JEREMIAH 9:2 - SHEEYU BAIBEL (BSI)

² Enou radeiki hinou buloure buh bulouzü Amaitaoye thaowu-a sühinou tuho bua bailai. Daiolouzü puletao mai hrülai nou louchelou shire, dazhuyu maime baire.

JEREMIAH 9:2 Iomraidhean Croise

ISAIAH 59:3

Daiolouzü neletao bah sü zhe napoa sheemore ae neletao bahtoutu hisü zhe taore; neletao vei mü hinou dayu chi paowe, ae neletao vei mali hinou hashi khesü lapaiwe.

JEREMIAH 12:1

“Oh Mapaowo, Enou ne hi chi paoyu phaki, nenou cheche loua baiwe. Ana Enou ne hi kaozü vanou chi paolai. Daivanou mai ashi mainou vasapalou-a duso louge? Daidonou tsüle sheemoyu mainou veilouwe?

JEREMIAH 12:6

Ne thaihou jüraimaitao, nevei kihikhamai koute nou ne hi shodo ashi soulouzü; puletao nou neye duyu maitaoye koa neye dure ae paoshia laire. Puletao nou ne hi chi la aveih nou keayuma puletaoye loucheso.”

JEREMIAH 13:22

Neletao nou haisü daidonou vepare tea noulouzü, ae daivanou neletao vei sabanü paipha peiwe ae mainou nüloua sazü sabu peiwe tea noulouzü — haisü neletao nou ngaopi shoyu mahmo souyu donoue.

JEREMIAH 23:10

Teidei hisü khulou souyu nou pouleyu donou teidei sü chaa ngao-a dopfü loure, ae heiphao khesü kitare. Puletao hai kaozü moyu hinou hrüa baire, ae puletao vei khouko sü macha moyu hinou poa vah soua bubaire.

JEREMIAH 4:22

Mapao nou paoe, “Avei maitao hai vopare; puletao nou Eye sümore. Puletao hai voyu nahmai ali büre; puletao hi sükulou süyu tsü hare. Puletao hai vah ashi souyu hio souvei shore, ana vah aveih louzü soupfülou more.”

JEREMIAH 5:1

Jerusalem hi maitaore, neletao vei ludu teitei hinou tuhao khaio! Pehao veishi sü zhukhaio! Neletao lah zhulo! Hupobu hia taho phoukhaio! Neletao nou acheche vah soua buyu mai alia Ramai hinou chilee cheche-a hrüyu mai liro ngaomoge? Hakinou neletao nou mai ali koute-a ngaolouzü Mapao nou Jerusalem sü khaipeilai.

JEREMIAH 5:11

Daiolouzü Israel alia Judah maitao nou Eye louche peikhai more. Haisü Mapao Enou paowe.”

JEREMIAH 5:2

Neletao nou Mapao ye thowe tea mü louzü khawe, ana checheyu hrüh hinou hrümoe.

HOSEA 4:2

Teidei haihio chaachou souyu, dayu, taitha-dathayu, vaoyu, khulou souyu khaikho baire, alia sounou-pfünou touyua hazei toure. Maiye southayu vah sovei sü pulailaia baire.

HOSEA 5:7

Mapao ye louche moyu vah sü soua baire; daiolouzü puletao nahmai hai vakou maiye na-a baire. Südonou chuo puletaoye sü puletao vei teidei noupu souhawulai.

HOSEA 6:7

“Ana Eye koa Vo soukhai touyu nasü Adam hinou poa chukoute neletao nou pfüphe-pfüthoa baire.

HOSEA 7:4

Puletao hai maiye sapayu mai khai toue; puletao vei lekha-rarou haio raokhao khaoyu mainou deipa souhshoa khaitouyu meifü libüa baie, süsü raokhao khaoyu mainou chemo koute mei chüthoyu hai komoyu büa baie.

MIKAH 6:12

Neletao vei toungiyu maitao hai zhaipou shi-e, ae neletao mai hrülai nou dahrührüa baie.

ZEPHANIAH 3:4

Sühi rachi paolayu maitao hai louchelou shire alia dahrührüa baire; napao maitao nou sheeyu buh nasü souzhai peiwure, alia Ramai vei kharochi khesü lahvei kaovei loure donou souda-a bubaire.

MALAKAI 2:11

Judah hai lü hazhi tea bue, alia puletao nou Jerusalem hinou ae Israel teidei teitei hinou ngaorayu vah sü soure, daiolouzü Mapao nou leshiyu puh vei Rathoki sü Judah mainou souzhaiwure, alia rah kukheye thoyu nahnaotu sü naloure.

MALAKAI 2:14

Neletao nou nouwe, “Puh daisounou süsü popei moe?” Daiolouzü Mapao hai ne alia ne nahle-a buki ne khapfü hi nou vo soukhai touyu nahi shaki nasüe, honapai nou neye koa hrüa bulikhu ae ne khapfü soua buma nenou puhye loucheyu hazhi toure.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

CHIKUAPEI MAITAO 2:10

Maiphao süna thaita khaiyu thai, bonakha phao hisü Mapao nou Israel maiye donou khupayu vah soupei khaitouyu khesü ngaiwure.