JOEL 2:11 - SHEEYU BAIBEL (BSI)

¹¹ Mapao nou puh reih mai hisü paowe, Daizhou dusa puh reih mesü; puhvei kharochi zümai hai khouko pfüshoe. Cheche vuzünou, Mapao vei teithe hai dushoe ae pishoe; hai thaonou healousü-e?

JOEL 2:11 Iomraidhean Croise

LOUTAO 18:14

Puhvei voulouthou sünou kapa puhye ngaobayu maitaoye sü soupho rarou laiwure, teipei vavayu nasü nou pa puhnou puletaoye sü tutare.

LOUTAO 46:6

Tyahrütao sü ngaopi sholai, vedei khesü pepo talai; Ramai nou teisüyu büa rapeie, ae teideiphao sü pepo talai.

LOUTAO 68:18

Puhnou kushoyu buh hisü hukhamai taoli nüpoa patare; puhye khaitya-a duyu maitao hinou sapeina khesü puhnou poloure. Ramai Mapao nou sühisü teisa nou hrülai.

ISAIAH 13:4

Deichiva hi mai soudu nou shusou raoyu pai sü kei khaio. Keikhaio, tyahrü taoli ae vedei taoli tave jüa buyu paisü. Reihmaitao vei Khoukhoulai Mapao nou reih soure donou puhvei reihmaitao sü soudawure.

ISAIAH 42:13

Mapao nou khouko bushoyu mai ali büa tapa-e, soureih souveih shoyu mai ali büa puhnou lekha soua tapa-e, puhnou soureih soure donou tudaloua shusoua reihvo soue, ae puhye ngaobayu mai hi puhvei khouko sü soungao peie.

ISAIAH 7:18

“Süzhou teithe sü Mapao nou ka dousho-a buyu Ejipt maiye panou khaomai zhaoveyu büa velai, alia Assaria maiye panou laivoutu büa velai.

JEREMIAH 25:30

“Südonou Jeremiah, Enou ne hi paoyu avei chipao teitei hai shapao vuzülai. Maikhe mai hi haibüa paopeio, ‘Mapao nou ratei vanou rapalai ae kuyu raki vanou teisü palai. Puhnou puhvei maitao hisü aetou moa nou ralai; puhnou darkhadzü süyu mai büa shurao soua ralai. Deiphao hi buyu mai hrülai nou rayu pai sü choulai,

JEREMIAH 30:7

Ngaopi shoyu teithe sü velaire; teithe kukhe ali-a hai nasü paonada louhoe— haizhou sü avei maitao nou veaho sholai, ana puletao nou hriloulai.”

JEREMIAH 50:34

Ana puletaoye vupa peire nasü khouko busho-e — puh zhih sü Khoukhoulai Mapao toue. Puhnou soutaosou puletaoye vupa peilai, sübüa puhnou deiphao sü soyu hai peilai, ana Babilon maiye sü panou soyu ngaolai moe.”

EZEKIEL 22:14

Enou neletaoye souche peilaiyu teithe zhou sü neletao nou khuvei lousüwu ae neletao vei bah sü khouko bua nou lashu lousüe tea tsüchowu? Mapao Enou haisü paowe ae Enou paoyu avei chipao thaifüa Enou soulai.

JOEL 1:15

Iyaho! Mapao vei teithe sü nghitei tire, Khoukhoulai Mapao nou soushi souha laiyu teithe sü velaire.

JOEL 1:6

Daiolouzü tyahrü kukhe nou A teidei hisü reih souvere, Puletao hai khouko pfüsho-e alia puletao hai chohao louho soue, Puh huh hai kipeikhaodu huh büe, alia hei veiyu hai kipeikhaodu huhnü büe.

JOEL 2:1

Zion hinou shabe sü nghoukhaio; Sheeyu avei deichi hinou pai ra peikhaio! Deisühi hrüa buyu mai hrülaiye pa pingu theo, daiolouzü Mapao vei teithesü velaire, haihai nghitei tire,

JOEL 2:2

maiyu alia zhiyu teithe, teihao chaoyu alia zhiteiyu teithe! Mai-zhi nou deichi sühao louyu büa reihmai sü pouso-a alia khouko buso-a velaire; sübüyu hai raiki pakhai mohie, mokhai-a bonakha hi koutea papulai moe.

JOEL 2:25

Enou neletaoye dure donou seiveyu reihme: Khazü haiki, khatsüku, khaikhre alia khazü taonou toulouyu khesü Enou neletao hi dakhai peilai.

JOEL 2:31

Mapao vei khupayu ae ngaopi shoyu teithe vemojü hio, teinghi sü zhitalai, alia khouh hai zhe datalai,

JOEL 3:14

Mai thethe thethe nou chiku laiyu deikho hisü bure! Daisounou tiyuo, chila peilaiyu deikho hisü Mapao vei teithe hai nghitei toure.

JOEL 3:16

Mapao nou Zion hinou sha-e, alia Jerusalem hinou puhnou paoe, ae raki alia deiphao sü pingure. Ana Mapao hai puhmaitaoye donou bailoure bue, alia Israel maivei reih khoyu füe.

AMOS 1:2

Amos nou paoe, “Zion hinou Mapao nou ra-e, alia Jerusalem hinou teisüpayu büa puhnou paiwe; Zhaotutao vei hiphao sü kitare, alia Karmel deichitao hinou buyu pouhou sü kitare.”

AMOS 5:18

Mapao vei teithe jüpa-a khobuyu mai donou daizhou koute vealaisa! Neletao daisounou Mapao vei teithe jüpawe? Neletao ye donou haisü azhi baie, ava na moe.

AMOS 5:20

Mapao vei teithe hai ava na moa nou azhi baimowu, alia vayu ha-a küzhiyu bai mowu?

OBADIAH 1:15

“Mapao nou tyahrütao pei hi chikure teile sü nghire. Nenou souyu büa ne hia soupeilai; nenou soukhai touyu vahtao sü ne hi dakhai peilai.

NAHUM 1:6

Puh vei rarou nghoujü hi thaonou lalou süe? Souhyu puhvei lekha nasü thaonou healou süe? Puh lekha sü mei büa lakou peilai, alia puhnou chuhdu nasü dakhosa peilai.

MALAKAI 3:2

Ana puhnou veyu teithesü thaonou healou süe alia puh nghoujü thaonou lalou süe? Daiolouzü puh hai sousheeyu mei ae saoshiyu maivei sabon kuwe.

MAIPEI PHOUYU 24:23

Balaam nou rachi hai nasü paopeie: “Reilova nou vejüa buyu maitao sü daisouyu maige?

1 THESSALONIMAI 4:16

Sükisü Mapao puhsü chikha peiyu pai-rao sünaye koa, alia rakivamai peichana vei pai naye ea Ramai vei bekho sünaye koa raki vanou takoulai. Alia sükisü Khrista hinou thaitayu khemai sütaonou raia hrishulai;

PONGAOPEIYU 18:8

Südonou puhvei veahoyu, süolouzü sounou, dopfüyu ea tokaayu sü teithe alikhei hinou puh hi velai; Alia puhye sü meinou deiwulai; daiolouzü puhye chikuyu Ramai Mapaowosü khou-chihwe.”

PONGAOPEIYU 6:17

Daiolouzü ngaopi shoyu puhai vei rarouyu teithesü veloure, alia süna vei nghojü hisü thaohnou la-a buloulai?”