JEREMIAH 8:9 - SHEEYU BAIBEL (BSI)

⁹ Neletao hi tsüvei maitaoye souhao peiwure. Puletao tsüsü souhao peiwu-a panou shorü hinou muloure. Puletao nou avei chipao khesü pobare. Sükuyu thaisü, puletao vei tsüsü nasü daiki bue?

JEREMIAH 8:9 Iomraidhean Croise

2 VEMAITO 17:15

Puletao hai puhnou paodou peiyu khesü zübare, puhnou puletao vei puopaoh maitaoye koa vo soukhai touyu nasü pfüthowure ae puhnou puletao hi paopi peiyu khesü ngaophou more. Puletao nou haliro soulou hoyu bashara khesü tho tare ae puletao hai muhlia hayu mai soutare. Mapao nou puletao hi puletao vei pehao hinou hrüyu maivei zhaidou hai douso tea kharochi peiyu sü züba-a sükhesü soupfü tare.

JOB VEI LARÜBVÜ 5:12

Shodo shimai vei dokai sü puhnou souphe pei-a puletao nou souyu vah panou vete loumoyu sou-a baiwe,

JOB VEI LARÜBVÜ 5:13

Tsüdo veih maiye panou lah puletao vei rüh hi lou mulouyu soupeie.

LOUTAO 19:7

Mapao vei chikha hai chekho baie, haina nou rakoye sü souchü soukhou peie. Mapao vei kharochi hai louche louveie, haina nou tsüdo hayu maiye sü tsüdo aveih peiwe.

ISAIAH 19:11

Zoan hinou hrüyu peikhomaitao sü vore! Ejipt teidei hi tsüdo veikhayu maitao sü kaozü moyu hinou paodoupeia baire. Neletao kabüa veo hisü “Etao hai daoh raichoki hasüyu maitao ae veo maitao vei tyaosholea-e” tea paolouwe?

ISAIAH 29:14

Südonou Enou mai haitao hisü khupayu ae ngaopi shoyu vah khesü soupu peilai hie. Puletao vei sükulou süyu tsü sü souhawulai.”

ISAIAH 43:27

Neletao vei paipaoh maitao nou mahmo sü souwure; neletaoye süthai-apei maitao nou ahi kaomo zümoyu vah khesü soupeie,

ISAIAH 8:20

Neletao nou puletao hisü haibüa chila peilai, “Mapao nou Eletao hi doupeiyu khesü keilo! Keingumai ae thaimai ko pola-apei maitao nou paoyu sü keiso, puletao nou paopeiyu hinou haveih ali koute-a palai moe.”

JEREMIAH 15:6

Neletao nou Eye thaowure; neletao nou ahinou thaitsüpoa tare. Südonou Enou abah thaipa neletaoye soushire, daiolouzü avei lekha rarou nasü healou hore.

JEREMIAH 19:7

Buh hai hi Enou Judah alia Jerusalem maitao nou tsücho dayu veishi sü panou vetelai moe. Enou puletaoye sü ngaobamaitao panou veiloulai ae soureih hinou southa khaitou peilai. Puletao vei thaiphaosü Enou tei hi raohou alia dei hi soukhaonatao vei touso panou soulai.

JEREMIAH 2:8

Napao maitao nou haibüa paolou moe, ‘Mapao sü daiki bue?’ Avei napao maitao nou Eye sümoe. Teidei khomaitao nou Eye hailoua baire; Rachipaola maitao nou Baal zhih hinou rachi paotare, ae halia viyu hayu basharatao sü thotare.

JEREMIAH 49:7

Edom vanou Khoukhoulai Mapao nou haibüa paoe, “Edom maitao hai puletao vei tsü aveih nasü hadou? Puletaoye paodou-apei maitao hai haliro paodou peiloure sü harevu? Puletao vei ratsü veishi sü hatadou?

JEREMIAH 6:15

Puletao nou ngaorayu vah souyu phaki hraoho haomosa? Moe, puletao sü hraokhai toumoe; puletao nou hrao-a pah holou moe. Südonou puletao hai mai kukhe nou kaodu tayu büa kaodu talai. Enou puletaoye tudeeyu phaki, puletao vei akhai soulai. Haisü Mapao Enou paowe.”

JEREMIAH 6:19

He deiphao, keikhaio! Puletao nou hashi soupfüyu donou Enou mai haitao pei hisü tudee peilai, daiolouzü puletao nou avei dou-apei sü malaiwure ae avei chipao sü zü bare.

EZEKIEL 7:26

Veahoyu ali pei hinou veahoyu kukhe ali hai veloulai, ae tobai soumoa ko ashi khesü thaokhai toumoa neletao hisü veloulai. Neletao nou rachipaola peiyu maitao hisü puletao nou ngaoyu khesü paongao peio tea kholai. Napao maitao nou maikhe mai hi halia paodou peiloulai moe, ae tsümaitao nou maikhe mai hi halia doupeilai moe.

AMOS 2:4

Mapao nou paoe, “Judah mainou mah soukhai khaiyu donou, puletaoye souvea laiyu nasü Enou polaiwu laimoe; daiolouzü puletao nou Mapao vei chikha nasü malaiwure alia puhvei kharochi khesü zümore, ana puletao paipaoye süthai mah tayu bashara nanou puletao ye süthai mah potare.

ZEKHARIAH 13:4

Süzhou teithe rachi paolayu maitao nou puletao vei zhohabo ngaoyu nasü po hao-a bailai, puletao vei soumai sabanü nasü puletao nou banoupu laimoe.’

PAODAKHAIYU CHIKHA 4:6

Chikha sütaosü zülo ae soulo; sükulouzü tyahrü kukhe mainou neletao hai ratsü ae kaozü süyu maitao-e tea ngaoloulai, alia puletao nou neletao vei chikhatao sülouyu phaki, ‘Neletao hai daizhou koute tsüveiyu ae kaozü süyu tyahrü maitaosa!’ tea nou paolai.

2 TIMOTHI 3:15

alia kabüa nenou taibu kinou Khrista Jisu ye lülouyu vanou neye khailu peiyu hi süthaithou peiyu ratsüna peilou süyu sheeyu larübvü taosü sülouresa touyu sü nenou süwe.