JOEL 1:7 - SHEEYU BAIBEL (BSI)

⁷ Puletao nou Etao vei darkhabe khesü souhare, alia doushibe khesü toukhai loure, Sükao-a tousha loure alia sübotao-a jüde laire.

JOEL 1:7 Iomraidhean Croise

LOUTAO 105:33

Puhnou puletao vei darkhabe ae doushibe khesü soushi khaipeie, ae süübe veishi sü soucha khaipeie.

TAPALOUYU 10:14

Khazü khesü Ejipt teidei teitei hi ve phoutao loure. Haibüa nou me duyu khazü hai raichoki ve khaitoumo hie, alia haithai-a vekhai toulai moe.

TAPALOUYU 10:15

Khazü khesü ve dei teitei phouchü touloure, sübüa dei sü teiva loure. Puletao nou teidei sühi buyu vupou ae süübe hi rashithou taoyu teitei; reithou nou deirai moa shokhai touyu veishi sü toukhai touloure. Ejipt teidei hi süübe, ae vupou daiyu teitei sü aliro shopei moa toukhai loure.

ISAIAH 24:7

Zhaoh sü thetare, darkhabe sü kitare. Raichoki sava shoa buyu khesü chuo veahoyu ae leveayu nasü baire.

ISAIAH 32:12

Neletao vei ki-lu ae kipei aveih teitei sü soushi khaiwure, südonou neletao khao khoukhaio,

ISAIAH 5:6

Enou kipei nasü phi soupei mo-a nou vukhai bailai, phi soupeiyu thaosü panou pounghou ae shube khenou paphoulou bailai. Enou teihao-a panou sühisü teirü koupei laimoe.”

JEREMIAH 8:13

Mapao nou paoe, “Tatamai ali nou chachi pove jükhaiyu büa Enou avei maitaoye sü pove jükhai lounüe; ana puletao hai darkhabe rashithou ali-a taomoyu büa baire, ae doushibe hi thou lia taomoyu büa baire; süünghou koutea kitakhai toure. Südonou Enou puletao vei teidei sü vakou maiye panou poloure.”

HOSEA 2:12

Honapai nou puhvei darkha shibe alia doushibe taohai “A leshi maitao nou peiyu avei vahshie” tea paoyu tao sü Enou soushi wulai, alia Enou sükhesü rekhaona panou touloua bailai.

JOEL 1:12

Darkhabe khesü kitare, doushibe sü hatare. Vajüshithou, nghashi alia phoshi, ae ludou hi buyu süübe veishi nou kita khaire.

AMOS 4:9

“Enou neletao vei peida ae darkha kipei khesü teikhai teirüshi ae khanou pa kouh soushi peie; neletao vei doushibe ae oliv süübe khesü pa khazü nou touloue, sütoua buyuma neletao hai ahi dakhai vemoe.

HABAKKUK 3:17

Doushibe nou rashithou shipei moyuma, Darkhabe nou thoutao moa buyuma, Oliv be nou thou shipei moa, dou-rou chilou moa buyuma, alia kikhaorü hatayuma,

MALAKAI 3:11

Soushi laimai hisü Enou neletaoye donou dupeilai, sükulouzü neletao vei teidei hi shira khesü soushilai moe, alia neletao vei kipei hi darkha khesü thoushi moyu soulai moe, tea hrülai pei Mapao nou paoe.