JOEL 2:1 - SHEEYU BAIBEL (BSI)

¹ Zion hinou shabe sü nghoukhaio; Sheeyu avei deichi hinou pai ra peikhaio! Deisühi hrüa buyu mai hrülaiye pa pingu theo, daiolouzü Mapao vei teithesü velaire, haihai nghitei tire,

JOEL 2:1 Iomraidhean Croise

1 PUOPAOKO 15:28

Sübüa Israel mai hrülai nou Mapao vei Vo Sübvü nasü asah soupoa shabe nghoua, toubvü da-a, shapoulei nghoua ae lou soupoa Jerusalem hisü koa ve-e.

LOUTAO 119:120

Enou neye sü ngaopi-e; nenou chikude peiyu khesü Enou ngaopie.

LOUTAO 87:1

Mapao nou puhvei nuhdu nasü sheeyu deichi hinou soushu khaitoue;

TAPALOUYU 10:14

Khazü khesü Ejipt teidei teitei hi ve phoutao loure. Haibüa nou me duyu khazü hai raichoki ve khaitoumo hie, alia haithai-a vekhai toulai moe.

ISAIAH 13:6

Kra-a dopfü loukhaio, daiolouzü Mapao vei teithe sü nghiteire; Khoukhoulai Mapao nou veahoyu sü seive laire.

ISAIAH 13:9

Zhukhaio, Mapao vei teithe sü laire, leshiyu ha-a nou lekha rarou ae zhaipou shiyu sünou deiphao sü soushire donou alia mahmaiye sü souhare donou velai.

ISAIAH 2:12

Süzhou teithe sü Hali-hala Soulousüo Mapao nou khaophu souyu mai ae aduso mai hrülaiye sü sounakou khaiwulai.

ISAIAH 66:2

Teideiphao teitei sü Enou soupeie! Tainoutou soua ae ledalouyu maitao, ae Eye ngaopi-a achi züa buyu maitaoye sü Enou zhu peilai.

ISAIAH 66:5

Mapao ye ngaopi-a puh chi züa buyu maitao, puhnou chi paoyu sü keilo: “Neletao nou achi züa buyu donou neletao thaihou jürai kamai nou neletaoye ngaoralai, ae neletaoye ngaophou moa haibüa konüa paolai, ‘Mapao ye panou puhvei aduso nasü pongao khaio, ae neletaoye khailupa peikhaio, sükulouzü neletao nou vasa-a buyu sü Etao nou ngaoloulai.’ Ana puletaoye sü panou hraongu ngao-a bailai.

JEREMIAH 16:10

“Nenou puletao hi chipao haitao paoyu phaki, puletao nou ne hi haibüa noulai, ‘Daisouyu donou Mapao nou Etao pei hi tudee dushoyu hai peilai touwe? Etao nou dai mah souge, ae Etao nou Etao vei Ramai Mapao pei hi daimah souwure?’

JEREMIAH 16:7

Mai talinou thaiyu donou tea le souva peire donou koa touso zholai moe, moa pfüpuo thaiyu vanou le souva peilai tea mailinoua zhuvea peilai moe.

JEREMIAH 4:5

Teidei teitei hisü shabe nghoukhaio! Pai chisho-a ae sheesha tea nou shapeio! Judea ae Jerusalem maitao hisü kaopo veishoa soukhai touyu nuhdutao hi tuve bailo tea paopeio.

JEREMIAH 5:22

Esü Mapao-e, neletao daisounou Eye pi mowe? Neletao anghoujü hinou daisounou pi-hi moge? Enou venai sü zai dzü panou lapalai more donou teisa vei deirai soua khaipeie. Zaidzü nou hou-a buyuma süna jünou lalai moe, teikhai teirü ashi ve-a sünasü souphe louhoe.

EZEKIEL 12:23

Südonou chuo Ramai Mapao Enou nada süna vanou haibüa paowe tea paopeio. Enou nada sünasü panou akhai soulaire. Israel maivei teidei hisü panou sübüa paopu khailai more. Süna thao sü puletao nou haibüa panou paolai: Teithe teile sü vere ae vepalai tea paopeiyu khesü cheche-a nou vepare!

EZEKIEL 21:12

Thai-a bailaiyu mainare, kra-a dopfü loukhaio; khoche hai nasü avei maitaoye donoue, ae Israel mai vei süthai-apei maitao donoue. Puletaoye sü mai kukhe maitaoye koa nou southawulai. Levea nou khao sü khoukhaio!

EZEKIEL 30:3

Teithe sü nghire, Mapao vei teithe nasü nghire, Süzhou teithe hai tyahrütao donou teihao chaoyu ae veahoyu teithe sü soulai.

EZEKIEL 33:3

Puhnou ngaobamai laiyu zhingao louzü, ngaobamai laire touyu sü maikhe mai hi paopi peiwe.

EZEKIEL 33:6

Hakinou reihkhaoyu mai nanou ngaobamai hai laiyu zhingao-a buyuma puhnou paopi peilou moa ngaobamai nou tave mah soua buyu maitao hai southare toulouzü, puletao nou thaiyu vei mah hai reihkhaoyu maina pei hi koulai.

EZEKIEL 7:10

Israel maiye soushi soukanghiyu teile sü velaire. Kaozü moyu ae taidayu sü phoutao loure, ae khaophu souyu sü pousho loure.

EZEKIEL 7:12

Teile sü velaire, na hüyu moa zhoyu nasü ngaomo tare teithe sü nghire, daiolouzü Ramai vei tudee nasü mai hrülai hi raibütoua velaie.

DANIEL 6:26

Enou kharochi haina sü peiwe, süolouzü avei vedei hi hrüyu mai hrülai nou “Daniel nou thoyu Ramai ye sü ngaopia tsükhoulai. Daiolouzü puh hai hriyu Ramai nasüe, Puhnou teisa khasa-a hrülai; Puhvei vedei sü akhai bulai moe, alia puhnou khosa-a hrüre hai akhai bulai moe.

DANIEL 9:16

Oh Mapaowo, raichoki nenou Etaoye vupeiyu büa, nevei lekha rarou nasü nevei sheeyu deichi, nevei Jerusalem nuhdu hinou zhuvea nou polai peia baio; daiolouzü Etao vei mah ae Etao paipao maitao nou soukhai touyu mahtao donou Jerusalem alia nevei mai hrülaiye sü Eletao pehao hinou hrüa buyu tyahrütao vei zünü soua bure.

DANIEL 9:20

Enou avei mah ae avei maitao Israel maivei mah paopa-a alia Mapao Ramai hinou puhvei sheeyu Rathoki nasü soushu dakhai peire donou veachi paoe.

HOSEA 5:8

Gibeah hinou nghakai sü houkhaio, Ramah hinou shabe sü houkhaio. Bethaven hinou reihvo sü soukhaio; reihsü soutakhaio, He Benjamin maitaore!

HOSEA 8:1

Mapao nou paoe, “Ngaoba mainou Amaitao vei teidei hi loure donou rashopeiki büa laire, shabe sü houre donou soudalouo, daiolouzü puletao nou Eye koa Vo soukhai touyu nasü souphewure, alia Avei chikha khesü pfüthouwure.

JOEL 1:15

Iyaho! Mapao vei teithe sü nghitei tire, Khoukhoulai Mapao nou soushi souha laiyu teithe sü velaire.

JOEL 2:11

Mapao nou puh reih mai hisü paowe, Daizhou dusa puh reih mesü; puhvei kharochi zümai hai khouko pfüshoe. Cheche vuzünou, Mapao vei teithe hai dushoe ae pishoe; hai thaonou healousü-e?

JOEL 2:15

Zion hinou shabe sü nghou khaio; vuh ali lüh louo; maisouye sheetou tea save jüre donou kukhaio;

JOEL 2:31

Mapao vei khupayu ae ngaopi shoyu teithe vemojü hio, teinghi sü zhitalai, alia khouh hai zhe datalai,

JOEL 3:14

Mai thethe thethe nou chiku laiyu deikho hisü bure! Daisounou tiyuo, chila peilaiyu deikho hisü Mapao vei teithe hai nghitei toure.

JOEL 3:17

“Süthaisü neletao nou süloulai, E hai neletao vei Ramai Mapao-e, sheeyu Zion deichi hinou bue touyu. Alia Jerusalem hai sheeyu bue, ae vakou mainou buh sühi loupu khailoulai moe.

AMOS 3:6

Reih vei shabe nghoupayu phaki, nuh hi buyu maikhe mai nou pimoa bulaiwu? Mapao nou seive moa nou maikhe mai hi veahoyu sü ve khailaiwu?

AMOS 5:18

Mapao vei teithe jüpa-a khobuyu mai donou daizhou koute vealaisa! Neletao daisounou Mapao vei teithe jüpawe? Neletao ye donou haisü azhi baie, ava na moe.

AMOS 8:2

Puh nou ahi noue “Amos, ne dai ngaowe?” “Houki shira sülai ali ngaoe” tea Enou chila peie. Süthai Mapao nou ahi paoe, “Avei Israel maitao hai akhai soure teile sü veredao; Enou puletaoye souvea laiyu hinou Ale datakhai laimoe.

OBADIAH 1:15

“Mapao nou tyahrütao pei hi chikure teile sü nghire. Nenou souyu büa ne hia soupeilai; nenou soukhai touyu vahtao sü ne hi dakhai peilai.

ZEPHANIAH 1:14

Mapao vei dushoyu teithe nahai nghiteire, nghitei toure alia thasho-a laire. Süzhou teithe sü shisholai, daiolouzü süzhou teithe hai khouko pfüsho-a buyu mai koutea shusoua kralai.

ZEPHANIAH 1:16

Veihsho-a nou soukhai tiyu nuhdutao alia reih buhtao hisü reih souloure donou shabe nghou-a alia reihvo souyu teithe souwulai.

ZEPHANIAH 1:7

Mapao Ramai nghoujü hi ngasoua bulouo, daisounou tiyuo, Puhnou chikure teile sü nghire. Mapao nou Puhvei maitaoye posheelare donou soudawure alia sheela peilaiyu shemai-a soudawure.

ZEPHANIAH 3:11

Süzhou teithe neletaoye hrao peipu laimoe, daiolouzü neletao nou Eye khaitya-a vah souyu, khaophu souyu khesü Enou neletao hinou popawulai, alia neletao nou sheeyu deichi hinou khaophu sou-a tapu laimoe.

ZEKHARIAH 14:1

Mapao vei chikure teile sü heikoure. Zhukhaio, neletao vei shaotouyu maitao nou neletao nghoujü hinou shaolouyu natao sü zhilai.

ZEKHARIAH 8:3

Enou Zion hi dakhai velai, alia Jerusalem nuhdu touchü hinou ve hrülai, alia Jerusalem hai louche louveiyu nuhdu teanou kulai, alia Khoukhoulai Mapao vei deichi nasü sheeyu deichi tea panou kulai.

MALAKAI 4:1

Zhukhaio, deithou soushoyu meipfü büyu teithe sü laire, süki le khouyu mai ae vahshi souyu maiye sü rouvao kua puletaoye sü mei nou deikhaiwulai, beima koute-a shopei laimoe, tea hrülai pei hi Mapao nou paoe.

MAIPEI PHOUYU 10:2

“Shahu nou shabe ahai soulo; süsü poa neletao nou Israel maisou kuve jülaiyu phaki ae fühao hraloua talaiyu phaki panou nghou peilai.

MAIPEI PHOUYU 10:3

Shabe ahai khinou kho shohshoa nghou louzü, Enou buyu Sahpao nghoujü hinou Israel mai hrülai hai tave jüloulai.

1 KORINTHMAI 14:8

Alia reih soure be nasü kho sheetoua houngpei molouzü, reihmai thaohnou reih soure donou soudalai?

PHILIPPIMAI 2:12

Südonou leshiyu Athaihou jürai maitao, Enou neletaoye koa bubuki neletao nou teisanou paoyu züyu sübüa, chu Enou neletao hinou dou-a buyu phaki-a Achi züpeiyu hai alaosou veikoushoe. Pi-hi-a lah neletao vei khailu peiyu süsü chekhoure donou thaokhaimoa vah soulo,

1 THESSALONIMAI 5:2

Daiolouzü neletao lahnou sütoua bue, süolouzü Mapao vei teithe hai kheikou hinou avaomainou veyu sübüa velai.

JEMS 5:8

Neletao-a shamea vuzülai. Alia neletao lesü soutsülo, daiolouzü Mapao vere teithe sü ngheire.

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.

PONGAOPEIYU 6:17

Daiolouzü ngaopi shoyu puhai vei rarouyu teithesü veloure, alia süna vei nghojü hisü thaohnou la-a buloulai?”