JEREMIAH 9:3 - SHEEYU BAIBEL (BSI)

³ Puletao hai teile busasü dayu chi paore donou bua baire; cheche-a teidei khore thaosü tsüle shee more. Mapao nou paoe, “Avei maitao nou vah ashi souyu thainou soupu khaikhai-a baire, ae E hai puletao vei Ramai nasüe touyu süpei more.”

JEREMIAH 9:3 Iomraidhean Croise

SHURAI 39:16

Puhcha nou kihi khaivemo koute honapai nou zao nasü puh hi khailoure.

TSÜCHITAO 12:5

Acheche mai vei tsü louzü züwe; mai ashimai vei dou-apei louzü shodo ashi sü baie.

ISAIAH 1:3

Kikhaorü louzü lah puletao vei paopuye süwe, alia rheisüh-a lah paopu nou to peiyu buh ngaowe. Ana Israel mai-o louzü sülou more, avei maitao hai tsü sükulou more.”

ISAIAH 3:5

Maikhe mai hai ali nou aliye souchoroa hrülai. Nahle mai nou tsümaiye ngaophou laimoe, ae maikhe mainou puletao jünou aduso maiye tsükhouyu sü hatalai.

ISAIAH 6:5

Süthaisü Enou paoe, “E hai daizhou koute vealaisa! Ahio veiyu touyu ali-a hare, daiolouzü avei mü-li hai shee moe, ae E sü mah chipao ae mah lou soua buyu maitao hrohinou hrüa bubaie, alia anghithou vuzünou Veo, Khoukhoulai Mapao sü ngaowure.”

ISAIAH 9:18

Maikhe maivei vah ashi sü mei deiyu phaki pounghou ae shube khesü deiyu büa dei-a bure, alia süsü himei taoyu büa meikhao sü tei hi khaopare.

JEREMIAH 12:6

Ne thaihou jüraimaitao, nevei kihikhamai koute nou ne hi shodo ashi soulouzü; puletao nou neye duyu maitaoye koa neye dure ae paoshia laire. Puletao nou ne hi chi la aveih nou keayuma puletaoye loucheso.”

JEREMIAH 22:16

Puhnou touhayu mai donou checheyu hinou chi kupeie, ha veishi hinou puhsü va-a hrüe. Mapao ye süyu touyu sü haina paowe.

JEREMIAH 31:34

Süthaisü puletao mai ali noua mai ali hi Mapao ye sülo tea paodoulai moe, daiolouzü taidu sümoa mai hrülai nou Eye süa bailai. Enou puletao vei mahmo khesü khai peilai, ae puletao nou soumah pfümah khaitouyu khesü Enou lichopu peilai moe. Haisü Mapao Enou paowe.”

JEREMIAH 4:22

Mapao nou paoe, “Avei maitao hai vopare; puletao nou Eye sümore. Puletao hai voyu nahmai ali büre; puletao hi sükulou süyu tsü hare. Puletao hai vah ashi souyu hio souvei shore, ana vah aveih louzü soupfülou more.”

JEREMIAH 5:4

Süthaisü Enou paoe, “Puletao hai touhayu mai baie, ae voyu maitao baie; daiolouzü puletao nou Mapao vei ludu nasü sümoe, ae Ramai nou puletaoye panou soupfü nüyu nasü sülou moe.

JEREMIAH 5:5

Enou khouko buyu maitao hisü velai, ae puletaoye tave chakulai; daiolouzü puletao nou Mapao vei ludu sü süwe, ae Ramai vei chikhatao sü süwe.” Ana puletao mai hrülai nou Mapao vei khakhe hi bubare ae puh chi zübare.

JEREMIAH 6:28

Puletao mai hrülai nou tsüle khousoua khaityare, baosahu ae hu büa khoushoe. Puletao mai hrülai nou shikhai toure, ae dahrührüyu chi pao-a bubaire.

JEREMIAH 7:26

Ana mai linoua puletao vei chi sü keipei moe. Neletao hai neletao vei puopao maitao jünou-a rochipu loure ae khaityapu loure.

JEREMIAH 9:5

Puletao mai hrülai nou samai khamaiye süthaimah peia baire, ae mai linoua cheche chi paomore; puletao nou dayu chi paore donou doupeiwe, ae puletao nou mah soua buyu nasü baibare. Puletao hai tobai soumoa züva-a bure, ae dazhuyu thainou dakhai dakhai-a baire. Mapao nou puhvei maitaoye malaire tea puhnou paowe.

JEREMIAH 9:8

Puletao vei mali sü thailou veiyu vouloushu kue; teisa nou dayu chi paobaiwe. Mü hi louzü kinapa mai hi kaonayu chi paowe, anou le khevai louzü soushi peire donou da-a baiwe.

EZEKIEL 8:13

Süthaisü Mapao nou ahi paoe, “Puletao nou hai jünou shipuyu ae ngaora puyu vah haso sü soua buyu sü nenou ngaolai hie.”

DANIEL 11:27

Süthaisü vemai ahai sünou koa touso zholai, anou puhai tsüle hiolouzü do ashili choa alinou ali hi dachi paolai, ana puhai nou jüpa-a phouyu khesü ngaoloulai moe, daiolouzü apaokhai touyu akhai teile sü vemo hie.

LEVIMAI LARÜBVÜ 19:11

“Neletao hai maivei vaolai moe, maiye lalai moe, moa dalai moe.

MARK 8:38

Südonou maita linou chu khulou souyu ea mah souyu maikha haina hinou Avanou ea Achipao vanou ahrao louzü, Mai Nahpoutu-a sheeyu rakivamaitaoye koa Puo vei khouko ava hinou veyu kisü süna vanou ahraolai.”

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

SEI-ATAMAI VAHTAO 24:9

Alia puhnou paoyu chi sütao teitei sü cheche-e tea Jihudimai taonou puh mü boloure.

ROMMAI 1:16

Daiolouzü chipao Avei vanou Esü ahrao moe; haisü lü loucheyu mai hrülai süolouzü raikai-a Jihudimai ea süthai tahrüh kukhe maiye-a khailu peire Ramai vei khouko nasüe.

ROMMAI 1:28

Alia puletao nou Ramai vanou chekhaoyu tsü nasü puletao vei tsü hi khaibayu donou, puhnou puletaoye sü ashi tsü hi ea kao-zümoyu zhaido hi thoupeire.

ROMMAI 3:13

Puletao rao hai houkhai touyu khüh-e; puletao mali nou tobai soumoa madawe, puletao tai khehisü shishoyu nghou tu bue;

1 KORINTHMAI 15:34

Leikeiyu tsü hi khaivelo ea neletao vei mah ludusü thaowuwo. Haisü Enou neletaoye panou ahrao loure donou paowe, daiolouzü neletao kamaisü Ramaiye sümoe.

PHILIPPIMAI 1:28

Neletao vei ngaobamaiye piwuso; teisanou khuveilo, alia sükuyu nanou puletao hisü neletao nou koloua puletaosü ha-kata bailai touyuvei shee nasü sheetoua soungaowe, daiolouzü neletaoye panou kolouyu hai Ramai hinou vebaie.

2 TIMOTHI 3:13

alia mai ashimai ea aveikho soumai taosü mai kukhe maiye la-a ea lah puletaoye-a la-a shikhai shikhai tabailai.

JUD VEI SEIKO 1:3

Leshiyu Asakhemai, Eletao nou koa zha ngaozho-a buyu khailu peiyu vei vanou Enou neletao hi rüre donou te-a buyu hisü, Eye neletao hi Ramai nou Puh maitao hi lühli hinou ea teisa donou peikhai touyu lü sünaye donou soutaosou reihzüa bure donou rüpeire süsho loure.

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

CHIKUAPEI MAITAO 14:17

Honapai nou nühnüyu teithe anai koute kra-a puh hinou nüda nasü daitouwe tea nouloure, südonou teithe anai zhousü puhnou khadachi nasü daitouwe touyu honapai hisü paopeide. Süthaisü honapai nou khadachi nasü daitouwe touyu taho Philistin mai hi paopeie.

CHIKUAPEI MAITAO 2:10

Maiphao süna thaita khaiyu thai, bonakha phao hisü Mapao nou Israel maiye donou khupayu vah soupei khaitouyu khesü ngaiwure.

1 SAMUEL 2:12

Eli vei nahpoutu ahai hai shita khaire; puhai nou Mapao ye tsükhouyu sü hare,