soutao soua potoulo, alia tobai soumoa Ramai ye kholo.”

HOSEA 12:7

Mapao nou paoe, “Huha souyu mai nou kaomoyu süh doukhao ponüe, alia puletao nou maiye souveayu jüpae.

HOSEA 14:1

Oh Israel maitaore, neletao Ramai Mapao hi dakhai velouo, daiolouzü neletao nou mah souyu vanou neletao phi süloua baie.

HOSEA 6:1

Maikhe mainou paoe, “Etao Mapao hi dakhaive baikhe; daiolouzü Puhnou Etaoye soushi peia baie, Puhnou chua veikhai mosoua Etaoye souvei peilou süe; daphe-dapho peiyu nasü puhnou baie, südonou puhnou chua Etaoye soumu peishulai.

JOEL 1:13

Oh napao maitaore, soukousah banoulo alia dopfülou khaio, kouli likhaio, rathoyu ki hinou vah soua bumaitao! Rathoki hi veloua nou kheimathe dopfüa bulouo! Daiolouzü poa sheela laiyu thoudzü khesü Ramai vei ki hi hazhi toure.

ZEKHARIAH 7:3

Alia Khoukhoulai Mapao vei ki hi buyu napao maitao ae rachipaola maitao hisü haibüa noue: “Raichoki soukouyu zhai na thaifüa soushi khaitouyu Rathoki na vanou, chua Etao nou khouh angou nava hi dopfüa lühlai hiwu?”

ZEKHARIAH 7:5

Teidei haihi hrüa buyu mai hrülai alia napao maitao hisü haibüa paopeio: “Neletao nou khouh angou nava alia khouh anai nava dopfüa ae lüh-a po rainai koute souyu hai Eye tsükhouyu donouwu?

MALAKAI 1:9

Alia chuo Mapao vei jüpa nasü phoulo, sükulouzü puhnou Etaoye zhuvea peishulai. Sübüyu natao hai ne bah nou poa sheela peiyu hai, puh vei jüpa neletao nou ngaoshulai touwu? teanou Mapao nou noue.

SEI-ATAMAI VAHTAO 26:20

ana raikia Damaska hi buyu maitao hi, süthaisü Jerusalem hi ea Judea teidei teitei hi, alia tahrüh kukhemai hi puletao nou le davuzüloua Ramai hi dakhai vere ea puletao le daloure touyu zhopaoh soure donou vahnou soungaokhaio tea Enou paodoupeie.

CHIKUAPEI MAITAO 2:4

Mapao vei rakivamai nanou haihai Israel maisou hi paopeiyu phaki, mai hrülai nou shusoua krare.

CHIKUAPEI MAITAO 20:26

Süthaisü reih soulai tea tayu Israel mai hrülai nou Bethel hinou khe krare, ae puletao nou Mapao nghoujü nou koukhe koute sü hatoumoa lüa Mapao nghoujü nou maisou vei posheela ae kainüvei pou mei dei-a posheela peie.

1 SAMUEL 7:3

Samuel nou Israel maitao hisü paoe, “Neletao vei tsüle teitei nou peia Mapao hi dakhai veloua vakou maivei rahtao, ae Ashtaroth vei basharatao sü thaokhai louzü, alia neletao vei hrü hai Mapao hi peithou khaiwua puhye likhei tho bailouzü, puhnou neletaoye Philistin mai bah hinou vupa peilai.”

1 SAMUEL 7:6

Südonou Israel mai hrülai hai Mizpah hinou ve jüloure. Puletao nou dzü poloua Mapao hi posheela soua lazü peie, ae süzhou teithe hai puletao nou ha toumoa lüh-e, alia puletao nou haibüa paoe, “Etao nou Mapao nghoujü nou mah sü souwure.” (Samuel nou Mizpah hinou Israel maivei chilou khesü kupeiwe.)