JOEL 1:2 - SHEEYU BAIBEL (BSI)

² Hai choulo, nele tsümaitao, keilo, teidei haihi hrüa buyu mai hrülai! Neletao vei teile hi moa neletao vei puopao mai teile hi haibüyu vepa homoe?

JOEL 1:2 Iomraidhean Croise

JOB VEI LARÜBVÜ 12:12

Tsümai hai tsüdo bue, ana Ramaiwo tsüdo alia khouko ahai khei nou bue. Tsümai nou vere-pare süwe; ana Ramaiwo vere-pare alia süna pei hi soulousü khouko-a bue.

JOB VEI LARÜBVÜ 15:10

Tsüdo sü peipao hu chayu tsümai hinou, ne puo navemo jünou hrüyu tsümai hinou douloue.

JOB VEI LARÜBVÜ 21:7

Mai ashimaiye panou thai-a thaimoa panou hrü che-a hrülou alia hangi louyu hai daidonoue?

JOB VEI LARÜBVÜ 8:8

Daoh tsümai chipao alia hasü nasü licho khaio, Puo-paoh mainou daidai daoe alia dai ngaoe touyu tao-a lichokhaio.

LOUTAO 49:1

Deiphao mai hrülai, hai hai sülo! Hai sü kei noulo, buh likinou hrüa buyu maitaore,

ISAIAH 34:1

Oh tyahrütaore, tave jüloua keilo! Deiphao teitei ae sühinou hrüa buyu mai hrülai panou tave keikhaio.

ISAIAH 7:17

“Mapao nou ne hi, nevei maitao pei hi, alia nevei kihikha maitao pei hisü daoh Judah hinou Israel maitao nou ratayu nou poa zhou koute vepakhai moyu veahoyu sü pove peilaire – puh nou Assaria hi veoye sü neletao hi seithou peilai.

JEREMIAH 30:7

Ngaopi shoyu teithe sü velaire; teithe kukhe ali-a hai nasü paonada louhoe— haizhou sü avei maitao nou veaho sholai, ana puletao nou hriloulai.”

JEREMIAH 5:21

Oh voyu maitao ae tsü hayu maitao, nghithou pfüa ngaomoyu maitao, noubi pfüa choumoyu maitao, soutaosou keilo.

DANIEL 12:1

“Süphaki ne vei maitaoye kho-apeio dushoyu rakivamai, Maikhel sü tashulai. Süteile phaki neletao teidei hi raichoki vepakhai toumoyu veahoyu khesü velai, ana süphaki Ramai vei larübvü hi zhih rüthou khaitouyu mai hrülaiye sü khailu peilai.

HOSEA 4:1

Oh Israel maitaore; Mapao nou teidei hai hinou hrüa buyu maitao hi aetou moyu bure, Mapao vei chipao sü keilouo, “Teidei haina hi chileeyu alia maiye zhuveayu ali-a hare, alia Ramai ye süyu maia hare.

HOSEA 5:1

“He Napao maitaore, haihai keilo! He Israel maitaore, leloua chi hai keilo! Oh vemaitaore, kei khaio! Chikure sü ne pei hi velai! Daivanou touyuo ne sü Mizpah hi rüh, Tabor deichi hi sho alia

JOEL 1:14

Maisou ye kuve jüloua tovai rei-a lüh khaio, tsükhemai alia teidei hai hi hrüa buyu mai hrülai nou Ramai Mapao ki hi save jülouo, alia Mapao hisü kra khokhaio.

JOEL 2:2

maiyu alia zhiyu teithe, teihao chaoyu alia zhiteiyu teithe! Mai-zhi nou deichi sühao louyu büa reihmai sü pouso-a alia khouko buso-a velaire; sübüyu hai raiki pakhai mohie, mokhai-a bonakha hi koutea papulai moe.

AMOS 3:1

Oh Israel maitaore, Enou Ejipt teidei hinou sapa peiyu kihikha mai hrülai, Mapao vei chipao haisü keilo,

AMOS 4:1

Bashan hi chokü büa toutu toupa hrüvei shoa khaitouyu Samaria hi naotu maitao, touha maiye souvea-a laiyu maitao, lülou homaiye soutai sounou peiyu maitao, alia cha khemai hi “Zhaoh solai pove khaio” tea paoyu naotu maitao, chipao haisü keilo.

AMOS 5:1

Oh Israel maitaore, Enou neletaoye donou kouli lia paoyu chipao hai keilou khaio:

MIKAH 1:2

Tyahrü hrülai, haisü keilo; Deiphao hi hrüa buyu hrülai, haisü keinoulo! Ramai Mapao nou neye sü paoduka peilai, Mapao nou puhvei sheeyu rathoki hinou paolai.

MIKAH 3:1

Israel maiye süthai-apei maitao, haisü keilo! Neletao hai kaozü vah soure donou tsüchoyu pha-e,

MIKAH 3:9

Enou paoyu keilo, Israel maiye süthai-apei maitaore, kaozü naye ngaorayu maitao alia acheche nasü porei laiyu maitaore.

MATHIU 13:9

Alia Jisu nou akhai soua paoe, “Südonou neletao hai nou pfülouzü keilo.”

MATHIU 24:21

Daiolouzü teideiphao soushu rainou chu koute pakhai moyu moa thaikhai koutea pakhailai moyu adudulai pihiyu nasü ve daolai.

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.