JEREMIAH 9:4 - SHEEYU BAIBEL (BSI)

⁴ Mai hrülai nou kinapatao hinou kailo, ae thaihou jürai maitaoye louche khaiso; daiolouzü thaihou jürai mai hrülai nou Jakob büa dare, ae mai hrülai nou lahvei samai khamai hi da-a baire.

JEREMIAH 9:4 Iomraidhean Croise

SHURAI 32:28

Mai sünanou paoe, “Ne zhih Jakob tea kupu khailai more. Nenou Ramai-a ae mai-a povare alia nenou koloure. Südonou ne zhih sü chu thainou ‘Israel’ tea kulai.”

LOUTAO 101:5

Kheikhei soua kinapa maiye paoshiyu maiye sü Enou hulaiwulai; khaophu souyu mai ae khaityayu maiye koa Enou heamea poa nou bukhailai moe.

LOUTAO 15:3

alia maiye paoshi moyu mainou, puhvei samai khamai hi kaomo zümoyu soumoyu mai, mokhaia puhvei kinapa hi zhaochi paota moyu mai,

TSÜCHITAO 10:18

Ngaorayu pokheia buyu mai nasü dayu mütai pfüwe, alia maiye paomah paoshi-a laiyu maisü vomaie.

TSÜCHITAO 25:18

Lah kinapa hi da-a lah-apei mai lisü thailou veiyu reih basei, süübou moa khoche, moa vouloushuh büa baie.

TSÜCHITAO 4:16

Daiolouzü puhmai nou vah kaomoli soumosa sü zhithou louhoe; puhtao nou maiye panou phi sühlou mosa puletao hai zaihea bubaiwe.

TSÜCHITAO 4:17

Daiolouzü puletao sü mai ashi maivei raokhao touwe, alia lekhashi maivei zhaoh sowe.

TSÜCHITAO 6:16

Mapao nou ngaorayu alia healou hoyu na anai bue: khaosouyu nghithou, dayu mali, mah lia hayu mai zhe soupayu bah, do ashi phouyu lüthou, ashi hi thashoa tuhoyu phi, dahrührüa dashakhi soumai, alia thaihou-jürai mai hrohi sha southou apeimai.

ISAIAH 59:13

Etao nou ne chi zümoa neye malaiwure, ae ne thaifüa tamore. Etao nou mai kukhe maiye sü souvea souchoro peiwure, ae Etao nou kaomo zümoyu tsücho-a chipao lako ashi khesü paopawure.

ISAIAH 9:16

Daiolouzü mai khemaiye süthai-apei maitao nou süthai mah peiwure alia maikhe maiye soubürarou laiwure.

JEREMIAH 12:6

Ne thaihou jüraimaitao, nevei kihikhamai koute nou ne hi shodo ashi soulouzü; puletao nou neye duyu maitaoye koa neye dure ae paoshia laire. Puletao nou ne hi chi la aveih nou keayuma puletaoye loucheso.”

JEREMIAH 6:28

Puletao mai hrülai nou tsüle khousoua khaityare, baosahu ae hu büa khoushoe. Puletao mai hrülai nou shikhai toure, ae dahrührüyu chi pao-a bubaire.

JEREMIAH 9:8

Puletao vei mali sü thailou veiyu vouloushu kue; teisa nou dayu chi paobaiwe. Mü hi louzü kinapa mai hi kaonayu chi paowe, anou le khevai louzü soushi peire donou da-a baiwe.

EZEKIEL 22:9

Neletao kamai-a nou maiye panou southare donou dayu chi sü paore, kamai-a nou basharatao hi posheela peiyu touso khesü toure ae kamai-a nou kezhe vei jüpayu nasü rukha soua nou bure.

LEVIMAI LARÜBVÜ 19:16

Neletao hai da-a nou maiye paoshilai moe, nenou mai aliye southalai tea buyu phaki, nenou chi paokha peilou süa bulouzü puhye donou chi paokha peilai. E sü neletao vei Mapao-e.

MALAKAI 2:10

Neletao puo alikhei bubai mowu? Neletaoye soupeiyu Ramai alikhei baimowu? Sükulouzü daisounou neletao alinou aliye louche moa neletao puopao nou soukhai touyu vo sü souzhaiwe?

MATHIU 10:17

Maikhe maiye zhutoulo; daiolouzü puletao nou neletaoye niloua chikuki hi savelai, alia neletaoye rathobuhtao hinou dapeilai.

MATHIU 10:21

“Thaihou jürainou lah thaihou jüraiye southeare donou thoupeilai, alia puokhemaitao-a sübüa puletao nahmai taohi soulai; nahmaitao-a puletao pfüpuomai pei hi motouloua puletaoye southealai.

LUK NOU RÜYU KO AVEIBVÜ 21:16

Alia neletao pfüpuo, thaihou-jürai, tarai ea samai-khamai tao koute nou-a neletaoye sü maibah hi thoupeiwulai, alia neletao hronou kamaitaoye puletao nou southealai.

1 THESSALONIMAI 4:6

Südonou maitalinoua lah puhvei thaihou jüraihi süna vanou soula-pfüla-a soumahwu laimoe, süsü Ehnou raia nelehi paongaowe ea chihshoa neleye tukha-a paowe süolouzü sübüa souyumai hrülai pei hisü Mapao nou khüh phoulai.